قصه قصيرة حصلت لي مع ولي امر طالب بالصف الأول متوسط ولي الامر نصراوي والولد هلالي
حضر ولي الامر قبل شهر وبعد الاستفسار عن الولد اخبرته ان ولده ماشاء الله متفوق
اخذتنا السوالف للهلال والنصر ولقب نادي القرن واخذ يتحجج ان الهلال ماكمل 100 سنة حتى يكون له احقية في هذا اللقب حاولت بكل الطرق اقناعة بس واحد اقتنع بالنصر صعب تقنعه بالمنطق اخبرته ان الهلال اخذ بطولات اسيوية اكثر من اي فريق في اسيا رفض الفكرة قلت ياخوي ترى اللقب ماهو على عدد السنوات اللقب على عدد الانجازات برضه مقفل . على العموم ولده ماشاء الله احتمال ياخذ 100%100 في الأول متوسط يعني الأول على المدرسة اتصلت على ابوه قلت يا ابى خالد احتمال ان ولدك يجيب اعلى نسبة في المدرسة بس مانقدر نعطيه شهادة تقدير او شهادة انه الأول على المدرسة ونكرمة لأن النظام مايسمح زعل الرجل وقال كيف مايسمح النظام ولدي اجتهد وذاكر واقل شي تقدمونه له التكريم قلت يا ابى خالد ولدك ماله الا سنة وحده في المدرسة وفي طلاب اقل منه درجات بس لهم ثلاث سنوات في المدرسة قال الرجل ياخي وش دخلني فيهم ولدي اعلى درجات قلت انت متاكد قال نعم قلت اجل الهلال يستحق نادي القرن لان الاحقية بالانجازات وليس بالسنوات ضحك الرجل وقال الحين يستحق الهلال نادي القرن. قصة للتسلية والترفيه اسف على اللإطالة

هههههههههه والله ماشاء الله عليييك حججرت لهه ,,

يعطيييك العآفيهه وربي يحفظ هلالنآ

الله يعافيك ويسمع منك ونحقق البطولة المستعصية

نادراً ان تجد نصراوي يناقش بفكر ووعي مايقول

أغلبهم ( مقفلين ) من ايام المرحوم والمفتاح معه

ابن عباد اسعدني مرورك واتمنى لك التوفيق

هههههههههه حجرت له شكلك حاطه براسك ،، وزي ما قلت مستحيل انك تقنع شخص مقتنع بالنصر

ياخي الهلال عامل عمايل وحارق دمهم وخوش فكر عليك

ههههههههههههههههههههههههههه

يسلم لي راسـك

والله يا اأنت قفلت عليه بالزاويــه

يعطيك العااافيه ...

حشره محترمه ..

بالتوفيق للهلال ...

نادراً ان تجد نصراوي يناقش بفكر ووعي غالبيتهم ( مقفلين ) من ايام المرحوم والمفتاح معه ( قلت مافي خاطري)