|
نقاش مطوّل يخرج بـٍ تحليل بسيط ، بسم الله الرحمن الرحيم ،، صباح / مساء الخير على الجميع ، إن شاء الله الكل بخير وعافيه ،، دار بيني وبين صديقي - واثنيننا هلاليينs13s - بعد الخروج المرّ والمؤلم من كأس الملك ، دار بينينا حوار وطلعنا بشبه اتفاق على نقطه أتوقع أُغفلت عن الهلاليين ومحد فكر فيها ،، - الملاحظ على الهلال في الموسم هذا والمواسم السابقة إن أي لاعب أولمبي يقدم مباراة أو مباراتين ويبدع فيها يسحبه الفريق الأول مباشرة ، الأمر مو على واحد أو اثنين ، المشكلة أغلب التشكلية الهلالية الحالية من هالنوعية ... أنا ما أشكك في قدرات شبابنا الخارقة وان لهم مستقبل باهر ، ولكن أن يبدع لاعب أولمبي في مباراة ثم يجد نفسه في الفريق الأول والأضواء وملايين الريالات تحيط به ، أكيد راح يكون في نزوول إلين ينتهي ... زممان كيف كان اللاعب الأولمبي يصعد للفريق الأول ؟ كان يكدّ كدّ ويجتهد ويثابر ويبدع مو بس في مباراة أو مباراتين لكن في موسمين أو ثلاثة مع الأولمبي .وقتها تقدر تصعده للأول ويكون نضج كلاعب واكتسب روح المثابرة والاجتهاد اللي مع الأسف نفقدها حالياً ! - الحل بوجهة نظري إن تحدد فئة عمرية لا يصعد اللاعب المبدع إلى الفريق الأول إلين يتجاوزها ، برأيي تكون 24 سنة . مناسبة جداً ! هذا اللي عندي ، وألف تحية لكم .. ملاحظة : هذا أول موضوع لي هنا .. وإن شاء الله بداية خير أخوكم ، |
والله صدقت ،، ................................................. |
حياك أخوي هلالي،، وشرفتني بمرورك |
مع احترامي لك ولوجهة نظرك ياغالي ياليت تلقي نظره ع الكره العالميه وسوف ترى انهم لاينظرون للعمر بقدر نظرتهم لما يقدمه اللاعب وبصراحه من اسباب تراجع الكره السعوديه هذا المبدأ القاتل للمواهب شكرا لك اخوي فكره تحيتي |
إقتباس:
التصعيد للفريق الأول ليس بسبب التألق في مباراة أو اثنتين بل لصنع فريق شاب يتم دمجه مع لاعبي الخبرة ليثمر فريقاً للمستقبل لكن المشكلة في عقلية اللاعب السعودي وليس في الجهاز الإداري والفني يعتقدون أن الاحتراف شهرة وسفريات وماركات وترزز وينسون اللعب والمثابرة والانضباط |
اخوي اشكرك اولا ثم اذا سمحت لي تحليلك مو في محله انظر الى الاتحاد كيف يعاني بسبب عدم الزج بالصغار في الفريق الاول وثاني شي اصلا انت بحثت عن مشكلة غير موجوده اصلا لذلك كانت الفكرة خاطئة مين الي قالك ان الهلال يعاني من مشكلة فنية الهلال لعب مع الاهلي مباراتين كل مباراة بتشكيلة اقصد الوسط ومع ذلك لولا تدخلات الفاشل هاسيك كان حسمنا المباراتين عندك الاهلي لو طلعت اربع لاعبين من وسطه كان ضحكت على مستواهم تقبل مروري |
على كلامك ميسي وكريس للحين اولمبي !! |
24!!!! انا مو معاكم في السن...لكن اذا كان الاعداد مبكر وسقل الموهبه تمت في وقت جيد وش المشكله اذا لعب في الفريق الأول وعمره اقل من 20...بس مو بالضروره يظمن مكانه كأساسي ممكن يكون احتياط كمان لموسم او اثنين بعدين يبداً كأساسي...لكن 24 سنة كثير ياخوي وكلنا يعرف بيليه لعب مع البرازيل وعمره 18 او اقل... شكرا اخوي |
اتفق معاك في كلامك ماعدا في عمر اللاعب . اما بالنسبة للي يقول لازم نصعد عشان نكون فريق شاب لو تلاحظ ان كل اللي يصعدوا لاعبيين وسط وهذه الخانة كل لاعبينها شباب ماعدا الشلهوب والغنام وكان الاولى ان يصعدوا مهاجمين و مدافعين ومن يذكر شافي الدوسري الكل كان يمدحه والان لايلعب لا في الاول وفي الاولمبي احتياط مع ان الجهة اليسرى الهلالي تعاني واخشى على سالم الدوسري من الاختفاء كما اختفى شافي لانه سالم بدات تظهر عليه الانانية وروح ال(انا) ودايم يبغى يعدي من كل اللاعبيين في الملعب |
عزيزي كلامك غير صحيح مع احترامي لك محيسن الجمعان عمرة 17 في المنتخب الاول الثنيان عمرة 19 في المنتخب الاول النعيمة 18 في المنتخب الاول ماجد عمرة 18 في المنتخب الاول سامي عمرة 20 في المنتخب الاول الفنان فنان واللي يثبت وجودة يستحق وعلى طاري 24 ميسي افضل لاعب في العالم 3 مرات ولو كان في الاولمبي اول سنه يشارك فيها هالسنه |
| الوقت المعتمد في المنتدى بتوقيت جرينتش +3.
الوقت الان » 04:17 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd