ميزته ما ينتظر الكورة بل هو اللي يبحث عنها, اما مسألة اعارته فأنا ضدها الموسم القادم وبقوة لسبب أن دور الثمانية ترى قريب جدا وهو بداية الموسم القادم (وهذا اجحاف كبير على فرق غرب القارة) ولو جلبنا مهاجم غيره مستحيل ينسجم من مباراة او مباراتين او ثلاث ( طبعا رسمية لان جو ولياقة الرسمية تختلف عن الودية) وقد ندفع بذلك خروجنا من آسيا لا قدر الله ونعيد لنقطة الصفر.

اذا موجود افففضضل من الكوري بيكون احسسسن صراحهه ورانا مباريات مهمه بآسيآ مانبي مهاجم يضضيع ..

الكوري اذا تم التفريط فيه فهي كارثة .... شف تحرك اللاعب وكيف يقدر يشتت لك المدافعين ..
اذا تمت اعارته او بيعه فالهدف منه هو عودة ياسر وتفريغ المكان له .( توقع شخصي ) أتوقع بيطلعون لي المخلصين للنادي والفاهمين بالمندسين ويقولون اني مندس .

كلامي في الاعاره من باب متى مافكرت الاداره الاستغناء اتمنى الاعاره .
ثاني شي كان الله في عون الاداره اذا بقى للموسم القادم ولا سمح الله والله لا يقوله ان شاء الله طلعنا من احد الادوار تطلع اصوات تقول من اول قلنا لكم ما ينفع واذا فرطت فيه وابدع مع اي فريق نفس الاصوات تقول الاداره ماتعرف تفكر ...ثالث شي علشان الاداره تطلع من ذا وذاك تجلب مهاجم متمكن واعاره للكوري .

من بداية الموسم وانا ارى فيه الاعب الذي نريده

والحمدلله ماخااب ظني فيه

لاعب مهااااجم بما تعنيه الكلمه من معني

وانا بحياااتي ماشفت مهاااجم يجيب كل الاهداااف

انا استغرب من اللي مو عااجبهم الكوري

يعني لازم يجيب لك كل الاهداااف

وين تلقاااه ذا المهاااجم الخااارق

الكوري اذا فرط فيه نادي الهلال

اجزم مليووون بالميه راح ياااخذه اقرب منافسينااا

لانه لاعب يسد خااانت الاسيوووي

ومافي افضل منه

وعلي فكره

الشباب يستنى اقاله الاعب الكوري

وكذالك النصر

كلامك سليم خصوصا عدم ضمان ان المهاجم الاجنبي القادم ينجح مع الفريق حتى ولو كان صاحب سي في رائع ودفع مبلغ كبير فيه, ولاننسى عودة ياسر الاكيدة ( كما اكد رئيس النادي) , فلذلك, الموسم القادم سيكون لدينا اربع مهاجمين بل بالأحرى ثلاثة (لكون الحارثي سيكون احتياطي بنسبة كبيرة) هم ياسر والعربي والكوري, وأنا متأكد ومن خلال قرائتي المتواضعة لادارة عبدالرحمن بن مساعد خلال الاربع سنوات الفائتة انهم سيكونون بين نارين وهما تغيير المهاجمين (العربي والكوري) وجلب اسماء رنانه (قد تنجح وقد لا) او البقاء على الموجودين وعدم المجازفة خصوصا ان دور الثمانية يبدأ مع بداية الموسم القادم.
فعليه, فإني أرى جلب مهاجم ذو قيمة عالية (إذا ما رأت الادارة ان اللاعبين المهاجمين الحاليين لا يفون بالغرض الأسمى وهي آسيا), مع الابقاء على أحدهم لعدم فقدان الانسجام والحسرة عليهم لاقدر الله, ويبدوا ان العربي هو الاقرب للرحيل وبقاء الكوري, لان الكوري اكثر فاعلية ورغبة بالنجاح من العربي (وفي كلٌ خير) .

لاعب كبير في مستواه وصغير في السن وافضل من العربي لاعب حسم مباريات كبيره وراح يكون الكوري وياسر مع جلب السالم راح يكون هجوم قوي وبالتوفيق للهلال

دايم بعد كل مباراه طايحين سب فيه وفي الأداره لو جلس ومانجح الموسم الجاي قمتوا على الاداره

تخيل لو عندنا مهاجم زي جيان ولا فكتور ؟

انا اشوف اعاره الكوري لأي نادي وباقي من عقده 3 سنوات

اذذا ابدع رجعناه واذا مانجح يتوكل على الله

والله كلامك سليم, احد اصدقائي المقربين نصراوي متعصب حتى النخاع وهو قريب من ادارة النصر ومن علي حمدان بالتحديد, يقولي وبالحرف الواحد انه عرض لاعبنا الكوري عليهم (على علي حمدان) وقال تكفون لايفوتكم !!!!!!!!
وياناس تراه لاعب كوري يعني آسيوي وهذا يفرق كثير...... وكلنا نعرف ان اللاعبين الآسيويين المميزين يعدون على الاصابع واتحدى ان يكون الآسيوي القادم (في حال التعاقد معه أفضل من الحالي) الا في حالة جلب بارك جي سونق لاعب المانشستر ,,,,,,, أخشى أن نندم عليه وكفى .

قرار بقاءه او رحيله بيد المدرب الجديد

ان شاء الله يجيبون مدرب عالمي مثل جيريتس وبرودوم وكوزمين وباكيتا

:ba::ba1::ba:( الله يعطيكم العافية ):ba::ba1::ba:
:ba::ba1::ba: اللهم وفق الهلال فوق كل ارض وتحت كل سماء :ba::ba1::ba:

احترم وجهة نظرك ولكن, من ينجح مع الاتفاق والنصر والطائي والانصار...... لايعني نجاحه بالهلال, واسألك: هل يوسف السالم افضل من الحارثي و المحياني؟؟؟
مع احترامي للسالم ومستواه الجيد (F 16 ) الا أنني أراه مستقبل لاعب ناجح بالدكة, ولن يغادرها لكون الهلال طموحه آسيا.

لاعب مجتهد ولاكن ليس بطموح الزعيم آسيا مهرها لاعبين يسجلون من ارباع الفرص ولاكن
بعض الجماهير عاطفيه اول ما يسجل اللاعب قالوا يجلس لاعب ممتاز الكوري ضيع فرص ما تضيع ابد واليوم ما شاء الله علينا موفقين في كل المباراة

والله آسيا تبي لاعبين افضل من الكوري

بالتوفيق لزعيمنا بتحقيق آسيا هالسنه ان شاء الله

وياك اخوي بندر, ويعطينا الله على قد نيتنا ونشوف هلالنا بالنهائي والكاس يلف فيه ملعب العريجاء ياااارب .