السلام عليكم ورحمة الله وبركاته

شدني تفاعل جماهير الهلال اخيرا في الشبكة و الدفاع عن لقب مهم لنا وهو لقب الملكي

تناقشت مع كثير من الاهلاويه في لقب الملكي في منتديات رياضيه تجمع جميع الميول

واستطعت ان اغلبهم بقوة حجتي لدرجة ان عشاق الاهلي لم يستطيعو الجواب عن اي سؤال لي

اذا جاك اهلاوي وقعد يهايط فوق راسك ان الاهلي هو الملكي فالالجام يكون كالتالي



الالجام الاول - ان الهلال لديه دليل وهي وثيقه من عام 1378 حيث أمر الملك سعود بتغيير اسم الهلال بأمر ملكي وهو اول نادي سعودي تفرد به

واذا تبي تحجر صح للاهلاوي قل له في اي سنه اطلق عليكم اللقب وهات اثبات ان لقبكم اتى قبل مايغيير الملك سعود اسم الهلال عام 1378

الالجام الثاني يوجد موضوع بشبكة الزعيم عام 2000 مذكور في العنوان لقب الملكي

http://vb.alhilal.com/t6316.html

وفيه رابط بموقع اخر عام 2000 ايضاء لاكن ماراح احطه احترام لقوانين المنتدى الي يبيه يجي خاص


الالجام الثالث


حط له هالصوره



هذي صوره لشبكة الزعيم عام 2000 في اول موسم ولاحظ ان اسم الشبكه مسماه على القاب الهلال الزعيم والملكي


بختصار
وثيقه خطاب الملك 1378 + موضوع وصوره من شبكة الزعيم عام 2000

أسئل الاهلاوي هالسؤال فقط وقل له هل يوجد لديكم دليل اقدم من الوثيقه وهل يوجد دليل من النت يصفكم بالملكي اقدم من عام 2000

اتحداه اذا جاوب عليكم

ممكن يناقشك الاهلاوي بالوثيقه ويقول حتى نادي الخليح سمي بأمر ملكي مثلكم

الرد سيكون عليه بسيط وهو ان نادي الخليح لم يسمى بأمر ملكي مثل الهلال بل اقترح الملك فيصل ان يغير اسمه

وحتى اليوم لايعرف من سمى النسر بالخليح الملك ام ادارة الخلييح واذا كان الملك فما هو الاثبات لديهم مثل اثبات الهلاليين بوثيقة خطاب الملك سعود

ايضاء ممكن الاهلاويين يقولون ان عندهم عدة اسباب باحقية اللقب وهي كالتالي

1- اكثر نادي يحقق كأس الملك 2- النادي الوحيد الي لعب له امير 3- شعارهم سيفين ونخله مثل المملكه 4- لونهم مثل لون المنتخب

الرد عليهم ان الهلال ايضاء يقدر يتعذر مثلكم

الهلال النادي الوحيد الي حقق جميع البطولات باسماء الملوك

للهلال النادي الوحيد الي رأسه ابن مؤسس المملكه الامير هذلول بن عبد العزيز

الهلال اكثر نادي يحقق كؤوس باسماء الامراء

الهلال اكثر نادي لديه اعضاء شرف من ابناء الملوك والامراء

حتى النصر يقدر يصير ملكي بهالاعذار

لاكن هل يوجد دليل مثل وثيقة ابن سعيد + موضوع من 2000 مثل الهلاليين


مثل ماقلت لكم بهالكلام اتحدا اي اهلاوي يرد عليكم

وعندي طلب منكم اتمنى المباراه القادمه كل الجماهير الي بتحضر لافتات تحضر لافته مكتوب عليه الملكي لان كل القنوات بتكون ناقلتها وبكذا يعرفون ان الملكي الهلال فقط

إقتباس الرسالة الأصلية كتبت بواسطة فهد الهلالي 2002 السلام عليكم ورحمة الله وبركاته

عندي نقطه أخرى لو تكرمت ..

الأهلي أزعجونا بأنهم يحملون شعار بالأبيض والأخضر لذلك يقولون أن الحق مهم باللقب ..

ولكن للمعلوميه >> النجمه والشعله يحملون نفس الوان شعار الأهلي .. بس ما قالوا انهم الملكي .. (^_^)

^
^
حياك الله يالشيخ قوقل ومثل ماقلت لدينا ادله اهمها الوثيقه الي تثبت احقيتنا باللقب والا كثرة الحجج بدون ادله نقدر نرد عليهم فيها حتى النصر يقدر يصير ملكي هههههههههه

لاهنت عزيزي

الأهلي كذا فجأه حط الملكي ؟؟؟ هههه فوضى الألقاب...
اتوقع العام القادم أحد الأندية الصاعدة لدوري زين ستضع مسمى الملكى لناديها؟؟؟ مثل شعار قشطة التاج وسنابل النسيم والنظيم؟

انا مايهمني الالقاب قد مايهمني الانجازات ..... خليهم يتكلمون قد مايشبعوون .... كمشجع هلالي يعجبني ان ينادى الهلال باسم الزعيم وكفى ..غيرها من القاب ماتعجبني... سالفة سمي الهلال بقرار ملكي هذا مو عذر حتى الاهلي بسالفة ملكي مدري كيف طلعت من عرفتهم قلعه الكوؤس وتحولو بقدرة قادر لملكي..اتمنى التوفيق لزعيمنا بالبطولة الاسيويه

طرح مميز...

وألجااااام لكل من تسول له نفسهـ بالقرب من هذا الاسم....

مشكوووور يااملكي...

^
^
هلا ابو مسهر داري ان اللقب بعد البرقيه لاكن قصدي عام 2000 انه يوجد دليل اخر بان الهلال يلقب به بينما الاهلاويه لايستطيعون ان ياتو باقدم من هذا الموضوع

لاهنت


بن جبله حياك الله ولاهنت حبيبي على الرد

ههههههههههههه والله كفو
يطون الطحالب يصيرون الملكي

للامانه وللتاريخ الامير عبدالرحمن بن سعود ( رحمه الله ) رئيس نادي النصر سابقا

كان حارس لمرمى النصر ووالده كان وقتها الملك سعود ( رحمه الله )
لاتحصرني حقيقه كم عدد الامراء اللي لعبو للانديه ... لكنهم كانو اكثر من شخص مو انفراد للاهلي فقط ....

ياخوي عندي صديق اهلاوي يقول ان الاهلي النادي الملكي عشانه خذا البطولة من جميع ملوك السعودية

ويقول عشان جا برقية من الملك عبد الله سموه سفر الوطن

ويقول عشان الاهلي اول نادي يلعب معه ابن الملك مدري والله وش اسمه عبد الله الفيصل اتوقع

ابي اجابة الكلام اللي قاله صح ولا خطا ؟

ما نحتاج نضيع وقت ننقاشهم في هالموضوع خلولهم الهتار و تضيع الوقت في المسميات و حنا علينا صعود المنصات

إقتباس الرسالة الأصلية كتبت بواسطة ALZ3EEM--ALMLKE ياخوي عندي صديق اهلاوي يقول ان الاهلي النادي الملكي عشانه خذا البطولة من جميع ملوك السعودية ويقول عشان جا برقية من الملك عبد الله سموه سفر الوطن ويقول عشان الاهلي اول نادي يلعب معه ابن الملك مدري والله وش اسمه عبد الله الفيصل اتوقع ابي اجابة الكلام اللي قاله صح ولا خطا ؟

النقطه الاولى تكلمت معهم عنها وقلت اثبتو هالشي وماقدرو يثبتونه بختصار اظاهر كذبه مثل كذبة الاف بطوله بكل الالعاب

اما النقطه الثاني نعم ارسل لهم تهنئه ولقبهم بسفير الوطن الموسم الماضي وهذي مالها دخل بلقب الملكي الي ارتبط بالهلال بعد برقية الامر الملكي من الملك سعود

اما النقطه الثالثه غير صحيح فقد سبق للامير عبد الرحمن بن سعود المشاركه مع النصر مثل ماذكر احد الاعضاء فوق واذكر اني شفت له صوره يحمل الكأس كحارس

إقتباس الرسالة الأصلية كتبت بواسطة ALZ3EEM--ALMLKE ياخوي عندي صديق اهلاوي يقول ان الاهلي النادي الملكي عشانه خذا البطولة من جميع ملوك السعودية ويقول عشان جا برقية من الملك عبد الله سموه سفر الوطن ويقول عشان الاهلي اول نادي يلعب معه ابن الملك مدري والله وش اسمه عبد الله الفيصل اتوقع ابي اجابة الكلام اللي قاله صح ولا خطا ؟

دائما من تكون حجته باطله .. يبحث عن فروع الأصل , ليوهم الآخرين أن الحق معه ..

ولكن راح أفند لك كلامكـ او كلام صاحبكـ على قولتكـ ..

& حكاية إن الاهلي أخد البطوله من جميع الملوكـ فهذه حجه باطله أدحظها الإعلامي ابو غيداء

( الملك فيصل كان في عهده يوكل من ينوب عنه لحظور ختام بطولة الملك ) ..

& حكاية إن الأهلي جاه برقيه من الملك عبدالله .. طيب برقية الملك سعود للهلال ؟؟ انتهت صلاحيتها مثلاً ؟؟

وبعدين ما كان فيه برقيه .. الملك عبدالله استظاف الأهلي بتنسيق من الأمير خالد بن عبدالله واقام لهم مأدبة عشاء

لا عطاهم برقيه ولا هم يحزنون .. ممكن أرسل لهم تهنئه .. وأتحدى اذا كانت هناك برقيه تثبت احقية الأهلي باللقب

& الأمير خالد بن عبدالله سبق ولعب لنادي الأهلي .. الأمير عبدالرحمن بن سعود ايضاً .. بس إيش علاقتها بلقب الملكي ؟؟

إذا كان يقيسونها بالمقياس هذا .. فالهلال هو النادي الوحيد الذي ترأسه إبن الملك عبدالعزيز ( هذلول بن عبدالعزيز ) ..

أخيراً .. لقب الملكي يستحقه الهلال نظرا لما يحققه من انجازات وامتيازات ولما يملكه من وثائق وبراهين ..