|
ياجمهور الكوري الجديد ترى دور ال8 مافيه بني ياس !!! السلام عليكم ... بكل امانه اندهشت من بعض الجماهير المطالبه ببقاء الكوري يو !! بالامس كانت الجماهير تتطالب بابعاده وليس الجماهير فقط بل الجميع والان سجل 4اهداف وتغير الامر!! اذا على مباراة بني ياس في رائيي لم يبقى احد لم يبدع واذا كان كذلك فانا اطالب ببقاء هاسيك واعطاء الكابتيه للمرشدي الموسم القادم !! الله يرحم والديكم اتركو التطبيل الي ماراح يودي ولايجيب !! سبحان مغير الاحوال بالامس اغلب التصاريح تقول حنا بس خل نتعدى المباراة والموسم القادم كل شي يبي يتغير والان عقب المباراة !! العقل والمنطق هو بقاء هرماش فقط لاغير وجلب ثلاثي بديل للبقيه وتدعيم الفريق بصفقات محليه والا الفريق هاذا لن يوكل عيش !! اتمنى ثم اتمنى ان لا تكرر الاداراه اخطاء المواسم السابقه وهي الاعتقاد بان الفريق جاهز وكامل وبالاخير تاتي الصدمه !! سوال بالبنط الكبير لو لم يلعب الكوري هل سوف يخسر الهلال ؟ الي يجاوب نعم هو اما ناقص كرويااا او مطبل او... الله يرحم والديك ياشبيه الريح اذا كنت تويد بقاء الكوري فالافضل من الان عدم ترشحك تراه مهب كل سنه نلعب بدور ال8 ياعالم ياناس اتركو التطبيل الاعب الكوري موسم كامل لم يقدم شيء ومباراة وحده لو لعب بها اي مهاجم مكانه بالتاكييد سيسجل اربعه او خمسه ... |
الكوري جيد بس ما اخذ فرصته في البدايه بس لما اعـطي الفرصه اثبت انه عنده شي يقدمه |
الكوري بحاجه لمترجم + العامل النفسي = مهاجم لايعرف آلا الشباك وتذكروووو كلامي |
هرماش و ويلي اما الباقي مع السلامه و المدرب طبعا و تشكرات |
لا تعمم على الكل انا كنت اطالب انه يجلس اكثر اللاعب يلعب موسم كامل بدون مترجم !!وصغير سن , و مهاجم مزعج ويتحرك كثير لكن مشكلته ف اللمسه الاخيره لكن امس 5 فرص حقيقيه جاب 4 اهداف . ان شاء الله ع طول كذا . |
ميزات الكوري لاعب يتحرك طوال 90 دقيقه يلعب بروووح عيبه الوحيد تضييعه لكرات سهله |
الكوري ممتاز او حنا ماطالبنا ببعاده اذا بتبعده لازم تجيب افضل منه ولا تنسى انه لاعب اسيوي صعب تحصل لاعب اسيوي مميز |
تبي الكلام الي يجمد على الشارب صدقني ما راح تلقى زيه صغير و سريع متحرك مشاغب طويل ألقامه أنا اليوم قبل بداية المباراة رهنت الشباب انه بيجيب هاتريك لكن للأسف خيب ضني وجاب سوبر هاتريك اللاعب مع احترامي لك الي يفهم كوره يدري انه مميز و عنده القدرة التهديفيه العاليه |
ممتاز .. اخيراً لقيت احد صاحي !! طول الموسم والكوري والعربي رافعين ضغطنا .. وبمباراه وحده وصلوه للسماء ولو نشوف الاهداف كلها حقته اليوم .. كلها بفضل الله ثم ويلي اللي يخليه قدام الباب للمعلومية : بدور الـ 8 ما راح نلقى مثل هالفريق ومثل هالفرص .. بدور الـ 8 بنلقى نص هجمة او نص فرصة ونبغى مهاجمنا الجديد يقتنصها |
والله هالكككوري ححيرنآ واحترنآ معآهه ,,, الله يكتب اللي فيه الخخخير |
أنا من بداية الموسم أقول الكوري مميز و الكوري مشروع نجم رغم صغر سنه يا جماعة اللاعب عمره 23 سنة فقط يعني كبر عبدالعزيز الدوسري و نواف العابد في كل ردودي و كتاباتي أشيد فيه و أقول عطوه الفرصة كاملة مثل / العربي و شوفوا وش بيسوي هاللاعب صحيح عنده مشكلة في إنهاء الهجمة لكنه مهاجم ذكي يكسر تسلسلات بشكل حلو و يرتقي صح و يتمركز صح و لا يتأنن بالهجمات سريع و لياقته ممتازة و مشاغب جداً للمدافعين يعني فيه كل المزايا اللي نحتاجها و فعلاً الكوري بحاجة لـ ( مترجم ) و لـ ( تهيئة نفسية ) أتمنى إعطاء ذلك و سترون إمكانياته و قبل كل شيء إعطاءه ( فرصته الكاملة ) مثل العربي اللي ما شفنا منه غير التضييع و الأنانية الكوري سجل مع الهلال 6 أهداف بالدوري و 5 في كأس ولي العهد و 5 في آسيا و 6 في الوديات يعني مجموع كل أهدافه مع الهلال ( 22 هدف ) رغم أنه أقل مشاركة من العربي و دائماً بالدكة و يبان في المباريات الكبيرة أكثر من العربي هداف الأندية الصغيرة العربي إلا اليوم لم يستطيع التسجيل في أكبر 5 أندية ( الأهلي - الشباب - الإتحاد - النصر - الإتفاق ) لاعب إمكانياته محدودة و يا ليت يرجع لفرنسا و يريحنا بصراحة لأنه أخذ فرصة كاملة مع الهلال و لم يقدم شيء و يا صاحب الموضوع بخصوص أن دور الثمانية ما فيه أندية مثل بني ياس صحيح لكن نسيت أن فيه أندية الأهلي و الإتحاد و أندية من طينتهم و الكوري سبق و سجل عليهم كلهم ( إذاً سوو فعلياً لاعب مميز و يستطيع التسجيل على أي نادي بشرط إعطاءه الفرصة ) |
بصراحه اللاعب الكوري سبق وإن طرحت عدة مواضيع تخصه وهو لاعب يحتاج فقط للدعم والمؤازره شخص لايجيد إي لغة غير لغته الأم ولأول مره يحترف خارج بلاده من كوريا إلى السعوديه فبكل تأكيد يحتاج إلى مزيد من الوقت وللعلم اللاعب صغير بالسن والهلال يملك عقده ولمدة 4 سنوات لم تمضي منها سوى واحده الهلال بحاجته وبإذن الله لو أعطي الفرصه ووضع خلفه صانع لعب من الدرجه الأولى فلن يشق له غبار وسيحقق هداف في كل البطولات التي سيشارك بها الهلال بنية جسمانيه + تمركز + إستلام وتسليم + مراوغه ومهاره + سرعه + صناعه وتسجيل وش تبغى أكثر من كذا .....؟؟؟؟؟؟ وجود ياسر القحطاني بالعين الإماراتي أفضل له وللهلال فياسر سيبتعد عن الضغط النفسي وسيأخذ مكانه الحقيقي والهلال سيستفيد ماديآ من رحيل ياسر ولو بتمديد الإعاره فياسر لو عاد إلى الهلال من يضمن بإنه لن يهبط مستواه ويتعرض لحملات الأصفرين وإن عاد قد يأخذ مكان ليس بمكانه وعلى حساب من هم أفضل منه الهلال بحاجة فقط إلى 3 مراكز فقط قلب دفاع - صانع لعب - مهاجم أخر بجانب الكوري أحترم وجهة نظرك ولاكن الجمهور الهلالي منذ وقت كبير وهو متقلب ولاكن بما يخص اللاعب الكوري فالجمهور منقسم منذ قدومه بمن يؤيد بقائه ومن يريد رحيله فأتمنى من الجمهور الهلالي الوقوف مع الفريق والتفكير بالعقل وليس بالقلب وعدم الإنجراف خلف هذا وذاك والقرار الأخير سيكون بيد المدرب القادم |
صحيح كلامك ويعطيك العااااااااااااااااااافيه على الموضوع الجمييييييييييل واتمنى من الادارة الهلاليه جلب مهاجم افضل من الكوري |
لا يا شباب تقولون الكوري ما اعطي فرصة يعني قبل كذا لازم كل مباراة بضيع فرص سهلة ويرفع ضغطنا وترى على فكرة في دور الـ8 راح تقابل الاهلي او الاتحاد او سباهان ويبليك مهاجم قوي جدا بدال الكوري واتمنى يكون المهاجم برازيلي وصانع العاب سريع ويسدد من بعيد ومهاري بدال العربي مع بقاء هرماش وجلب مدافع مثال الصخرة بدال وليهامسون هاذي الصفقات الاجنبية اما الصفقات المحلية اتمنى جلب محور سعودي دولي مع ياسر و لاعب وسط كويس وصدقوني اسيا مضمونة |
والله تعجبني ياشيخ موضوع ممتاز الكوري قلتها كثيير لاعب اقل من عاااااادي لايعرف منهجيات الكوره امس بدع مانهضم حقه بس يبدع مباراة ومبارة يجيب العيد نبغ مهاجم ماايرررحم على طول الباب اتمنى بقاء ولهامسون فقققط وهرماش محور متققدم اتمنى يجيبون محله محور مدافع ومهاجم بدل العربي وو مدافع بدل الكوري |
| الوقت المعتمد في المنتدى بتوقيت جرينتش +3.
الوقت الان » 06:21 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd