|
صبـــآآآآح الخير ... نمت و صحيت و للحين الاخبـــآآآر نفســهآآآ والله كنت متوقع بـأ اصحى على اعلان التوقيع .. والله اذا للحين ما جبنـآآ المدرب و الاداره تفـــآضل على ان المعســـكر بعد شهر يعني الاجانب نفسهم الا ولي بداله مدافع هذا اللي يقصده بموسم الافعال !!!!!!!!! اذا صــآآر اللي جالس اقوله سلام سلام يا اسيا و مشكور يا ابو مسـاعد و بيض الله وجهك و خل الفرصه لغيرك .. يالله يا رب توفق الزعيم فوق الارض و تحت السماء .. |
من جد تجيب مهاجمين اجانب وتحط واحد احتياط جنب ياسر ؟؟؟؟؟ دلاخه هي ولا وش السالفه نبي وسط يعني واضحه ياناس مايبيلها تفكير |
يا شين الفلسفه ... ما يقهرني الا الي حاط رجل على رجل وينتقد عمل الادارة وبالاخير يقول دع المجال لغيركـ ... ياحبيبي الدوري السعودي ضعيف على الاقامة بالسعوديه غير مرغوبه للأوربيين يعني المدربين الي عليهم الكلام ماراح يجون والادارة مو مقصره فاوضت 26 مدرب يتخللهم مدربين عالميين لكن للاسف بعضهم رفض الفكره ولم يلتفت للرقم ... مختصر الكلام دع الادارة تعمل ومتعنا بصمتكـ |
الله يعيـــــــــــــن الله يكتب الي فيه الخير للهلال |
موضوع ممميز يآكبير الف الف شششكر لك وعبدالله بن مسسسآعد يصرح ان بقآء الكوري متآح بنسسبه كبيره |
إقتباس:
اول شي حبيبي احنا ما تكلمناا الا لما المعسكر صار بعد بكره .. ثاني شي اذا احنا حاطين رجل على رجل على قولتك بس لاننا تكلمنا بالواقع اجل وش يسوون اللي يفاوضون احنا ما ننام جالسين على المنتدى ننتظر و سالفة ما يبون يجون ليه اللي قبلهم جو ؟؟؟؟ و هيدينك قال بجي بس المبلغ غالي يعني لا نجلس نقول ما يبون يجون بتقنعني ان خورخي لو فاوضوه صح ما راح يجي ؟؟ بس مسألة يتصلون عليه 3 سماسره كل واحد اهم ما عليه ياخذ فلوس هنا الكلام .. ننتظر وش راح يصير و بس |
https://yfrog.com/octiwpjj:iphone أم القههههههرررررر ياناس شوفو شكله نبي واحد حلو ومزيون مستحيل هذا يدربنا مو لايق علينا خلاص مانبيه مانبيه بعض الردود والحمد الله على نعمة العقل سوا كومباري أو غيرهـ الله يوفقه مع الزعيم هذا أقل شي نقوله وعسا في الأمر خيره |
السلام عليكم كيف الحال ؟ سؤالين ياجماعة الخير .. الحين الهلال وقع مع كومبواري ولا ؟ والثاني متى بيبدأ معسكر الفريق الأول .. ومن ناحية الأجاانب لازم تغيير .. الله يستر , |
صباحكم خيبة أمل :cry: كما توقعت .. هناك "دول" آخر قادم ..! و أعتقد أن هذا أسواء من دول , من بعد ما كنا نطمح في خورخي و لوران و ديشامب , فجأه يصبح "كومباوري" مدرب للهلال ..! :s5s: |
اصبروا على سامباولي الى ان يوقع لانه احسن السيئين يا ادارة يافاشلة ارحلي |
بصراحه لو تم التوقيع مع هذا المدرب انا اعتبره فشل ذريع لاسباب منها ان هذا المدرب من 2011 ماعنده شغل وانت من نص الموسم اللي فات تبي مدرب والى قبل المعسكر مو قادر تحسم امره اش نسمي هذا مو فشل ذريع ثانيا السيفي حق المدري مو كويس ممكن ينجح نجاح باهر وممكن يفشل فشل ذريع والهلال مقبل على فرصه سانحه من سنين ما سنحت له كذا يعني ممكن الهلال يطلع من اسيا لا سمح الله عموما لو وقع لازم ندعمه بس تتسجل نقطه سوداء ثانيه لادارتنا لفشلها في المفاوضات ولا ننسى ان المدرب هو كل شيء الله يوفق الهلال ... |
السلام عليكم صباح الخير بالنسبه لموضوع المدرب احياناً ودك تنتقد الإداره لكن بنفس الوقت ماتلومهم يعني اذا تبي مدرب كبير لازم يكون عندك دوري له سمعته وللأسف مافيه أي شيء يحمس المدربين إنهم يجون لسعوديه تصنيف المنتخب بالتسعينات والمنتخب هو نتاج الأنديه لكن ممكن المدرب يتغاضى عن سمعة الدوري وقوتة ويبالغ بقيمة عقده لأنه هو بيخسر الكثير من اسهمه اذا جاء لمنطقة الشرق الأوسط ويبي يعوضها بالمال النادي طفران ومو قايم إلا على عقد موبايلي ودعم بعض اعضاء الشرف واذا قلنا طفران فأنا اقارنه بموسم قريتس ونيفيز ويلهامسون ورادوي والكوري الي كان فيه دعم للأمير عبدالرحمن من احدى الشخصيات واعتقد الكل يعرف من هو فإذا انت دخلك كله حوالي 80 مليون ريال اذا المدرب لوحده طلب 6 أو 10 مليون ويمكن بالدولار كم بيبقى من أصل هال80مليون الي تبغى تغطي بها كافة المستحقات رواتب ، عقود ، وبإختلاف الفئات واضف عليها الألعاب الأخرى هالمدربين لما يسمع بالسعوديه يعتقد إن كل خزان مويه جنبه خزان بترول والكل مطخطخ ! انا ما ألوم الإداره اذا وقعت مع مدرب مو عالمي لأن امكانياتها الماليه محدوده وكل الأنديه كذلك الشباب داعمه خالد بن سلطان والأهلي داعمه خالد بن عبدالله وومشين امور هالأنديه لكن شوف الإتحاد لما رفع إيده الداعم كيف صار وضعهم والهلال تقريباً مشابه لوضعه او افضل قليلاً العمل بالأنديه صعب ومتعب ومرهق ومكلف خصوصاً هالفترارت الي كل شيء صار ضعفه مرتين لانلوم الإداره امكانياتها محدده وكثر خيرهم مستحملين هالضغط ولو من بكره يتركون الرئاسه محد تقدم لها وإن جاء رئيس يبي يصير نفس هالوضع الا ان كان مليونير وقادر يدفع من جيبه الكوره الان مال ثم مال ثم مال والمال يجيب الفكر ويجيب اللاعبين المميزين لكن اذا امكانياتك محدوده فمد رجلك على قد لحافك لا تقعد بها اخر الموسم وتطفر وديون وتفتح لنفسك باب كان ممكن تتفاداه التمني شيء والواقع شيء آخر فقليلاً من الواقعيه ياجمهورنا الحبيب. |
^ هههههههههههههههههههه ادارة فاشلة ؟؟ ارحمنا يبوي و خلك ساكت بس |
إقتباس:
أنا مع اللي حاط رجل على رجل و جالس ينتقد .. ألحين عاجبك وضع الفريق ؟ وش سوّت الإدارة يا اللي تعمل في صمت ؟ المعسكر بدأ بدون مدرب و لا أجانب و لا شئ .. ليش نخلّي اللي يسوى و اللي ما يسوى يتكلم و ينتقد ؟ الإدارة مسؤولة أمام الجمهور لأنها تصدّت للمسؤولية و وعدت بالأفعال .. ما شفنا غير كلام و أعذار و وعود و كأن الجمهور لا يفهم و لا له أي اعتبار .. ما دام تأخروا في التعاقد مع مدرب كان من المفترض يعوّضوا بتسريح الأجانب العالة و التعاقد مع أسماء كبيرة تحمل الفريق و تساعد أي مدرب .. أما الفلسفة و الإحترافية التي تدعيها الإدارة بأن المدرب يختار الأجانب فهي أعذار واهية طيب جيب المدرب من بدري و خليه يختار .. و مع ذلك أقول من اختار أحمد علي .. إنها إدارة التسويق و الاستثمار يا صاحبي .. و غير ذلك مدربينا السابقين لا تجد أي منهم اختار لاعبين أجانب .. فقط كوزمين أحضر رادوي و بقية الأجانب تم التعاقد معهم من قبل سامي و محجوب .. نضحك على مين و إلا مين .. ليش ما تم التعاقد مع مدافع أجنبي .. أي مدرب يحضر بالتأكيد ما راح يرفض توريه .. إلا إذا كان بيحضر نيستا .. و أي مدرب يحضر ما راح يرفض هوندا مثلاً أو غيره إلا إذا كان بيجيب ميسي صدّقني يا أخي العزيز إن تأخير التعاقد هو لعبة ذكية للإبقاء على الأجانب .. الإدارة ( عاطفية ) و كسبت قلوب الجمهور العاطفي .. عندنا ظروف خاصة .. ما أحد وافق وش أسوي .. حققنا إنجازات سابقة .. حتى هُيئ لي أن الإدارة ( سحرت ) بعض الجماهير كما هو سحر النصر .. بمجرد أن يأتي عضو مسكين عاشق يهتم لمصلحة فريقه و يطالب بمدرب أو لاعب انبرى له عضو آخر بدون أي مقدمات و قام يصفه بالجاحد و المندس .. وش هالخرابيط ما عمري سمعت بسالفة مندس و غيرها إلا من سنتين و هي مصدّرة من منتديات النصر السكوت على الخطأ من أسباب عدم التغيير و التطوّر .. النقد يا صاحبي يداوي الجروح و يصحح المسار و نحن ننتقد المرحلة هذه دون تجريح في شخص أحد نحن ننتقد عمل و أنا مع نقد الإدارة حتى تقدّم عمل و جهد ملموس كما قدمته في بداية ترؤسها .. أبو فيصل قادر على النجاح و قادر على إنقاذ الفريق و لكنه يحتاج إلى جمهور حي .. و ليس إلى جمهور عاطفي .. أسأل الجميع .. ماذا كنت تتوقع من أبو فيصل بعد حديثه نهاية الموسم الفائت ؟ لو نطق الجميع لقالوا مدرب كبير و لاعبين أجانب يشيلون الفريق و يدكّون الخصوم دك .. و لكن ما ذا حصل الآن .. لا شئ يا صاحبي لا شئ .. إنك تحلم و ستستمر في حلمك و أوهامك حتى تستيقظ على هاسيك آخر أو عربي آخر .. و حينها ستجد نفسك مجبراً لتشجيع الزعيم و في القلب غصة .. يا عالم .. يا هوووه المشجّع البسيط لا يريد أن يعرف الإيرادات و الصادرات و المصاريف و العجز و لا يريد أن يعرف طريقة المفاوضات و كيفية التنقل و الترحال و السفر .. يريد فقط ( نتاج ) عمل الإدارة .. أستغرب من يلتمس العذر لإدارة قادرة على عمل الفارق و النجاح و التغريد خارج السرب و ليس التغريد في تويتر فقط .. و لكن العجيب أننا نسمع أعذار لم نسمعها من إدارات غلبانه كالفيصلي و الحزم و نجران .. عجب عُجاب .. فعلاً |
مافي خبر جديد بخصوص المدرب ليت اللي يتابع بالتويتر يشوف فيه احد غرد او شي |
| الوقت المعتمد في المنتدى بتوقيت جرينتش +3.
الوقت الان » 10:29 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd