|
العلاقه والنظره السوداه..! هل ترضاها على نفسك.....! في مباراة الهلال والغرافه... الكوري يوم تصدى للفاول اللي في الشوط الأول طلعت صافرات وصيحات استهجان وذب وضحك وطقطقه.... أسألكم بالله مايشعر فيها هاللاعب، انا والله قهرتني.... وقلت هذولا ياهم اطفال بأشناب او غير هلاليين ولا جايين يوسعون الصدر، مدري منهم... ولكنهم عينه غريبه!!!!!! وللأسف أصواتهم واضحه وخضوصاً في ملعب الملز!!! هذا مقطع للاعب وفي الدقيقة 4:34 و 6:28 فاولات تقريباً نفس الفاول اللي شاته في الشوط الاول، وانظرو أيضا كيف يجيب الاهداف بكل سهوله وإبداع... قد يكون وفق فيها وليس متخصص، ولكن الرجل واضح إنه يريد أن يخدم الشعار وفئه لم تحضر لأجل الشعار!! Yoo, Byung Soo Goals - YouTube قد لم يوفق معنا لظروف كثيره... ولكن أيصل إلى مهاجم بمرتبة فاشل...! وحتى لو وصل، عاتبو الإداره وليس اللاعب...! عجباً ياجمهور نادي القرن أهكذا علاقتكم بلاعبينكم!!!!! لانكن نحن سبباً في عدم تركيز لاعبينا. وتشتيتهم..!!!فيذهبون فيبدعون فنندم!!! دعم اللاعب الكوري صحيح قهرنا بتضييعه للفرص ولكن هو من خلقها له! وهو من صنع الهدف الاول وهو الذي يقفز للارتقاء ليصنع الكور لزملاءه... شعله من النشاط والحيويه والسرعه والتمركز الجيد...اشغل دفاعاتهم.. وقروشهم.... كنتروله جميل... طبعاً، مباراة البارحة ليست مقياس على اللاعب فالغرافه ناقص!!! ونهاية الموسم لكل حادث حديث... بالنسبة لي أتمنى أن يشارك في المباراة القادمه ومن لايعلم قد تكون آخر مباراه له.. فمثل ماصفقنا ونادينا للعابد بروحه ورجوليته وأدائه....يو بيونق سو بالأمس لديه الإصرار والروح فكان يريد أن يعمل شئ...كأنه يقول وداعيه ياخر ليله تجمعنا... في المباراة القادمه من يدري قد يجلب الفرح لنا... تذكر هو من صنع الفرص لنفسه بس شوية تركيزمنه ودعم مننا وهو قدها بإذن الله... خن نفكر في المباره الجايه ومسألة بقائه ولا لا كلها مباراه وحده بس ياجماعه!!! ونهاية الموسم لكل حادث حديث. المرشدي و هوساوي اعلم ان غلطات المرشدي اكثر ولكن هوساوي لديه غلطات ولا بعد وقاتله أيضاً واللي امس مهيب بعيده وعدت على خيرالمباراة الحمد لله... الجمهور اذا حاط لاعب في باله خلاص مسيكين انتهى وضعه، والله لو وش يسوي..، يدورون الزله عليه بأي طريقه!!! عجباً ياجمهور نادي القرن أهكذا علاقتكم بلاعبينكم!!!!! يوم المباراة، المرشدي يطلع كوره والجمهور انواع الاستهزاء وهوساوي نفس التصرف ويصفقون له لييييييه؟! كلاهما يخدمون الهلال... ياجماعة المرشدي افضل لاعب في خليجي 19.. صحيح نزل مستواه، ولكن لماذا ردات فعلكم المخجله تجاه... الرجال حريص وبطلعها اوت وسوا مثل ماسوا هوساوي... طيب تخيلو هو اللي جاب هدف البارح!!!.....ممكن يجي واحد ويقول هوساوي عنده رصيد يشفعله...! طبعاً، ماذكرته في الكوري من استهزاء ووو، للأسف الجمهور يمارسه أيضاً مع المرشدي وشويه او بدا شئ يظهرتجاه الفريدي! لماذا نظرتنا سواداويه لبعض اللاعبين، فقط تريد أن ننمارس ضغوطات عليهم؟ الـكـره هل وصل بنا الحال إلى أن نكره بعض اللاعبين؟؟!!! إن وصل فهذه مصيبه... علي إيش نكره عشانه أخطأ ول تكرر الخطأ....ياجماعه ماله ذنب... إذا ماعجبنا مثلا مستوى اللاعب... الذنب على الإداره مهب على اللاعب، أهم شئ لانضغط عليه ونجرحه... لأننا راح نزيد الطين بله، والمرشدي أحيانا يقدم مستوى لافت للنظر!!! قد يكون سبب انخفاض المستوى هو بسببنا ليس كليا.... أخلاق المسلم ياحماعه، بعيداً عن الكوره وبعيداً عن مستوا اللاعب... اعني حتى لو جانا لاعب بكره ومستواه عادي...(ماله دخل هذا اللي الله عطاه)، المفترض اننا نتحلى بالأخلاق الحسنه اللي علمنا بها ديننا... ونكون صوره طيبه لدى اللاعبين ولدى أي أجنبي يدخل هذه الأراضي امس اللاعب يحاول ويجتهد... صنع هدف.. والغوله هدف.. بالكوري يحاول يفرحكم وانتم بالعربي بعضكم حاول من قصد او من فير قصد ( قلة وعي) ان يحطمه ويستهزء فيه ومع ذلك أصر الى الدقائق الأخيره...! الجمهور و اللاعبين كلامي ليس لأجل هذه المباراة وليس فقط لأجل هذا اللاعب أو ذاك ولكن لمصلحة الهلال فأنا لست مع أو ضد....... لكن لماذا؟ وماهذه العينه من الجمهور هل يهمهم مصلحة الهلال هل يعلمون ان هذا اللاعب انسان ويملك مشاعر... اذا تهمهم مصلحة الهلال وجايين يبغون الفوز ويبغون يفرحون... ماهو دوركم اذاً؟ هل دوركم أنكم تجون وتحطمون وتهزئون وتشتمون وتفصفصون وثمن في المنتدى تشرشحون؟ والنتيجة ضغط على الإداره وعلى اللاعبين.... وش هالعينه الله يهديها... من الطييعي أننا ننفعل ونصرخ وو... ولكن أن تصل المسألة الى الشتم.. هذي لا، وان تصل الى الاستهزاء والضحك والمسخزه زي ماحصل مع الكوري هذي لا والف لا.. وفي نفس الوقت نتحسر وننفعل لحظه ومن ثم يجب انا ندعمه حتى يشعر انا معه... اجل وش الفايده لان الظاهر اللاعب يقول هذولا جمهورنا ولا جمهور الفريق المنافس!!!!!!!!!!!!!!! تغيير المنهجيه طيب انت تبغى تفوز صح ولا لا.. اذا اخطأ احرجه وادعمه فقط هالتسعين دقيقه واعرف ان هذا دور الجمهور...حنا دايم اذا اخطأ اللاعب معروف أسلوبنا لنغير أسلوبنا فقد نكون سببا في خلق الروح لدى اللاعبين... جمهورنا العزيز، حضر الجمهور وكان في الموعد في مناسبات عده وامتلأ الملعب وانهزمنا....طبعا ماقصر الجمهور، ولكني أتصور أن الهلال لا يستفيد من جمهوره سواءا حضر بكثافه أم مهما كان العدد وخصوصا في السنوات الأخيره... متى يستفيد الهلال من جمهوره فقط إذا أمتع وسجل الأهداف...أريده يستفيد عندما يحتاج، عندما يكون مهزوما وليس فقط فائزا، صحيح نشوة وطعم الفوز تختلف ولكن لانقتل هلالنا!!! كان عندنا طيب الذكر رادوي، أحبه الجمهور فأصبح يهتف باسمه كثيرا والنتيجه تركنا!! تركه لنا لأسباب معروفه.... ننادي باسمه وغيره يسمع ودائما يبدع، وحتى ولو لم يبدع، لماذ لاننادي بجميع أسماء اللاعبين، أحيانا أقرأ في المنتدى وقفنا مع اللاعب الفلاني أو مدحنا ونكبنا...! وشذا العينه!!! قاعده تمن إنه مدحتلها يومين...! ونشعرهم بأنهم أسره وحده ولانفرق بينهم...ياجماعه لانلعب على بعض...ونقول لاعب محترف...هو في النهايه بشر قد يغار بالكوري له مالك وعليه ماعليك.... أريد أن اذكر القرني رئيس رابطة جمهور الإتحاد كان ينادي بجميع اللاعبين في أحد أهازيهجه! قبل ماأنهي الموضوع، تريد أن تنتقد إبدأ بنفسك وانظر إلى حال جمهور الهلال هل يسرك...؟ لنهتم ولو قليلا بشؤوننا والمفترض أننا نهتم بالكامل بشؤوننا... تقفيله.... هل ترضى أن تهان وأنت في بلد غريب؟ هل ترضى أن تسب وتشتم؟ هل تحب أحد أن يمن عليك؟ هل لاتحب أحد أن يشجعك ويدعمك؟ ودمتم بود،،، |
الجمهور يفهم كورة .. هوساوي مهما أخطأ .. يبقى لاعب كبير .. والمرشدي .. مهما لعب .. فهو .. أدنى من طموح أندية المناظق .. فهل فهمت |
الله يعطيككك العافية ع الطرح المميز واكيد الاعب بشر عندة احساس وراح يتاثر من صيحات بعض الجمهور هداهم الله اي لاعب لازم تجية غلطات اوانخفاض في المستوي بس بعض الجماهير تكون لة ردة فعل قوية جدا واتمني من الجمهور الوقوف مع الاعبين وعدم الضغط عليهم ويبتعدون عن صافرات الاستهجان الي ماراح تفيدهم بشئ ولاراح تفيد فريقهم وباالتوفيق للزعيم وللجميع باذن الله |
الكوووري موضوعه مرفوووض للنقاش هذا اللاعب مستحيل يكون مهاجم للاسف الهلال الموسم هذا اكل مقآلب ككثير نققول ي رب الموسسم الجاي نلقى مهاجم زي الناس ..! |
والله موضوع رائع تشكر عليه أتمنى أن يثبت |
إقتباس:
|
إقتباس:
المرشدي كإمكانيات .. غير مؤهل .. للعب في أندية الدرجة الأولى .. وبمستواه الفني الوضيع .. جعل الجمهور محتقن ضده بشكل فضيع |
إقتباس:
|
إقتباس:
سواءا هو أو غيره من اللاعبين فما يحصل من بعض الجمهور مخجل.... أنا لاأريد أن أمحور الحديث عن المرشدي، هدفي ليس أداء لاعب هدفي هو أن نكون نحن الجمهور الأول ليس فقط في العدد وإنما في الفاعليه والتشجيع وبث الحماس في جميع اللاعبين... وإذا إنت مصر حاسب الإداره... المرشدي وغيره ماغصب الإداره وقال لعبوني... |
إقتباس:
أنا بصراحة .. ما أشره إلا على سامي .. |
إقتباس:
ونهاية الموسم لكل حادث حديث..!! |
متى نفهم ياناس الكوري والمرشدي ليسوا بطموح الهلاليين استغرب الهلال ابقى على المرشدي من 2007 قسم بالله شي يقهر مثل هالاعب والله مايعرف يركل الكوره وهو ورفيق دربه محمد نامي لا ونقول ليه ما نحقق اسيا!!!!!!!! طبيعي دام هالعينات تلعب اساسي -------- افتكينا من فهد المفرج جانا ذا المرشدي اذا تم تنسيق المرشدي بنهاية الموسم بيكون افضل خبر سمعته |
اللاعب الكوري مزعج بشكل كبير للدفاعات ... وزي ماقلت هو اللي يصنع الهجمات بتحركاته الكوري سريع ... مرواغات رائعه ... تحركات مزعجه للدفاعات ومرعبه للحراس اللي ينقصه النهايه السعيده واللمسه الاخيره .... وهو الهدف اللاعب يسوي كل شي ... واذا وصل للمرمى مــ ادري ايش يصير فيه ... ارتباك .... او استعجال .... او اللاعب يلعب وهو مضغوط يعطيك العافيه .... وانا احد المعجبين بمواضيك ونقدك البناء |
اهنيك ع موضوعك الاكثر من رائع ... انا استغرب من بعض الجماهير اللي بكل لمسة لبعض اللعيبة تطلع صافرات استهجان وكان اللاعب هذا يلعب في الفريق المقابل وليس الهلال ياعالم احترامو الشعار اللي نجي للملعب من اجله الاعب هذا كيف تبيه يادي لك وانت تسبه وتنتقده 24 ساعة الله يرحم لي والديكم كبروا عقولكم شوي ما بقى لنا غير مباراة وحدة تكفون فجون من حركات البزران وشجعوا الفريق باكلمه وليس لاعب او لاعيبين ... وش بيصير فيكم اذا شجعتوا الفريق كله وتحمسونه بدال حركات البرزان اللي تسونه كلما لمس الكورة الفريدي او المرشدي او الكوري |
إقتباس:
تاج محل اتق الله يارجل المرشدي ابدع في مباراة بيروزي ـــو الاهلي ـــو الغرافة ـــو ارجع شاهد المباراة بدون تحيز المرشدي راجع مستواه ـــو الموسم هذا لم نرضى عن الكثير من اللاعبين وهذا يدل على الجهاز الفني بقيادة هاسيك وليس الاعبين لا اقول انك مندس لكن اعطوا الحق حقه زي ما اخطأ المرشدي صحح أخطائه في مباراة مهمة ـــو حاسمة وبلوز لا احد يمسك مايك البرامج ـــو يقول الزوري الفريدي الغنام المرشدي أرحل ارحل اربكتوا الاعبيين ـــو الإدارة وعطيتوا فرص الحاقدين ـــو المندسين الله يعطيك العافية على المجهود الرائع اللهم وفق زعيمنا أينما حل ـــو ارتحل ـــو سهل الصعاب عليه يارب شكــــــــــــ :ba1::ba:s13s:ba::ba1: ــــر اً لجــــ :alzaeem::rg:s13s ـــن الملاعب اللي حضر يوم الثلاثاء 1433/6/24في مباراة الإياب بين الزعيم ـــو الغرافة. بيضتوا الوجه ـــو أخرستم السن الحاقدين ـــو العذال ـــو نريد 23000 الأربعاء القادم |
كل من يدخم الكيان مفروض على الجمهور دعمه وعدم تحطيم المرشدي في بطولة الخليج وقبل كان نجم بلا منازع وكان نستبشر فيه خيررر ليش ما ندعمه ليرجع ماجد كما عهدناه |
إقتباس:
أتحداك تحدي .. تجيب لقطة واحده للمرشدي .. في المباريات اللي ذكرتها .. وكان المرشدي سوبر ستار .. وأنقذ الفريق ..من هجمة خطيرة أو هدف .. أو بنى هجمة بطريقة مميزة .. كل ما فعله المرشدي في تلك المباريات اللي ذكرتها .. أنه ما جاب العيد كعادته .. ولتعرف أن المرشدي نكبة حقيقة .. صرت أنت وأغلب الجمهور الهلالي .. يرى المرشدي .. إذا ما جاب العيد أنه مبدع .. وفي مباراة بيروزي .. انكشف المرمى الهلالي .. مرتين .. عن طريق المرشدي .. بغباء فاحش منقطع النظير .. وفي مباراة الغرافة .. وأنا لم أشاهدها كاملة .. رأيت لقطة واحده للمرشدي .. سلمها للاعب الغرافة على القوس .. وسددها خطيرة على المرمى .. |
الله يعطيك الف عافيه اتفق معاك اخوي حتى لو كان مو قد الطموح مايصير احد يستهزء بلاعب من لاعبين الزعيم ولن نرضاها |
إقتباس:
هو باقي لاعب هلالي سلم من انتقادات وتجريح من يحسبون على جمهور الهلال |
انا لا اعترف بالحركه مع التركيز وعدم الشرود ..لاتفهمي بشكل خاطىء ...انا لا انكر كلامك فيها هي مهاره فعلا مطلوبه وهمه جدا جدا ... لكن لابد ان يظاف له شيء آخر ..والا كانت عبث بل ربما تكون نكال وضعف للفريق ... سأقول لك كيف ؟ ... لانه لنفترض ان وسط الهلال مع الكره والكوري يجبد التحرك افضل من المحياني ..ومن ذكاء الكوري في التحرك من غير كره ..اصبحت اكثر تمريرات الوسط الهلالي له ...فاخذ بكل الهجمات الهلاليه وقذف بها خارجا ..او انقطعت ..او مرر تمريره خاطئه ..هنا ماذا يصبح هذا اللاعب للفريق ...يصبح على العكس نكال كبير ..ويمكن ان يتحرك المحياني فقط في اربع كور ويخلصلك المباراه ...لكن لن تأتيه تلك الكور لان الكوري يأخذ معظم تمريرات الوسط الهلالي وفسدها ...افهمت كيف يكون مثل هؤلاء الاعبين نكال لفرقهم مع انه يجيدون ميزه لايجيدها زملائهم بنفس النسبه ... الىن حاول تفهم قصدي بالنسبه ..النسبه فقط ...في انه يجيد التحرك وهذا يجيده بنسبه اقل ..انا ابحث عن الخلاصة عن الزيده ..يااما تجيد التمرير او التهديف هذه هي الخلاصة في اللاعب غير كذا لاتهمني المهارات الاخرى حتى لو علت النسب ... لاني يجب ان ارتب تفكيري وتقييمي لمهارات لاعب كرة القدم فاضع الاكثر اهمية وبعدهالاقل اهمية ..... الخلاصات المفيده لمهرات لاعب كرة القدم قم الثانويات ..وليس الثانويات اولا ثم الاساسيات ... هذا قبول اللاعب في التشكيله ..ثم ارجو ان لاتستعجل في فهم هذا الحديث اخي الكريم وشكرا لك .... |
إقتباس:
هذا المهم الوقوف مع اللاعبين ودعمهم...لأن صافرات الإستهجان مجربه ياجماعه وتولد الضغط وتنافر بين الجمهور واللاعبين... |
إقتباس:
|
إقتباس:
هذاك قلتها من 2007! طيب لو كنا ندعمه من 2007 وكل اللاعبين...لن أتكلم عن اداء أي لاعب... ولكن مادامه مثل الهلال...فأنا أشجع الهلال...إذا أدعمه...! لأننا بهذه التصرفات أي لاعب يجي الهلال... ولا يعجبنا...راح نشتمه ولانغفر له عند أي خطأ..ياجماعه تراه والله ولد ناس، احترموه واحترمو أي لاعب هلالي... وفي النهايه ممكن ينشتم ويجلس سنوات...! طيب تدري في 2009 خذا افضل لاعب في الخليج...!!! وياما قدم مباريات بطوليه وياما أخطأ...بس ياجماعه...انا ماأقول المرشدي بطل او المرشدي فاشل! اقول ادعمو أي لاعب هلالي وحاسبو الإداره وانتقدوها بطرح واقعي... وخلو اللاعبين وعطوهوم بيئه صحيه عشان يبدعون... |
إقتباس:
الله يعافيك...وهذه دافع لي بإذن الله... |
لقد فعلها اللاعب الكوري، لقد كنت حزين على هذا اللاعب فلم يأخذ الفرصة إلا في كأس ولي العهد فأصبح هدافا... فلقد عانى من ضعف التواصل بينه وبين المدرب واللاعبين ومع ذلك أصر وسجل في معهد لكي يتعلم اللغه الإنجليزيه.....ترى من عينيه الإصرار والتحدي والرغبه...للأسف بعض الجمهور يحسبون جايبين سواق مهب لاعب!!!! أنا لاأعلم من هؤلاء إن كان لايعجبهم فمن حقهم ولكن ليس من حقهم أن يستنقصو من قدره... ويستنقصو من قدر أي شخص يدخل إلى الأراضي السعوديه سواءا سواق أو غيره!! بشكل عام شكرا له وشكرا لجميع اللاعبين والإداره وشكرا لهذا الجمور الكبير....ومبروووك الفوز |
| الوقت المعتمد في المنتدى بتوقيت جرينتش +3.
الوقت الان » 08:49 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd