|
اذا لعب كل لاعب بمثل ( روح ) العابد .. سيحقق الزعيم جميع البطولات وبلا منافس .. بمشيئة الواحد الاحد بسم الله الرحمن الرحيم بادي ذي بدء، لاول مره في حياتي ولاكثر من 35 عاما لا احزن ( ازعل ) على خروج الزعيم من بطوله ! لعدة اسباب منها ( التركيز على الآسيويه ) خاصة اننا تشبعنا من البطولات ( كجماهير واعلام ) مما انعكس سلبا على اللاعبين !! اعود للموضوع .. دعونا معشر الزعماء والزعيمات نبتعد عن التنظير وندعم الفريق في المواجهتين القادمتين بعيدا عن المدرب واللاعبين الاجانب !! الروح ثم الروح ثم الروح هي من تلغي اشياء كثيره داخل الملعب .. قلتها في مقال سابق واعيدها للمره الالف ( الروووووووووووووووووووووووووووووووووح ) هي الاهم حتى لو كان لديك افضل مدرب ولاعبين والروح مفقوده لا يمكن ان تحقق اي شيء على صعيد البطولات !! في مباراة الاهلي ( جده ) قدم العابد اروع مستوياته منذ تمثيله للزعيم والسبب ليس المدرب !! وانما روح ( الزعيم ايام زمان ) التي تجسدت في ابن الهلال ( نواف ) الذي اشتعل في الملعب وكان يدافع ويهاجم ويصنع ( ما شاء الله ). لو ( لو تفتح عمل الشيطان ) لعب فقط اربعة لاعبين بنفس قتالية وروح العابد لانهى الزعيم المباراة والتأهل من الشوط الاول. اتمنى من الاداره الموقره ان تركز على اعادة الروح لبعض اللاعبين الذين يلعبون بلا ( روح ) في اغلب المباريات .. وبعودة ( الروح الزرقاء المعهوده ) سيعود الزعيم لمكانه الطبيعي ( هلال مشع فوق الرؤوس ) .. بمشيئة الله. |
معااك حق اللي شااف صرخه نوواف لما جاء هدف التعاادل يشووف الرووح الكبيره اللي هو فيهاا وان شاء الله اللعيبه كلهم يلعبون برووح نوااف وباذن الله الزعيم سيعوود بقووه بالتوفيق للزعيم يسلموو خيوو |
اخوي العزيز الروح يبيلها جمهور يملي الملعب ويساند الفريق اذا مباراة الغرافه حظر ٢٢الف ابشر بل فوز والوعد بعد المباراه |
كل اللاعبين نجووووم وباذن الله ربي يكرمنا بالاسويه |
العابد بالآمس اثبت ان روح الآعبين القدامى موجودهـ بداخلهـ .. لآعب يغار على الفانيلة التي يرتديهآ .. بعد الهدف الآول للأهلي في مباراةة الآمس وتعابير وجهـ واصرارهـ على التسجيل نتج عن كل ذلك هدف الهلآل الآول .. وفرحتهـ بعد التسجيل رجعتني لشعور فرحتي ايام ذيبان .. فعلاً وجودهـ يحيي الأمل بعودة روح لاعبين الزمن الجميل |
اااه يانواف وقسم انه افضل لاعب حاليااً في الهلال يالبى قلبه بس هو وروحه فعلا تحس انه شعله في الملعب ويغار على الفانيله اللي هو لابسهاا لاعب كبير يذكرني بروح الذيب سامي ! |
يعطيك العاافيه .. كلامك 100% لازم الرووح واتمنى من الاعبين انهم يلعبون كل لعبه اللي يقدر عليه .. ويتركون كلاااام الاصلع هاسيك ... وصدقني انها راااح يدعسون على الغراافه بــ 5 او اكثر بالتوفيق للهلال ... |
الحمد لله على كل حال وألف شكر للكابتن نواف العابد فقد كان بالأمس شعلة نشاط في الفريق |
اتفق مع كلامك اخوي والرووووح برضو ما تكفي في الملعب وتقبل تحياتي |
وآلله العابد ماشاء الله عليه لآعب قتالي وحماسي وبرضو ولي هامسون ابدع وآلله وبقية الاعبين باردين |
روح العابد لو تستمر راح يكون نجم كبير الله يكفيه الغرور وشر الاصابات |
أبي عذر للاعبين نواف العابد كان مصاب وغاب مباراتين وعاد أساسي وقدم مستوى مشرف وين اللعب المشرف ياجماعة أنـا وصلني علم أن اللاعب اللي يسجل يستلم مبلغ خاص على تسجيله أجل الراتب والمكافأت والعقود ماتكفي وهذا سبب من اسباب ضياع الفرص الكل يبي يسجل راح زمان صانع الألعاب أتمنى تنصفون صناع اللعب مثل ماتنصفون اي مهاجم وسترون اللاعبين كيف يلعبون ومانضحك على بعض بالزمن ذا تدفع وتدلعني أقدم لك اللي تبي تبخل اشوف غيرك هذا حال الكورة السعودية الآن تقديري لكم |
العابد هو الوحيد من الجيل الجديد الي فيه روح الهلال اما البقية فعليهم السلام العابد والشلهوب فقط في الملعب هم من يلعبون بروح وويلي بعد مع ان مستواه نازل بس تحسه يبذل كل شي عنده |
والله اعلق واصفق صراحه انا مازعلت قد مافرحت انه لسه في لاعبين في الهلال زي العابد فيهم غيره وحب للهلال وللبس الي عليه وان شاء الله يرجعلنا عزوز وسالم وسلمان بالسلامه ياجماعه والله الهلال فيه نجوم كبار بس متا يجتمعو مع بض مايحتاج لنا اجانب غير واحد قلب ومن ناحية الهجوم اااااااااااااه ياياسر |
يااالبيه على روحه ماشاء الله عليهم بصراحه راجع من اصابه والشوط الاول حرث الملعب حرث وان شاء الله نشوف اللاعبين مثله يوم الثلاثاء القادم بأذن الله أعلن في حسابه الشخصي في تويتر عضو شرف نادي الهلال صاحب السمو الملكي الأمير : محمد بن خالد بن فيصل عن شراء 1000 تذكرة وتقديمها مجانآ لجمهور الهلال في مباراته المصيرية مع الغرافة القطري يوم الثلاثاء القادم إن شاء الله بإستاد صاحب السمو الملكي الأمير : فيصل بن فهد يرحمه الله بالعاصمة الرياض . |
| الوقت المعتمد في المنتدى بتوقيت جرينتش +3.
الوقت الان » 11:46 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd