السلام عليكم ورحمة الله وبركاته ..

الموسم قارب على الانتهاء .. كسبنا كاس ولي العهد .. خسرنا الدوري .. خسرنا كاس الملك .. بس لحظه لحظه !

ترا باقي البطوله الأغلى والأهم باقي كاس آسيا واللي أملنا فيها كبير .. الآن احنا متصدرين مجموعتنا بعد فوزنا المنعش على بيروزي في أرضهم .. وفوزنا على الغرافه يعني تأهلنا رسمياً لدور الـ 16 وبيكون في أرضنا لكن لو لا سمح الله خسرنا راح ندخل في حسابات معقده ونعتمد على نتيجة بيروزي والشباب ..

لذلك الجمهور الهلالي مطالب بالحضور لهالمباراه ودعم اللاعبين ونسيان جميع سلبيات الموسم وتأجيل الانتقاد .. المباراه مصيريه والهلال يحتاجنا !

عدد سكان الرياض 5 ملايين تقريباً .. وانا متأكد أكثر من نصها هلاليين .. واعتقد عدد 20 الف مشجع قليل جداً بالنسبه لجماهيريتنا لكنه يفي بالغرض .. فهل صعب على جمهور جن الملاعب الحضور بكثافه يوم الثلاثاء ؟





نبي هالمنظر يتكرر يوم 15 مايو .. ولا اعتقد انه صعب علينا مافيه أعذار .. اللي زعلان من وضع الهلال هالموسم فأحب أذكره ان وضعنا في الآسيويه أكثر من جيد وفوزنا على بيروزي رفع أسهم التفاؤل لدى الجميع .. طالما الفريق أدى اللي عليه في آسيا وفاز في آخر مباراتين فالجمهور لازم يسوي اللي عليه ويحضر ..

الملعب وقريب وهو المفضل عند أغلبية الجمهور الهلالي وكنا نطالب الاداره بتحويل المباريات عليه ونفذوا رغبتنا فما فيه عذر .. واعتقد الجمهور الهلالي لا يحتاج الى دعوه ..

بإذن الله اللاعبين يفرحونا ويعوضون الجمهور عن الخروج من كاس الملك ويسعدونا بالتأهل .. وان شاء الله نشوف أحلى عنوان في جرايد يوم الاربعاء (الجمهور الهلالي يزف فريقه الى دور الـ 16) ..

دعواتكم للهلال


قفله :

إن لم أكن هلالي وقت الإنكســـار .. فلا أستحق أن أكون هلالي وقت الإنتصــــار