شكرا لصاحب الموضوع

طرح جميل وموضوع هادف ارجوا من اخواننا من الجمهور ان يستفيدوا من مثل هذه المواضيع وان لا ينساقوا خلف المندسين الذين يبثون سمومهم

من وجهة نظري يوجد اكثر من شيء لابد من تطبيقها باسرع وقت من قبل الادارة:
1- البحث عن مدرب بمستوى عالي وان يكون صارم...مع طاقم مساعدين واخصائي لياقة عالمي

2- البحث عن فريق (جهاز) طبي للفريق على مستوى عالي -اعتقد عانى اللاعبون الكثير خلال الموسمين المنصرمين-

3- البحث عن لاعب قلب دفاع من ماركة تفاريس -صغير في العمر ولديه الطموح- لان اللاعبين في اوربا لا يطمع الا بالاموال لدينا -اذا ما استثنينا رادوي وويلي-

4- البحث عن مهاجم اجنبي افضل يكون البرازيل.

5- البحث عن محور ارتكاز اجنبي (ياليت يكون من ماركة رادوي)

6- البحث عن لاعب آسيوي ممتاز او لا يلزم

7- ابعاد كل من: سعد الحارثي (اكبر غلطة في تاريخ الزعيم من يوم تأسس)-اي لاعب صاحب مشاكل مثل شراحيلي وغيره.

8- مع كل ما سبق لابد من ان يقام معسكر طويل لاعداد الفريق ويخوض خلالها الفريق مباريات مع فرق خليجية واوربية وآسيوية -ان امكن-

اتمنى من الرئيس عدم الاستعجال بشراء عقود لاعبين قبل بداية اشراف المدرب على الفريق فلابد ان يكون اختيار اللاعبين الاجانب حسب احتياج الفريق من خلال رؤية المدرب

آلله يكتب اللي فيه الخير للهلال

تحيتي

الحمد لله على كل حال اهم شي مباراه الغرافه ولي ارى انها بيد الجماهير اذا ماارادوا اسيا والسنه الجايه يتغير كل شي

اسمع يا صاحب الموضوع أو يا شيخ المنتدى ياللي عرفت ان الاعضاء مسحورين وبتقرا عليهم ..ابمشي معك واقول ان بعض كلامك فيه نوع من المنطق ..
نعم الادارة ما كانت تدري ان اللاعبين الاجانب بيقدمون مستويات متواضعه ولاهم قد السيفي حقهم ..
طيب وش تقول بدول وتاريخه الكبير في التدريب .. ومدى سلامة اختياره !!
هذا امر والامر الآخر ممكن تفسرلنا سر الاصرار على ابقاء هاسيك حتى الان !!
لماذا لم يتم اقالته بعد التعادلات الثلاثة المتتالية في الاسيوية !!
حذرنا من استمراره حتى لانجد انفسنا خارج كأس الملك وخارج الاسيوية .. وهانحن الان خارج كأس الملك وننتظر الخروج من الاسيوية !!
تبي تقول الاستقرار وما ادري ايش هالكلام اللي تسمعه وتردده عندنا ولا تدري المقصود منه ..
الاستقرار واعطاء الفرصة للمدربين يكون عندما يتواجد مدرب تشعر أن لديه شيء يمكن ان يقدمه للفريق ويشعرك بوجوده في الملعب .. بالله عليك هل هذا يحصل من هاسيك !!
هل اقنعنا هاسيك في اي مباراة لعبها ؟ هل عالج مشاكل الدفاع ( التنظيم الدفاعي ) ام انه جالس يألف من راسه ( يلعب قلب الدفاع الدوسري اللي يلعب بقدمه اليسرى في خانة الظهير الايمن بدلا من البيشي الظهير الايمن التقليدي )!! ...... هل هذا مدرب ينشد الاستقرار !!
هل تريد استقرارا نتيجته الخروج من الاسيوية ؟
تبي تقول باقي مباراتين منين نجيب مدرب في هالوقت .. اقول سامي ممكن يمسك الفريق .. عبدالعزيز الخالد .. صعفق بن محماس .. انت .. اي واحد الا هاسيك .. تدري ليه ؟
.. لأن اللاعبين يعلمون أن الملام في حال الخروج من الاسيوية هو المدرب فقط وأنهم ضحية للمدرب .
اما لو تم تغيير المدرب فهذا يعني أن الكرة اصبحت بملعبهم وسيلعبون بحماس تفاديا للنقد الذي سيطالهم فلم يعد هناك مدرب فاشل يعلقون شماعة اخفاقهم عليه................ هل فهمت ؟؟؟؟

العلة باللاعبين الاجانب و بعض اللاعبين المحليين و المدرب السباك

ان شاء الله الموسم الجاي نشوف اجانب مميزين و مدرب ممتاز

الهلال نادي العقد وكفى .........

^
^
^
انت ياعزيزي هلال اسيا ... الموضوع كله خذ اكبر من حجمـه.. ماكان ودي اضيف رد ثاني .. لكن كلامك مستفز يادكتور ياللي عندك سبع كتب ادارة اعمـال من تأليفك .. كأن الهلال مفروض مايخرج من بطولـه
لكن بمسك نقطتين من كلامك برد عليك فيـها

في الانتقالات الصيفيه طالب بعض الجمهور بـ ايمانا فقط
و لا العربي و هرماش و بيونغ سو محد درا عنهم الا بعد اعلان التعاقد معهم

حلو حلو يعني المفروض الاداره تشاورك وتشاور كل واحد بالمنتدى لما تجيب لاعب محترف ؟
صح هذي غلطة من ادارة الهلال مفروض تسوي تصويت بالمنتدى ... شكراً للاضافه الإداريـه

بعد ما أٌعلن عن العربي وبيونغ سو ... رح شف الاحتفالات والتواقيــع .. طرنـا بالعجه لأن ببساطه زيّنا زي الاداره انخدعت بأرقام وسيفي مقلع فنياً ...

الواحد اذا بيدور اغلاط على اي اداره ...بيلقا واجـد
[/SIZE][/FONT]

النقطه الثانيه والاكثر من رائـعه

ضح ان تتكلم من ناحيه شخصيه او بـ الاحرى تكره ياسر لشخصه

و ما تكلمت عن مستواه اللي في تصاعد ملحوظ
و حتى و هو في اسوأ مستوياته افضل من العربي و بيونغ و الحارثي و المحياني


والله تصاعده الملحوظ بالامارات .. يمكن تشوفـه انت لحالـك .. مارحت اتابـعه هنـاك !!
اللي يهمني وش سوا لي آخر المواسـم..
والعربي وهو فاشـل على مانقول معدله التهديفـي يمسح بموسمين لنجمك المفضل ياسر القحطاني .. كيف تقول بأسوء مستوياته افضل من العربـي .. حدث العاقل بما بعقـل

ياسر لاعب كبير قدم اروع مستويات مع الهلال .. وصاحب اجمل هدف شفته بالدوري السعودي خلال عشر سنين .." هدف البلياردو" .. انا ياحبيبي اعطي كل واحد حقه بدون لا اضيـف وأوّل وافسر الاشياء على كيفي وميولي وتعصبـي ..

ياسر ينفع يكون بالهلال .. لكن معه مهاجم اجنبـي .. لكن لحالـه ... ماينفع
واتمنى زي ماتقول ان مستواه في تصاعد ..لانه مصيره يرجع الهلال وبيكون مهاجم ثاني برفقة الاجنبي


وبالنهايه...
ظرافتي حريه شخصيه استظرف ما استظرف كيفي ... انت تبي تخش بشغل الاداره وتبي تخش براحة الناس وخصوصياتهم ؟ الظاهر انت محد عاجبك بالبلـد
واعطي كل ذي حقٍ حقـه

إقتباس الرسالة الأصلية كتبت بواسطة الهلالي بأمر الله يا شباب والله اول مره انزل موضوع .. بس اللي صاير هنا مسخـره وش ذنب الاداره نحملها فشل اللاعبيـن وش ذنب سامـي ؟؟ سامي هو اللي يراكض في الملعب ويقول للمرشدي جلّي الكوره ويقول للفريدي احسـن يابارد استمر ؟ الاداره هذي هي اللي جابت لنـا احلى مواسم الهلال ... واحلى بطولات.. واحلى خمســات .. واحلى مستويـات الخلل موب بالاداره العلّه في اللاعبين الاجانب .. اللي صاروا مقلب ولا هم قد السي في تبـعهم .. كلنا كنا فرحانين فيـهم وشربـنا المقلـب هالموسـم ... العربي السيفي حقـه يقول لاعب مجنون .. وكلنا طالبنا فيـه .. ثم مادري وش الخلل فيه هنا ... وهرماش نفس الشيء .. الكوري السي في حقـه كنت اراهن عليه وكنت اقول هذا موب مضيّع هجمـه وصار افشل مهاجم شفته بحياتي ... وهرماش موب قد الطموح ... ماغطى مكان رادوي ... والاداره ماتطلّع على المستقبل عشان تعرف ان هذا بيصير حالهم .. وكذا يصير بالانديـه موسم ناجح وموسم خاسر .. عشان نعود بقوّه الحين الهلال في اسوء مواسمه وثالث الدوري وبطل ولي العهد ! مهبل انتـم ؟ والعلّه الثانيه في بعض اللاعبين زي الفريدي ..اللي بيخلي كل لاعبين الهلال مثله استعراض ويلعب عشان نفسه والفلوس .. صدقوني هالاشكال لازم نقضبها الباب عشان مايخلي اللاعبين مثله .. وتكون رساله للاعبين اللي بيساوم الهلال يقضب الباب ووقتها دور الشهره والفلاشات بفنيلة غير الهلال ياقـمر زمانــك... صدقوني والله العظيم هذا البــلا .. حركات الفريدي بغت تجي في العابـد .. والحين بتجي في ساالـم ... والخوف على الفريـق كلـه والموسم الجاي نبدأ بصفحه جديده بمدرب محترم .. ولاعبين اجانب على قد الطموح واكيد الاداره مهيب غافله عن هالشيء وسلامتكم ياجماهير الزعييييييييم

وربي افضل كلام شفته وارقى كلام وكلامك كله بلعقل من دخلت المنتدى بعد مباراه الاهلي اهنيك ي اخوووي في اسلوبك الراقي ومن كلامك اللي بلعقل مو بعض المبزره اللي في منتدى اهنييييييييييييييييييك على كلامكككككككككككككككككككككككككككككككككككككككككككككككككككككككككككككككككككككككككككككككككككك

إقتباس الرسالة الأصلية كتبت بواسطة مجنونه كريستيانو وربي افضل كلام شفته وارقى كلام وكلامك كله بلعقل من دخلت المنتدى بعد مباراه الاهلي اهنيك ي اخوووي في اسلوبك الراقي ومن كلامك اللي بلعقل مو بعض المبزره اللي في منتدى اهنييييييييييييييييييك على كلامكككككككككككككككككككككككككككككككككككككككككككككككككككككككككككككككككككككككككككككككككككك

مبزرة عشان اخلاف بالرأي ؟ ( صدقيني المبزرة الي ما يتقبل الرأي الاخر وما يسمع للرأي الاخر )
كل شخص وله رأيه الخاص فيه فا لا تقولي مبزرة لان المبزرة بجد الي ما يعرف انه اصابع ايدك مو مثل بعض

إقتباس الرسالة الأصلية كتبت بواسطة xXx MaGiC xXx مبزرة عشان اخلاف بالرأي ؟ ( صدقيني المبزرة الي ما يتقبل الرأي الاخر وما يسمع للرأي الاخر ) كل شخص وله رأيه الخاص فيه فا لا تقولي مبزرة لان المبزرة بجد الي ما يعرف انه اصابع ايدك مو مثل بعض

و انت من جدك ترد عليها ؟

شف الاسم و اغسل يدك :

إقتباس مجنونة كريستيانو

الله يعين ويوفقنا بالآسيوية