|
ليش مهاجمينا الشباب مايعطون فرصه في خانته الهجوم مثل باقي الخانات-تعالو نطالب بالريس او الصانع او اي مهاجم بسم الله الرحمن الرحيم والصلاة والسلام على اشرف الخلق نبينا محمد جماهيرنا الغاليه من الان علينا اننا نطالب الاداره باعطاء هجومنا الصغار فرصه مثل باقي الخانات فاحنا نشوف نجوم في الوسط والدفاع والحراسه والهجوم منسيه الخانه هذه في الفريق الاول وكانه محرم على هجومنا من ابناء النادي الحصول عليها انا من بعد سامي والجمعان ماشفت هجوم نادينا من ابناء النادي وكان الهلال لايملك خانه اسمها هجوم اتمنى يعطى الفرصه لصانع او فهد الجهني او الريس او الحمدان او عبدالكريم القحطاني العمر عمره ماكان سبب والمهاجم اذا ماوصل الاول وصقل لن يستفيد كلنا شفنا سالم وهو وسط وكان مبدع مع الاولمبي ولا كان احد يدري عنه يوم وصل الاول زاد ابداع تكفون خلونا نطالب بهجومنا الشباب يعطون فرصه في الفريق مثل كل الخانات انا لا اقول نبعد سعد او ياسر او لانتعاقد مع اجنبي لانه لابد من ذلك لكن لابد يكون هناك مهاجم من ابناء النادي ويعطى الفرصه في العسكر وفي المباريات الغير مهمه ومع الوقت يلعب في المباريات القويه وصدقوني بيكونون قد المسؤوليه اخيرا اقول لسامي تكفى انت والامير جيبو احد الاسماء الي ذكرت وضموهم معكم في المعسكر وراح تشوفون ابداعاتهم انا متابعه الاولمبي وهم نجوم وقد المسؤوليه |
كلام سليم وسبق وان طرحت موضوع طالبت فيه بالزج بالصانع مهاجم الهلال في التشكيله الاساسيه |
يبدو أن مركز الهجوم حكر على المحترفين الأجانب لا تعليق |
كلامك ميه بالميه انا والله اتمنى عبدالرحمن الصانع يلعب في الهجوم بس المشكله الحين في المحترفين الاجانب واذا رجع ياسر مشكله بنرجع لسالفتنا القديمه بس ان شاءالله يعجبه الوضع في العين ويكمل هناك لانه بصراحه ماهو طموح الهلال مع احترامي لشخصه احترمه واقدره لكن راحت عليه ابو سعيد.. نبي الصانع فيه مواصفات حلوه مع مهاجم مثل الحسن كيتا سريع وخلفه الوسط اللي كلنا نعرفه بيسوي الهوايل وربي.. الله يكتب اللي فيه الخير للزعيم |
مافيه الا الصايغ اما الباقين مافيه اجساااااااااااااااااااااااااااااااااااااااااااااااااام يعني مثل المحياني |
إقتباس:
وياليت فعلا نعطي هجومنا فرصه |
إقتباس:
المشكله طوال 10سنوات مافيه ولاعب معقوله مافيه لاعب يستاهل لابد يعطون الفرصه اشكر مرورك |
إقتباس:
تكفون اللي عنده تويتر سامي والامير يوصلون لهم طلبنا نبي هجوم شوي ويجينا الضغط من هجومنا الغير مفيد والحمدلله انه يسجل الوسط اشكر مرورك |
فعلا كلام صحيح من فتره طويله لم ارى مهاجم ياتي من شباب الهلال ما المانع ان يلعب المباريات الغير مهمه مثل مبارات الثالث و الرابع بكاس الملك او مباريات بالدوري بعد حسمها مثل التقدم بنتيجه كبيره لاكن وش يفهم اداره الاستثمار بالرياضه |
إقتباس:
عمر الجسم ماكان عايق اشكر مرورك |
الصصانع يالغالي خلف المهاجم على الجناح وفهد الجهني ما يستاهل حسب ما تابعت من مباريات له |
طرح رائع ومميز لازم ندعم مواهب الشابه في الهلال ونتمنى ان نراهم في الفريق الاول بالتوفيق للزعيم باذن الله تعالى يعطيك العافية :rose: |
إقتباس:
لكن يالغلا مو بس في عهد الامير عبدالرحمن من زمان وهجوم صفر لاتغرك قولت الاصفرين استثماري تراهم ودهم بواحد مثله انت انظر لما عمل من ايجابيات تنسيك اخفاق هذا الموسم والجاي احسن بحول الله |
يا ليت لو يعطونهم الفرصة فعلا الهلال له كم سنة لم ينتج لاعبين بخط الهجوم وياليت في مباراة المركزين الثالث والرابع يلعبون نجوم الأولمبي وينزلون المدافع فواز فلاته يعملون تطعيم للفريق الأول من هؤلاء وبتكون فرصة لاكسابهم الثقة بأنفسهم . وأيضا يسندون القيادة بالتدريب بهذه المباراة للكابتن سامي وستكون عصفورين بحجر واحد |
والله يالشيخ كلهم لسى مستواهم الأولمبي لكن الصايغ يستاهل يجرب حضه في كذا مباراة يكون بديل ويلعب 15إلى 20 دقيقة ... |
| الوقت المعتمد في المنتدى بتوقيت جرينتش +3.
الوقت الان » 03:13 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd