ســـامي.. أنت عارف كل قــطـــر وينك عن رودريقو تاباتا لاعب الــريان؟
 

تعودنا على الانديه القطريه والاماراتيه الدخول في مفاوضات مع المدربين والمحترفين الاجانب الملتحقين بالانديه السعوديه وكم من مدرب ياهرب وماكمل عقده او طالب بفسخ عقده بالتراضي او دفع الشرط الجزائي وهرول لقطر او الامارات حتى لما ينتهي عقد المدرب ويرغب بالتجديد تلاقي الانديه الخليجيه تفاوضه وتقدم له المغريات ويترك دورينا ويروح لهم هذا الكلام يشمل المدربين والمحترفين الاجانب واذا جينا نشوف العكس مستحيل تلاقي احد يجينا من عندهم واذا جاء يكون بعد مايلغون عقده برضاهم اي النادي وصراحه الموضوع غريب يعني الانديه الكبيره والغنيه عندنا ماتقدر تنافس انديتهم !؟

المهم من خلال متابعتي احيانا للدوري القطري واكيد الكل يتابع لفت نظري المحترف البرازيلي رقم 10 في فريق الريان القطري (رودريقو تاباتا)لاعب صانع لعب ومهاجم هداف مهاري بدرجه عاليه ويخليك غصب عنك وانت تشوفه تستمتع بالكوره لا طارق التايب ولا نيفز والاعب الوحيد اللي يشبهه الفيلسوف يوسف الثنيان والله البرازيلي هذا خرافي تسديات قويه ياتكون في الشباك يافي العارضه الى درجة اني حسيت ان مافيه ولا كوره تضيع منه خاصة الفاولات اللي قريبه من المرمى ،غير التسحيب اللي يخليك تضحك من قلبك.

آآآآآآآآخ اذا شفت تاباتا تذكرت ربعنا اللي ابتلشنا فيهم وماقول الا ماكل مايلمع ذهب وماكل لاعب اجنبي نجم .

سامي الجابر انت نجم كبير ونظرتك ثاقبه معقوله مالفت نظرك المبدع البرازيلي والله يا سامي لو تجيب لنا تاباتا ماراح نحتاج معه اجنبي ثاني وتذكر ان مارادونا لحاله رفع النادي المغمور نابولي وجاب لهم البطولات والهلال دايم في المقدمه ويحاج فقط نجم سوبر ستار مثل هذا النجم الكبير.

اللي يبي يشوف هذا النجم عليه باليو تب وتمتع بالمحترف الحقيقي .

ما اعتقد بيكون اغلى من عقد ولهامسون او يوسف العربي.

اكيد.. وخصوصا ان الحياه العامه متقاربه من بعض افضل من تجيب واحد جديد على المنطقه العربيه وممكن ينسجم وممكن لا.

تكفون يا إدارة أفضل أجنبي في آسيا والله ما شفت مثلة .

بيض الله وجهك لأني كنت كتبت موضوع عنه من قبل لكن لم ينزل
ياااااااااارب تتفاوض الإدارة معه .لاعب يستحق راتب عالي جدا .

تباتا ومعه مهاجم الجزيرة اوليفيرا بيكون الزعيم نار ياحبيبي نار

هذا اللاعب معجبني لاكن ماراح يجي لان اداره الهلال تبحث عن الاستثمار

هذا تفكير اداراه الهلال

ياخي انديه قطر والامارات يجبون أجانب على مستوى !
جيان وغيره وغيره

وايضا اللاعب سياو لاعب الشباب الاماراتي
هذول الاثنين لو جو الهلال حيستفيد الهلال كثير .. بس محد يسمع

لاعب عادي .. قصير القامة .. 31 سنة غير كذا اصلا الدوري القطري سيء دفاعيا واللعب مفتوح فيه لذلك اي لاعب اجنبي عندهم راح يبرز