|
بعد ما هديت النفوس لازم نكرر اللي عملوه الاهلي امام الخويا القطري قدر الله وماشآء فعل ...صحيح ان الفريق السنه هذي ماهو الهلال اللي نعرفه وصحيح ان الاداره اخطات في التعاقدات سواء مع المدربين او الاعبين الاجانب وصحيح ان اكثر اللعيبه السعوديين في الفريق مستوياتهم نازله لكن نرجع ونقول قدر الله وماشآء فعل ومستحيل يكون الفريق دايم في العلالي لان كل الفرق تجتهد وتعمل وكل فريق معرض للاخفاق ونزول المستوى واكبر مثال اعظم واكبر فريق في العالم برشلونه ماهو نفس الفريق اللي اذهل العالم في المواسم الماضيه ولو شارك في كاس العالم للمنتخبات لحقق اللقب بسهوله ..اذن نزول المستوى للهلال شيء طبيعي ولازم نهدي اعصابنا شوي وانا اول واحد اعترف بخطيء امس وكتبت في لحظة انفعال وغضب واعتذر لكل هلالي شريف وعاقل عن الكلام اللي صار بيننا امس مع بعض الاعضاء هدانا الله واياهم...المهم كلنا عارفين ان الفريق مقبل يوم الثلاثاء على لقاء ناري وصعب امام الغرافه وتعتبر هذ المباراه حاسمه لصدارة المجموعه والمفترض علينا كهلاليين الوقوف مع الفريق في الملعب وفي المنتديات وفي الصحف علشان نرفع من معنويات اللعيبه وبعد نهاية الموسم يكون وقت دراسة الاخطاء للتعديل في النواحي الاداريه والفنيه ..لازم يكون الملعب يوم الثلاثاء فل ومايكون فيه ولا كرسي فاضي خاصة وان المباراه في الملز لازم نسوي اكثر من اللي سواه جمهور الاهلي بعد خسارتهم الدوري امام الشباب وكانت مباراتهم مع الخويا القطري مالين المدرجات لازم مانترك فرصه للحاقدين للتشفي من الهلال لازم نخلي الملز يرتج تحت اقدام لعيبة الغرافه حتى لو اخطاء اللعيبه مانسمع صافرات الاستهجان لانها بتزيد الطين بله وانا متأكد ان الهلال مايخفق مرتين بأذن الله ...شخصيا اذا اخفق أي فريق في بطوله يكون التعويض في البطوله الثانيه ويمكن يكون خسارتنا لكاس الملك سبب في تحقيق الآسيويه ...اللهم وفق الهلال يا كريمs13s |
طرح عقلاني..... الحمد لله على كل حااااال... وعسى في الامر خيره...... |
طرح عقلاني..... الحمد لله على كل حااااال... وعسى في الامر خيره...... |
اشكركم على تعليقاتكم الراقيه ...وان شاء الله الهلال يرضينا يوم الثلاثاء. |
كلام كليم وعين العقل واحيييك الصراحه |
طرح عقلاني..... الحمد لله على كل حااااال... وعسى في الامر خيره...... يعطيك العافية :rose: |
حضورنا رااح يعطي دافع لنجوم الهلال الهمه الهمه ياجمهور الزعيم |
ماشاء الله واحد كتب طرح عقلاني والكل قلده هههههههههه ياخوان مانبي تقليد بالردود نبي نتكلم بواقع نبي كل شخص يحط رائيه بالكلام . للاسف هلالنا هالموسم لم يقدم اي شي وعلى كذا حقق كاس ولي العهد وفيه الاهلي قدم مستوايات كبيرة والى الان لم اي كاس هالموسم ! طبعا ماننسى اقوى فريق بالعالم ماحقق اي بطوله الى الان وجمهوره معاه بس احنا جمهورنا عاطفي لو انهزم الهلال شتموته واذ انتصر مدحتوه وكل شخص يشوف وش صار بعد مباراة الهلال وبيروزي من مدح وبعد الهلال والاهلي مباراة الذهاب من شتم ! // الف شككر |
اكرر شكري لكلامك الراقي ...ياليت اهل الرياض والمدن المجاوره يعبون الملعب يوم الثلاثاء لان الفرق الخليجيه متعودين على الحضور الجماهيري الضعيف وكثرة الحضور اكيد بتفقدهم التركيز . |
_ صَدقن لو آمتلى آلملعب رآح تكون صدمة نفسية ممهمة للاعبين .. ولكن آهل آلريآض ، آتوقع يرفضون ! |
المباراة فالرياض تبـطــــي جمهــــــور الريــــــاض يملون الملعب ،، جمهور الرياض تبيهم يملون الملعب ( نصـف نهائـي آسيــا ) أو أمام النصــر.. جمهور الرياض فاشــــل لو المباراة في جدة لملى الجمهــور الملعـــب بأكمله.. وبالنسبه لتكــرار اللي عملوهـ الأهلي أمام لخويا تقديم مستوى ونتيجـه تبطــي الهلال يقــدم مستـــوى ونتيجـــه.. عندك لاعبين الظاهر يفكرون أنهم فالتدريب اللي ينقز الكورهـ من فوق بيجيـبـها هـدف خوووورافي واللي يبـي يسحـــب بخمس ست لاعبيــن ويسجل هـدف واللي واللي ..... عالعمــــوم الله يوفــــق هلالنــــــا ان شــاء الله ويحقق الفوز ونتأهل لدور الـ16 ونقابل اللي نقابــل ونطلعــه ان شاء الله وتوقف البطولة إلى بعد رمضـــان وقتها لكـل حادث حديــث نتعـــاقــد مع لاعبيــن صح ومدرب صح ونضبـط اللاعبين المحلييـن و وقتهــا نكمــل البطولــة ونحـقـقـهــا بإذن الله.. |
باذن الله جمهور الزعيم يبيضون الوجه بالتوفيق لزعيم اسيا |
| الوقت المعتمد في المنتدى بتوقيت جرينتش +3.
الوقت الان » 06:51 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd