07/04/2003, 03:38 PM
|
زعيــم مميــز | | تاريخ التسجيل: 17/06/2001 المكان: قلب كل هلالي
مشاركات: 2,342
| |
بمناسبة..... قنبلة الموسم مقابلة مع زعيم المقلعين...
أعزائي ...
بمناسبة وصول عدد مشاركاتي للعد 2003 الي يوافق هذا العام....
حبينا نجري لقاء مع مقلع موب بسيط ....له باع طويل في الاقلاع...-حلوة باع-والا اشترى
شخصية غامضة ومشهورة...وشلون تجي هذي...مادري المهم لازم نبهر الكلام شوي عشان المقدمة
شخصية لها تاريخها الظيل في المجال الاقلاعي الزاحف
وأحد رواد حركة العطالة التي انتشرت في البلد....
شخص أحبه كثير من المقلعين المبتدئين الذين يعتبرونه قدوة لهم-امحق من قدوة-
مابغى أطول عليكم والييكم هذا اللقاء
[c] [/c]
في البداية ياليت تعرفنا بنفسك...
الاسم الحقيقي: وسيع البال...
الاسم الحركي: قديم الهبال ..وعلى فكرة تراني مسجل الاسم الحركي في وزارة التجارة عشان ماحد
بكرا من المبزرة يطلع ويلطش الاسم هذا علي...
العمر لو تكرمت...
شف الصورة فوق واحكم أنت وضميرك...الي يجي منك حلو...
بس عشان ماتعبك معي مابين خمسطعش سنه وخمسين سنه...
الحالة الاجتماعية...
عزابي متدهور (انهيار عزوبي حاد) مع وجود عوارض خليجية وعوارض مرمى وعوارض حديد
مسقط راسك...داري انك مانت فاهم قصدي بس من اي ديرة انت...
مسقط راسي بلد البلوت , وشوارع الموت ،والنفط هو القوت يعني (نشرب بنزين وناكل زفلت)
بس تعرف عشان القافيه تمشي معنا
المؤهل التعليمي...
الله يهديك وشوله الاحراج ترا ماتفقنا على هالاسأله ...بس راح اجاوبك
17من الصياعة العامة +(بكي +لوريوس)=طفح جلدي عند الاطفال...
مكان العمل...
أقول قم لابوك لابو الي خلاك تسوي معي مقابلة...ماقلت لك بلاش احراج...
بس راح أجاوبك...شركة دجوا للصياعة والبطالة والمقاولات...
ناديك المفضل...
نادي ماجد عبدالله الي يلعب فيه يوسف الثنيان الي حارسه تيسير الصادق...
سيارتك المفضلة...
الهاي لكزز ام 1500حصان 14 سلندر 330 فولت بدون بخاخات عشان البنزين
اكلتك المفضله...
المرااااااااا+صييييع = مرق بالانجليزي...
مثلك الاعلى...
في يوم من الايام كان ابوي يس الله لايوريك ذاك اليوم ليشني بعسيب نخل صار ظهري كانه الوان
قوس قزح ومن بعدها كرهته وصار مثلي الاعلى ابو سعد ولد جيراننا الي ماقد شفته ابد بس
اسمع انه اخذ له تأبيده في ابوزعبل...
خليفتك في الشوارع...
صويلح ولد ام سعيدان الي ابربيه على يدي عشان اذا سألوه من مثلك الاعلى يشارو علي..
لعبتك المفضلة...
البلوت عشان مافيها تكسير غضاريف ولا طق واصعب شي تواجهه فيها اذا رمى خويك الورقه
في وجهك ولحقك بيالة شاهي وصار الشاهي يسورب من فوق راسك
وعلى فكرة تراني احسن واحد يغش بس لاتعلم
شعارك في الحياة....
الضياع ..باستمااااااع....
كلمة أخيرة ننهي فيها اللقاء...
قال الوداع قلت انقلع على..... الدنيا بعد فرقاك فلة وسعة صدر
اعزائي ...كان هذا اللقاء مع زعيم المقلعين نقلناه لكم بكل دقة وأمانه ولازيادة ولا نقص
اللهم الا اننا حرصنا ان تكون الصورة صغيرة بقدر المستطاع مراعاة لشعور ابنائنا عشان مايتروعون
قبل النوم...
أتمنى ان تكون المقابلة حازت على رضاكم...والى مقابلات اخرى...[/COLOR][/COLOR][/COLOR][/COLOR][/COLOR][/COLOR] |