|
مشجعين اخر زمن اصبح تشجعين الهلال مثل الثوب يلبس في عز الفريق وينزع في تعثره بسم الله الرحمن الرحيم والصلاة والسلام على اشرف الخلق نبينا محمد اما بعد احبتي الرقم الصعب جماهير الوفاء هارد لنا جميعا الخروج من كاس الملك وكان شي متوقع في ظل الظروف التي يمر بها الفريق من بداية الموسم نرجع ونقول الحمدلله على مقدر وكتب والحمدلله خرجنا ببطوله وبمركز ثالث ولم نخسر كل شي مثل غيرنا البعض يتحسف وزعلان على كاس الملك عشان الاسيويه السنه الجايه ويجلس يفكر ممكن نشارك ممكن لا وليه الهلال صار يلعب ملحق ومن هذا الكلام الغير مفيد اولا الاسيويه السنه الجايه فيها 4مقاعد بحول الله ثانيا لو اخذها الاهلي نشارك مباشره في حال اخذها النصر او الفتح نشارك ملحق والهلال قادر على التاهل فهو الهلال وبيقابل فريق هندي او اوزبكي يعني افرحو بزعيمكم وتركو عنكم النكد على الماضي والتفكير في المستقبل هذا بالنسبه للخروج والتاهل لسنه الجايه الحين نجي لطمنوحا وطموح كل هلالي وهو البطوله الاسيويه التي البعض نسف تاريخ الهلال السنه اللي طافت عشان خرجنا منهم رغم اخذ الدوري دون هزيمه وكان البعض يقول ملينا بطولات محليه والحين اشوف العكس وتناقض غريب تباكي ومطالبات وسب وشتم اشك انهم هلالين او انهم ناس الله يشفيهم عندهم انفصام في الشجيع مره تبي كذا ومره تبي كذا والحين اشوفهم يقولون ماراح نحضر ولانبي الاسيويه لان فريقنا يفشل وكان الفريق في المركز الاخير في الاسيويه ولا كأنها مباراه صداره احبتي الرقم الصعب الاسيويه والتاهل لدور ال8بايديكم بعد توفيق الله فمن يريدها عليه بتحمل المسؤوليه والتزام الصمت عن النقد والمطالبات ويحاول يجهز نفسه للحضور الثلاثاء وبحول الله نتجاوز الغرافه ثم نلعب مع بني ياس او الفريق الاوزبكي وقادرين على هزيمتهم فالفريق وباسؤ موسم لنا هزم الاصفرين وكانو جسر عبور لبطوله المفضله وهزم الاخيضر اللي شايف انه برشلونه يوم هزم الزعيم الملكي مرتين وبواحد صفر وكان الهلال الفضل خصوصا في الدوري فياعزيزي المشجع ان كنت صغير ولاتعرف تاريخ الهلال فارجع له وان كنت لاتتحمل تشوف الهلال بهذا المستوى فكلنا كذلك لكن علينا تغليب المنطق والنظر لللمفيد للفريق خلال هذه الفتره وبعدها نقول الي نبي اخيرا نحنا نشجع اكبر فرق اسيا فل نكون قد هذا الفريق نفاخر به حتى وان كان في اسوى حال او نتركه وندور فريق افضل منه ونفاخر به اما انه يكون تشجيع الهلال فخر عند المستويات الحلوه والفوز وعند التراجع والتعثر يصبح عار فالزعيم في غنى عن هذه النوعيه من المشجعين |
كم انتي راااائعهـ ياااازعيمهـ... هنا يظهر المعدن الاصلي للمشجع الحقيقي الذي يعشق الكياااااااان بالفوز والخساره الف شوووووكرن والله يحرم انااااااملكـ عن الناااااااار ..... |
مشكلة جمهورنا زعلان لأنا خسرنا كاس الابطال ونسى ان الهلال في عز ظروفه خرج ببطوله واحده . وغيرنا في عز مستواه لم يكسب اياً منها . موعدنا الثلاثاء لقاء هام ومصير مهم ومنعطف خطر يحتاج منا دعم جماهيري كبير حتى نزف الهلال متأهلاً من مجموعته اولاً . علينا نسيان كل مافات من مستوا وخروج مقهر وننظر ونطمح في اسياء ربما ضاره نافعه ربما خروجنا من ابطال الملك يتوجنا ب ابطال اسيا لكن الهمه ياجمهور الزعيم والحضور الكبير لا اوصيكم . شكراً سعوديه والهلال ناديه . كلام جميل .. |
شكرًا شكرًا شكرًا شكرًا ع موضوعك الرائع وفقتي في كتابة موضوعك لاخلا ولا عدم من مواضيعك |
لا يختي انتي مطبلـه للأداره .. اعترفي شكل بن مساعـد خالك من الرضاع ؟ وش اللي كل شوي نسكت مليـنا ماصارت قسم بالله وش هالموسم الفاشل لنا خمس شهور ماجبنا بطولـه.. مهيب حالـه هذي قسم بالله طفشنـا بينا وبين الاول بالدوري 5 نقاط او اكثر بشوي بالله هذا فريـق ؟؟ في اسوء موسـم لا وصاير الثالث بالدوري ! كله من الاداره الاداره جالسه تستهبل ولا تدفع فلوس ولا كل همها الهلال يرقى المنصات ارحل يابن مساعـد خلاص نبي غيرك .. ياخي من زينك روح خلاص وخذ سامي الجابر معـك هو السبب هو اللي كان واقف ورى العتيبي ويقول له ابو عتب عتب ويشغله عن المباراه ويخليه يفهي هو السبب في نكبات الفريـق كلـه وهو السبب في خروج السعوديه من تصفيات كاس العالم الأخيره وهو السبب في ضياع نعال دحيّم ولد جيرانا من عند باب المسجد وصدقوني صدقوني هو اللي ورى ثورات الربيع العربـي ماعليش بس كان ودي اجرب الشعور وانا مع جمهور " معاهم معاهم عليهم عليهم " :s2: |
إقتباس:
اسعدني مرورك على موضوعي |
صدقتي والله جمااااهير الفووز وش الفاااايده منهم ... الهلااااال يحتااج لجمهووره في الفووز والخسااااااره... وبالتوفيق للهلااال فيمااا تبقى من مباريااات هذا الموسم.... |
إقتباس:
لكن على الشخص وان كان صغير في السن التحكم بالاعصاب والنظر للكوره من منظور انها فوز وتعادل وخساره وانه لايمكن فريق يبقى على طول فائز والا ماكان يحتاج تجديد واجتهاد الاسيويه الحين هي الاهم وهي مطلب كل هلالي قلت كل هلالي وبحول الله فالنا الصداره والتاهل لدور8فرصه لا تتعوض والسنه الجايه بيكون فيه فريق غير اسعدني مرورك |
لله درك ليت كل العرب مثلك اصيله يابنت الزعيم |
كلالالالالالالالالام بالصميم يعطيك الف عااااافيه ي زعيمه وبأذن الله يكون التركيز على الاسيويه وان ششاء الله الجمهور يفكر فيه وينسسون البطولاات المحليه والحظووووووووووووور اهم ششششششششي لنا |
للأسف كلامك هو التطبيل بعينه يعني كيف ماننتقد الإدارة ولا شلون أختي الإدارة ارتكبت أخطاء فادحة فاضحة هذا الموسم لو تلاحظي بداية استلم ابن مساعد الفريق في أول موسم المستوى ممتاز واللياقة روعة الموسم اللي بعده انخفض المستوى قليلا الموسم هذا لامستوى ولالياقة ولاتنظيم ولامدرب وماتبوننا ننتقد عجبي على فكرة أنا من المطالبين لرحيل الإدارة لأني أعتقد ما عندها شئ تقدمه وتضيفه للفريق أعتقد بعد الآسيوية حيكون رأيك كذا؟؟؟ |
موضوع رائع يعزز ثقافة تشجيع الكيان وليس حب الفوز والتنكرللفريق في حال الهزيمه... الهلال ليس في حاجه من يتمسح فيه وقت الأمجاد والإنتصارات ويتبرأ منه في وقت التعثر والأزمات...والمشجع الذي شجع الهلال من أجل إنتصاراته سيكون اول من يتخلى عنه ويذهب لغيره حين يتعثر وهؤلاء فراقهم عيد والله لأنه نقص على الفريق والكيان وليسوا بزود. _ معك يازعيم في إنتصارك وخسارتك وسندعس على رقاب أعدائك وكارهيك وسنكون سندا وعزوه لرجالاتك ومنسوبيك ولاعبيك وخير عون لهم. يارب ياكريم وفق الزعيم. |
كلام رائع وجميل اختي سعوديه اهنيك على الطرح لابد ان يعرف الجميع ان الكره فوز وخساره ولايمكن لك الاستمرار بالفوز الدائم موسم الهلال لايعتبر فاشل لان الهلال خرج ببطولة ولي العهد وينافس على اسيا وان شالله تكون الغرافة بداية الانطلاقة المندسين كثروا بالمنتدى الله يكفينا شرهم |
طبيعي ان يكون لديك اخطاء والجميل ان تتعلم من اخطائك لكن المؤسف ان الادارة تكابر وتقول نحن عملنا موسم جيد بتحقيقها لكاس سمو ولي العهد وتحقيق المركز الثاني في كاس فيصل >>كلام الامير بتويتر مو من عندي ليعلم الامير ومن سوف يمسك زمام الفريق الهلالي طموح الجمهور الهلالي اكبر من ذلك هل تعلم لماذاا لانننا الهلال فريق البطولات من ولدت ونا افرح ببطولة تعودت على ذلك لاتلوموا اي هلالي لما ينتقد لما نعرف خسارة البطولات وان خسرنا في موسم نعوضها بالموسم الاخر وانتقادنا للامير انتقاد محب والدليل انننا نقول يبن مساعد تععلم من اخطائك والاا اترك المجال ل غيرك يعمل ولم نقل ابتعد انت سيئ ووالخخخ مافعله الامير سابفا يشكر عليه تحياتي لك |
إقتباس:
اسعدني مرورك إقتباس:
على طول نظرت للنك قلت اكيد يمزح اسعدني مرورك إقتباس:
نلوم اصحاب المناصف وحتى الجماهير صارت مثلهم ينظرون بالعاطفه اكثر من المنطق صح الفريق مش في مستواه لكن الكوره كذا نسينا هزيمتنا من الغرافه وبالاربعه في ظل وجود افضل فريق الكور يحدث فيها لامنطق احيانا اسعدني مرورك |
| الوقت المعتمد في المنتدى بتوقيت جرينتش +3.
الوقت الان » 10:07 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd