إقالة هسيك - نادي الهلال السعودي - شبكة الزعيم

الحــ محمد ــربي · #1 12/05/2012, 02:05 AM

إذا فات الفوت ماينفع الصوت
على مايبدوا ان إدارة الهلال تخطط لإقالة هسيك(ابو نقطة) بعد خسارتنا من الغرافة ليكون كبش فداء الذي ذبح أكثر من ثلاث مرات. (والله عذبتوه وعذبتونا)
ارحمونا يإدارة الهلال والله مانبي إلا آسيا مانبي بطولة محلية نبي اسيا فقط
خلاص خلوا مدرب الفيصلي يدرب وهسيك مع السلامة.
وياليت يجيبون جهاز طبي ومدرب لياقة كفوا اشوف ان الاصابات كثرت
والله مدري ايش اقول لخبطني الهلال وانا عندي اختبارات لكن اظاهر انا تعودنا على الخساير
الله المستعاآآآآآن ياآسيا اصبحتي صعبة بعد ماكنا نضرب الفرق الاسيوية بعقر دارها.. وينك يابو يعقوب وياسامي.
عذراً على عدم ترتيب الافكار وقلتها طرحنا مواضيع كثيرة وحلول كثيرة وانا حذرت من سامواه للاعب الشباب الإماراتي قبل البطولة الاسيوية وذكرنا السلبيات في مواضيع كثيرة اقسم بالله ان المدرب كتبت عنه اول ماجاء وذكرت ضعف قراءته اثناء وقبل المباراة ونقدت العربي والكوري لأن الكتاب واضح من عنوانة وقلنا كل ماهوا في مصلحة الهلال لكن إدارة الهلال لاتقراء او تعاند.
ماقول إلا الله يسامح من تعاقد مع العربي والكوري.
خذوها من مشجع له31سنة لن نحقق أسيآ ودفاعنا الزوري والمرشدي وخيرات.
لن نحقق أسيآ ودفاعنا هش
مانبي محترفين وسط نبي راس حربة علية الكلام وقلب دفاع وظهير يلعب بكلتا قدمية.(هذا إذا عدينا دور الـ16 بدعوات الصالحين)
على فكرة المدرب لايتحمل إلا25% فقط والباقي على اللاعبين.
والمدرب
ماقال ياالقرني اترك لاعب الاهلي يسجل ولاقال يازوري لاتضايق لاعب الاهلي
ولاقال يالمرشدي مرر نايف هزازي باص انت وضميرك
ولا قال يالعتيبي تفرج على الاهداف
ولا قال يالفريدي وياولي مررو خطاء
ولاقال إدارة الهلال تعاقدوا مع العربي والكوري
ولا قال ياهرماش أصاب
ولا قال ياسالم اللعب لعب حواري
(لاعبين الهلال المحليين يبيلهم قرصة اذن)
على فكرة ماعندنا اجانب تصنع الفارق أبداً
الخلل بألإدارة واللاعبين والاجانب والجهاز الطبي ومدرب اللياقة ومن ثم المدرب
عذراً والله الافكار متشتته يمكن الهلال اثر علي او لأني بنااااااااااام..(خايف من الغرافة وخاصةً ان الهدف يطلعنا آآوت)
سمعت أن السهر دمر اللاعبين قبل ماأنام فية سؤال للإدارة لية الغيت التمارين الصباحية ؟