نادي الهلال السعودي - شبكة الزعيم - الموقع الرسمي

إقتباس:

الرسالة الأصلية كتبت بواسطة الزعيمي ماجد التميمي (مشاركة 20098687)

عفواً أخوي : أحاول استوعب شوي من كلامك ـ
أولاً : كلامي أنا موجه لصاحب الموضوع الأخ الكريم ( هلالنا وهلالكم واحد) ولم أحدد لأحد التهمة ؛ فما أدري انت الآن ترد علي وكأني موجه الخطاب لك ؟؟؟
ليش أنا اتهمتك بشي ؟؟؟ أنا كلامي واضح وموجه للناس اللي تزعجهم مسيرة الزعيم فليش أنت على طول توقعت إني اقصدك ؟؟؟ هذا أولاً !
ثانياً : مسألة إنه المشجع الأصيل اللي يروح بدري للملعب ويوقف تحت الشمس فهاذي طال عمرك لاأنا ولا أنت نقدر نحددهم ، وهاذي راجعه للشخص نفسه ومدى إخلاصه وصدقه ، والإخلاص والصدق علمها عند الله ، بس أنا كلامي عن الهلالي الأصيل فيما يتعلق بطرحه وأفكاره وكتاباته ، أما مسألة إنه يبكي أو يغمى عليه أو يحضر مباراة للهلال من وقت مبكر من صلاة الفجر فهذا ماله تعلق بمسألة تقديم مايخدم الهلال من أفكار ورؤى وتطلعات لتحريك عجلة الهلال للبطولات والمحافل الدولية ... آمل إنك تفرق بين مسألة إخلاص شخص مبهم وليس بمعروف يحضر للملعب في وقت مبكر ، وبين إخلاص شخص معروف وله كتاباته وله طرح أفكاره وتوجهاته ، ولذلك قالوا قديما ( عدو عاقل خير من صديق جاهل ) ، ولذلك بالعلم والفكر والتعقل يسمو الشخص وتكمن قيمته وقدره ، بعكس المتحمس والمتهور والمخلص إخلاص غير مقنن بعلم وفكر ومعرفة ..
أما مسألة إني ماأحكم على الناس وأنا ماشفتهم فأكيد أن جميع من في هذا المنتدى لم ينظر بعضهم لبعض وماشافوا بعض ولا يعرفون بعض ، ولكن الأفكار والتوجهات ومفادها ( هي من تفيد وتوضح هوية الشخص ) وبالتالي يحكم عليه من خلال كتاباته وطرحه لما يكتب ..
يعني مو معقولة بعد يجيني شخص ويكتب بكل احترافية وبمعايير الكتابة المتعارف عليها بين العقلاء ويرفق بكلامه الأدلة والبراهين وقبل كل شي الواقع الملموس وليس مجرد الكلام الإنشائي وأقارنه بشخص يفتقد أبجديات الإحترافية المهنية في الطرح..
أما مسألة أنه ناس تتفق وناس ماتتفق فهذا كلام مجمل وعام ، ففيه أشياء اتفق فيها العقلاء : يعني مو معقولة واحد يجي ويقول والله برشلونة فريق حواري ولا يسوي شي أمام الجبلين ولا التعاون !!! مع احترامي للأندية المذكورة ، لكن حدث العاقل بما لايليق فإن صدق فلا عقل له .. فما هي معقولة واحد يجي ويقول والله ياأخي ناس تتفق بالشي هذا وناس ماتتفق !!
أنا ليش أقول كذا : لأنه فيه رد لك أخر أثارني وهو كلامك يوم تقول :

( اعطيك مثال خفيف :s2: ( انت شفت تيشرت لونه اسود وما عجبك يا اخي طيب انا عجبني يعني خلاص ذوقي رايح فيها مثلا !!! )

حاول انك تفرق بين المندس وبين الي مو متفق بالرأي معك)
فصحيح هناك اشياء تكون محل اجتهاد في الأراء بس فيه اشياء واضحة وأنا اخوك ماتحتاج ، خصوصا إذا لم يكن لها وجود اصلن !!

لكن يا اخي في اشخاص والله اعلم يمكن انت منهم ويمكن مو منهم

على مسأله ( حاول انك تفرق بين المندس وبين الي مو متفق بالرأي معك)
في اشخاص لو قلنا رأي ما عجبهم على طول كلمه ( مندس ) يعني شغل مبزرة من الاخر

يعني مثل انا عن نفسي واكررها المفاجأة الكبرى هذا الموسم رح تكون بالنسبه لي بي استقاله الامير عبدالرحمن بن مساعد وباقي الادارين معه ( هذا وجهة نظري في ناس احق منه بالرئاسه + لا بد من التجديد وانا اشوف في رؤساء بالهلال افضل منه بالفكر وبالمراحل ربما ليس بالمال لكن الفكر اهم من المال والمال رح يكون دعم من اعضاء الشرف الهلال كبير من قبل لا يجينا عبدالرحمن بن مساعد ورح يبقى كبير سواء رح او جلس لكن جلوسه يأخرنا على البطولات الاهم مثل ( كأس الملك النسخه الجديدة + كأس اسيا ) هذي مطالبنا كجمهور البطولات بالنسخه الجديدة

يجي احد الاعضاء طاير من بعيد ويقول انت مندس !!!!! وش رأيك بهالاسلوب يعني الواحد حتى رأيه ما يطرحه يحتفظ فيه مثلا !