13/05/2012, 11:08 AM
|
| زعيــم متواصــل | | تاريخ التسجيل: 13/03/2007
مشاركات: 147
| |
|
ســـــــامي .. والمندسيـــــن !!!
 السلام عليكم ورحمة الله وبركاته .. أنا أستغرب من بعض إخواني الزعماء الهجوم اللي ماله معنى على (بعض) الأعضاء الموجودين بالمنتدى . يعني إذا قال رأيه بكل أريحية (وبدون بذاءة) وقال إن سامي (قدم كل اللي عنده وأشوف إنه يمشي أفضل) يا أخي هذا رأيه وبكيفه وبالنسبة لي أحترم رأيه لكن ما أقبل فيه ، أما إني أجي اقول إنك مندس واجرحه بكلام ما ينذكر بالمنتدى فهذا عييب (يعني نتشمت بغيرنا والبلا فينا !!) لأنه مو معقول أي تعليق أقراه مايعجبني أقول لصاحب التعليق إنك مندس ، خلاص ملينا من هالإسطوانة ، فعلاً فيه ناس مندسين وتم كشفهم على الملأ وصاروا معروفين بس بالشكل والكمّ هذا (أنا أشوف إنه شي غير مقبول) . يعني إذا رئيس بكبره كان يهاجم سامي وقت ماكان لاعب , نستكثرها على واحد من الجماهير الهلالية (صدقوني فيه ناس في الهلال وهلاليين للنخاع وتهمهم مصلحة الهلال يكرهون سامي ) لكن الأهم أن هذا (السامي  ) يثبت يوم بعد يوم أنه الرجل المناسب في المكان المناسب . وبعدين أنا أبغى أقول شي بسيط عن اللي صار من سامي سامي غلط وكلنا عارفين الشيء هذا لانكابر لأن مافيه أحد معصوم عن الخطأ بس الغلط من سامي له حلاوته لأني أدري إن الغلط والإنفعال اللي صار جاء من باب حرصه على الفريق وإرضاء الجماهير قبل مايرضي نفسه ولأني أدري وهو يدري وأغلب جماهير الزعيم تدري إن سامي العقل النابض والمفكر للهلال وإن عنده من الفكر الشيء الكثير والكثير ليقدمه للهلال وللكرة السعودية . وبالنسبة للي يقول بتصدر عقوبات بحق سامي أحب اقوله ماراح يصدر بحقه أي عقوبات . أتمنى الجمهور يستوعب إن الفريق عنده مباراة يوم الثلاثاء مطلوب فيها فووز ولاشيء غير الفوووووز لضمان التأهل لدور ال16 واللعب على أرضنا وبين جماهيرنا ولازم مانشتت أنفسنا ونشتتهم معنا بالمواضيع اللي مالها داعي . همتكم ياجمهور الزعـيم بالحضور لإستاد الملك فهد الدولي بالرياض يوم الثلاثاء  . فالقادم أجمل بإذن الله |
الوضع الشجري
