خاص لكل هلالي أصيل ومخلص ـ معلومات وتوجيهات
 

السلام عليكم ورحمة الله ،
وأسعد الله مسائكم بكل خير ..
أكتب إليكم هذه الكلمات قبل سفري بقليل إلى الدوحة لحضور المباراة الختامية على كأس الأمير بين الزعيم السداوي وبين الغرافة وأسأل الله أن يوفق السد ويجعل الفوز من حليفه ويتوج نهاية موسمه بكأس الأمير كما فقدها بركلات الترجيح بكأس ولي العهد أمام الريان .. آمين يارب ودعواتكم لتؤم القلب والروح للزعيم الآسيوي
أولاً : هاردلنا جميعا على عدم تأهل زعيمنا الآسيوي العالمي من أمام الأهلي وبنفس الوقت أهنئ نفسي وأهنئكم على مستوى الفريق المشرف بالرغم من الإصابات وغيابات العناصر المهمة في الفريق ..
ثانياً : اطمئن الجميع بأن الكابتن والمدرب القدير / سامي الجابر لم يعلن استقالته ولم يتفوه بها ؛ فهي مجرد إشاعة الغرض منها الشوشرة وتشتيت البيت الهلالي ؛ وهذه شننشة نعرفها من أخزم ، فالضيوف الأعزاء ( الغير هلاليين ) لهم باع طويل في هذا المجال ، فالخبر غير صحيح اطلاقاً فاطمئنوا أيها المخلصون الصادقون .
ثالثاً : الآن الفريق الهلالي في ختام هذا الموسم لم يتبق له سوى البطولة الآسيوية والمباراة القادمة هي من ستحدد المتأهل ، وأنا أقول إنها مباراة عادية وطبيعية وسهلة للهلال ماإذا كان الجمهور الهلالي حاضرا وبقوة .. فالتاريخ يشهد بذلك ؛ فهو تخصص هلالي في إخراج الغرافة من المشهد الآسيوي وأصبح أمر شبه معتاد عليه سنوياً ..فالله يرضى عليكم نبغى حضوركم للمباراة نبغى الملعب لايقل عن 50000 خمسين ألف متفرج يهزون المدرجات هز ..
رابعاً : ابشركم وأطمئنكم الإدارة لديها عمل جبّار وخطط مستقبلية واستراتيجية منها ماهو بعيد المدى ومنها ماهو قصير ومرحلي .. لكن الأكيد وانا واثق مما أقول بإذن الله سترون عملاً جباراً مخيفاً قاصماً لكل الأندية ماعدا نادي الشباب !
فنادي الشباب ظهرت منه بوادر الاعمل الاحترافي والمهني ببعض القرارات من رئيس النادي ... وأهنئهم بهذا الرئيس الذهبي ..
أنا اللي أبغى اوصله لكم إنه لاتستعجلون وأبشروا بالخير ..فالإدارة الهلالية والفريق وجميع العاملين في الهلال من جهاز فني وإداري وشرفي وإعلامي يواجهون تحديات كبيرة وخطيرة على مختلف الأصعدة ؛ فلا تكونون أنتم بعد زيادة ضغط عليهم فتصير إدارتنا كالمثل الدارج ( تصير بين الغار والنار ) فلا هي قادرة تستطيع تحدد استراتيجياتها ولا هي قادرة في ذات الوقت تخفف الضغط العالي والهائل من مختلف الشرائح الرياضية !!!
آمل من كل قارئ لموضوعي أن يتمعن بعين العقل وان يهدئ من روعه وانفعاله وأن يعلم إن كان عدم تأهل الهلال قد أغضبه وهو والله أغضبنا جميعاً فبإذن الله سيفرحه فوز الهلال على الغرافة وتأهله لدوري 16 وينسينا جميعاً حزننا على عدم التأهل لكأس الملك ..
كلي ثقة بثقافة الجمهور الهلالي الغالي ورقيه واحترافيته وتفهمه لأبعاد الأمور
فأبشروا بالخير .. ابشروا بالخير فهي على ناااار هادئة ..

ذلك السد والهلال فجئني بمثلهم .... ياغرافة الأصفرين إذا جمعتنا المجامع

استودعكم الله ..

تمنياتي للسد بالفوز يكفي إنه تؤم نادينا الهلال
الزعيم القطري والزعيم الآسيوي بالتوفيق لهم
ومشكور على المعلومات والتوجيهات
وعوايدك يالتميمي مستبشر ومتفاءل
بس انتبه لاعصابك في المباراة النهائية
مشكور لاعدمناك والله يوفق السد وترجع لنا بالسلامة

_

آرى آن مشكلة آلجمهور آلآزرق آنه مندفع مرة بآلنقد ..

مشكووور حبيبي والله يوفق الزعيم القطري والسعودي يارب

ما يندفع الا المبزره و المهندسين يشكلون ضغط على جماهير ويلا هات لك من كلام اللي ينقد الهلال
الهلال في اسواء حالته الا انه اهدنا بطوله 53
وخسر 3 مرات في سنه مثله ومثل الاهلي والشباب
وهو اسواء من الاهلي والشباب
ولا احد تجرى يفوز عليه بنتيجه تاريخيه

ي هلال اذا ماوقفت في وقت تعبك فااعلم اني لا استحق ان اقول اني هلاليه
من عشق الهلال لابد يكون معه بفوزه وخسارته في تعبه وفي فرحته
الكوره فيها فوز وخساره لاكن عرفت ان اكثر في هذا المنتدى مهندسين ومبزره
اتمنى الاعضاء هذا المنتدى يحذفون كل موضوع ينقد نادي الهلال ولاعبينه
الله يسهل دربك ي زعيم وين مارحت وبتوفيق امام الغرافه

بتوفيق الزعيم السداوي
وبتوفيق للزعيم الهلالي
ويعطيك العافيه على طرح موضوعك

كلناااا ~ثقة بمن يعمل ويجتهد لمصلحة الكياااااااان الهلاااااالي....

كلنااااا~ثقة بأنناااا سنشاهد هلالا في الموسم القااادم مغااااير لهلاااال هذاا الموسم.....

ويعطيك العااافيه,,

شكررا لك وتووصل بسلامه اخووي

ايها الموج الازرق اغرق الغرافه واغرفهم قبل ان يغرفونا

هاردلك يالزعيمي يالتميمي بديرة ولد تميم
هاردلك بخسارة الزعيم السداوي بركلات الترجيح واستغربت ان عندهم بقطر مافيه اشواط اضافية
انا شفت المباراة والله السد مايستاهل الخسارة بمستواه ولعبه
السد كان اخطر من الغرافة بكثير
والله تمنيت يفوز السد من قلبي بس معوضينها عيال الذيب
الله يستر على اعصابك بس يالتميمي ههههههههه

صدز وش ذا العلم مافي اشواط اضافيه شكلهم كسلانين ويخافون الجمهور يروح هههه

هاردلك يالتميمي وترجع سالم وغانم ...

الحمدلله على كل حال ولا والله نتيجة ركلات الترجيح ماتعكس مستوى المباراة ..
أتمنى إن فوز الغرافة ونشوة فرحتهم ببطولة الحظ إنها تخدرهم ، مع إن كان ودي إنه بهزيمتهم أيضاً لربما يحبطون نفسياً ومعنوياً ..
يالله الحمدلله رب العالمين والله ضربتين بالراس توجع خسارة تؤم الزعماء الهلال السداوي ..
أهم شي الجماهير تكون بالموعد .. ونترك خلافتنا على جنب ونهتم للقادم ونتكاتف مع بعض من أجل وحدة الزعيم وإغاظة المحتقنين ..

هـــــاردلك خساارة السد

والله يوفق الزعــــيم الهلالي