مصدر خاص سامي يقدم استقالتة - نادي الهلال السعودي - شبكة الزعيم

الزعيمي ماجد التميمي · #16 12/05/2012, 12:08 PM

إقتباس

الرسالة الأصلية كتبت بواسطة xXx MaGiC xXx


	من عندك تحكم منهو المشجع الاصيل ولا غيره !!!!!!! المشجع الاصيل يا طويل العمر الي يروح الملعب ويوقف مع الفريق سواء قدمو مستوى او لم يقدمو الاصيل يا طويل العمر الي راح امس الملعب الساعه 2 الظهر وياحاول يدخل الملعب وملطوع تحت الشمس بالشارع قدام باب الملعب لين يستنى الفرج يجيه من ربه وتجينا تذاكر لين جاتنا التذاكر الساعه 5 العصر عن طريق تذاكر كانت محجوزة ولم يأتي اصحابها لا تحكم على الناس وانت ما شفتهم مو شرط اروح واقول للناس يا عالم ياهوو انا رحت الملعب وفريقنا خسر ليه كذا !!! والي ما يعجبه محتوى الموضوع تقبلها كل واحد له رأيه الشخصي والله حنا مو 5 مشجعين للنادي حنا اكثر من كم مليون ولكل شخص له رأيه الشخصي ناس تتفق وناس ما تتفق

عفواً أخوي : أحاول استوعب شوي من كلامك ـ
أولاً : كلامي أنا موجه لصاحب الموضوع الأخ الكريم ( هلالنا وهلالكم واحد) ولم أحدد لأحد التهمة ؛ فما أدري انت الآن ترد علي وكأني موجه الخطاب لك ؟؟؟
ليش أنا اتهمتك بشي ؟؟؟ أنا كلامي واضح وموجه للناس اللي تزعجهم مسيرة الزعيم فليش أنت على طول توقعت إني اقصدك ؟؟؟ هذا أولاً !
ثانياً : مسألة إنه المشجع الأصيل اللي يروح بدري للملعب ويوقف تحت الشمس فهاذي طال عمرك لاأنا ولا أنت نقدر نحددهم ، وهاذي راجعه للشخص نفسه ومدى إخلاصه وصدقه ، والإخلاص والصدق علمها عند الله ، بس أنا كلامي عن الهلالي الأصيل فيما يتعلق بطرحه وأفكاره وكتاباته ، أما مسألة إنه يبكي أو يغمى عليه أو يحضر مباراة للهلال من وقت مبكر من صلاة الفجر فهذا ماله تعلق بمسألة تقديم مايخدم الهلال من أفكار ورؤى وتطلعات لتحريك عجلة الهلال للبطولات والمحافل الدولية ... آمل إنك تفرق بين مسألة إخلاص شخص مبهم وليس بمعروف يحضر للملعب في وقت مبكر ، وبين إخلاص شخص معروف وله كتاباته وله طرح أفكاره وتوجهاته ، ولذلك قالوا قديما ( عدو عاقل خير من صديق جاهل ) ، ولذلك بالعلم والفكر والتعقل يسمو الشخص وتكمن قيمته وقدره ، بعكس المتحمس والمتهور والمخلص إخلاص غير مقنن بعلم وفكر ومعرفة ..
أما مسألة إني ماأحكم على الناس وأنا ماشفتهم فأكيد أن جميع من في هذا المنتدى لم ينظر بعضهم لبعض وماشافوا بعض ولا يعرفون بعض ، ولكن الأفكار والتوجهات ومفادها ( هي من تفيد وتوضح هوية الشخص ) وبالتالي يحكم عليه من خلال كتاباته وطرحه لما يكتب ..
يعني مو معقولة بعد يجيني شخص ويكتب بكل احترافية وبمعايير الكتابة المتعارف عليها بين العقلاء ويرفق بكلامه الأدلة والبراهين وقبل كل شي الواقع الملموس وليس مجرد الكلام الإنشائي وأقارنه بشخص يفتقد أبجديات الإحترافية المهنية في الطرح..
أما مسألة أنه ناس تتفق وناس ماتتفق فهذا كلام مجمل وعام ، ففيه أشياء اتفق فيها العقلاء : يعني مو معقولة واحد يجي ويقول والله برشلونة فريق حواري ولا يسوي شي أمام الجبلين ولا التعاون !!! مع احترامي للأندية المذكورة ، لكن حدث العاقل بما لايليق فإن صدق فلا عقل له .. فما هي معقولة واحد يجي ويقول والله ياأخي ناس تتفق بالشي هذا وناس ماتتفق !!
أنا ليش أقول كذا : لأنه فيه رد لك أخر أثارني وهو كلامك يوم تقول :

( اعطيك مثال خفيف

( انت شفت تيشرت لونه اسود وما عجبك يا اخي طيب انا عجبني يعني خلاص ذوقي رايح فيها مثلا !!! )

حاول انك تفرق بين المندس وبين الي مو متفق بالرأي معك)
فصحيح هناك اشياء تكون محل اجتهاد في الأراء بس فيه اشياء واضحة وأنا اخوك ماتحتاج ، خصوصا إذا لم يكن لها وجود اصلن !!