غدآ .. مـبـاراة الـمـوسـم .. عـشــاق الـزعـيـم الـمـلـعـب يـنـتـظـركـم ! - نادي الهلال السعودي - شبكة الزعيم

.الجوكر الهلالي. · #1 21/05/2012, 11:14 AM

السلام عليكم ورحمة الله وبركاته ..

نادي الهلال يوم الأربعاء أمام مباراه مفصليه .. مفترق طرق .. يا تنهي الموسم بنجاح وأفراح أو راح يعتبر الموسم فاشل بالنسبه لمعظم الجماهير !

خصمنا هالمره ماهو بالخصم الصعب .. لكن بنفس الوقت الإستهانه فيه مرفوضه ! صحيح ماله اسم كبير زي بقية الأنديه الاماراتيه المعروفه لكنه يملك مجموعة لاعبين مميزين .. وحسب ما سمعت انهم يملكون 6 لاعبين اولمبيين من اللي بيشاركون في اولمبياد لندن .. واولمبي الامارات مميز جداً .. هذا غير مدربهم كالديرون اللي عارف نقاط الضعف والقوه في لاعبينا ..

احصائيه سريعه عن بني ياس في الدوري الاماراتي : مركزه التاسع .. من 21 مباراه فاز في 6 فقط وخسر 10 مباريات والباقي تعادلات .. عندهم مهاجم بطل وقناص اسمه سنقاهور مسجل 16 هدف بالدوري ويحتل المركز الثاني في ترتيب الهدافين بعد جيان ..

وفي دوري ابطال آسيا هذي تعتبر مشاركتهم الأولى وأرقامهم في دور المجموعات جيده .. في 6 مباريات سجلوا 9 أهداف وما دخل مرماهم الا هدفين فقط ! بينما هلالنا في 6 مباريات مسجل 10 أهداف ودخل عليه 7 أهداف

وهذا يعني ان دفاعهم قوي وماهو بسهوله تقدر تسجل عليه ..

خلاصة الكلام .. المباراه ماهي سهله واللاعبين يحتاجون دعم جماهيري كبير .. ما يحتاجون متفرجين .. ولا يبون حضور عالصامت .. اللاعبين يحتاجون مؤازره وتشجيع ورفع معنويات ..

اعتقد عيب اني ادعو الجمهور للحضور في مثل هالمباراه .. في مباراة الغرافه توقعنا الجمهور أكبر بكثير من العدد المذكور لكن اللي حضروا كفوا ووفوا وكانوا مميزين بتشجيعهم .. اما الآن مافيه أعذار .. يوم أربعاء وتذاكر مجانيه ومباراة دور 16 !

هالمباراه هي انطلاقتنا في البطوله بإذن الله .. لو تجاوزناها بإذن الله بنشوف عمل يرضينا من الاداره .. مباراه وداعيه للهلال اللي بنفقده شهرين .. مباراة ختام الموسم وان شاء الله يكون ختامه مسك ..

أتمنى نشوف حضور هلالي كبير وما نشوف ولا كرسي فاضي بالملعب

.. نبي صخب نبي جنووون .. نبي نربش لاعبين الخصم

.. نبي صافرات استهجان نبي نرعبببهم !

نبي كل المعلقين يسكتون وينطربون مع الجمهور نبي نخرس جميع الألسن اللي تقلل من الهلال وجماهيريته !

متفائل كثير بلاعبينا الشباب .. مع شوية أمل ان مهاجمينا الأجانب يبيضونها في ختام مشوارهم معنا اتمنى لاعبينا يفرحونا في المباراه بالمستوى والتأهل .. إن تواجدت الروووح والقتاليه وحب الشعار فبإذن الله الفوز من نصيبنا .. تفائلوا بالخير تجدوه ..

موعدنا ان شاء الله يوم الأربعاء 23 مايو .. نبارك لبعض بالتأهل بإذن الله .. يا رب لا تخيب أملنا .. دعواتكم

K S A 1 · #2 21/05/2012, 11:21 AM

موضوع رائع ,,, توووشكر عليه

اسبرسوالزعيم · #3 21/05/2012, 11:26 AM

حنا الحين نبي الدرة علشان الجمهور ما راح يكفي الملز

تكفى ياخوي والله الشعب (شعب الهلال) متحمس يبي المبارة

نطالب بالدرة

مايو1981 · #4 21/05/2012, 11:38 AM

لديهم دفاع قوي جداً
ودفاعنا الله يعينه ويعين منه

مجنونه كريستيانو · #5 21/05/2012, 04:36 PM

ان شاء الله الفوز باذن الله للزعيمنا وبتوفيق والتاهل في الدور8
والهمه ي جمهور الكيان ماحتاج وقفتكم
اهداء مني لكم ي جماهير الزعيم

ااابـــــًًِـــــدع المـلكـي بـفـنهً واظـــِهـر للجـمهـوره الســــــــــــــــــــعااااااادهـ
بـلـفـن يعـطـيـك لـو منـــهوووو قــــدامـــه ....
ااانــًِـظـرو انــهـو الـــزعـــــًًٍــــيـــــــــم ي ســــــــــــــــــااااااااااااااادهـ
ي خـصم لاتـبـكـي وانـــت قـــدامك زعــــامـه.....
هـــــــــــًـذا الــــــٍـهــــلال ســــِـكـــر زيــــــٍٍٍـــــًــــــــــــــااااااااااااااااااااادهـ
لالالا..تـنـقهـرو ولاتـبـكـو ي عـــــــذالــــــه .....
نـــعــــــــــٍٍـــــم ...نـــعـــٍٍـم ي حسســـــــــــــــــــــاااااااااااااااااااااادهـ
لاجـــل تـوقـفـون نـــادي الزعــامــه .....
انـــتــظــرووو مـن الـــتـحـكــــيـــــِِــم كـــــلــعــااااااااااااادهــ
هـذاا الـزعيـم اللي بفـنه يـبـدع لـومنهو امـامــه ....
مــا عــلـى جــِِمهـوره الاتـشجيـعه واســــــانــٍٍــــــــدددهـ