ارحمنا ياسامي
 

الحمدلله على كل حال
انا بس اتمنى من سامي انه يرحمنا ويمسك تدريب الهلال

لان مابقى الا مبراتين هذا الموسم واذا بقى هاسيك والله لا يضيعنا
ويحرمنا من دور الثمانيه باسيا لانه كل مباراه يثيت انه مايدري منين هي هابه
ودايم يفاجانا بافكر جديده يعني فيه مدرب بالعالم يلعب بثلاث مهاجمين من دون صانع العاب
وانشالله تحقق احلام جمهور الهلال بسماع اقاله الداهيه هاسك

وبالتوفيق للهلال واتمنى من الجمهور الوقوف مع الهلال بكل الاحوال

اتفق معاك يأخي ادارة الهلال مدري ايش تنتظر عشان يقيلون المدرب
ياناس والله سباك سباك

يااااااااااااااااااااااااريت يمسك التدريب الاسطورة سااااااااااااامي
يا ابن مسااااعد ارحمونا من هاسيك

اه اه اه

اتمنى هذا الشي وربي القهر واضح اليوم في عيون ابو عبد الله

اتمنى توكيل مهمه التدريب لسامي الجابر ...

يابعد الدنيا سامي الى الان بالملعب افتحوا الرياضية وشوفوا

سامي احلا من كل الاسامي :)

ياليييت ياليت يارب يمسك التدريب سامي
حتى لو ماقدر يسوي شي راضين بس يشيلون هذا الأصلع

أنا اقول نعطي الفرصة لسامي الموسم الجاي يدرب الهلال كذا نرتاح

من بعد ماأقالو دول كنت أبي سامي يكون بديل له الموسم كله ....

وأتمنى من اللآعبين يآخذون شوي من حماس وروح سامي

الهلال يبيله تغيير جذري


عيبنا ف المدرب وبعض اللاعبين امثال العربي المرشدي الزوري

ياصاحب السمو هذول يبيلهم شطب نهائي

لاحول ولاقوة الا بالله

اخوي ترى الهلال مو فريق حارتكم عشان يمسكه سامي !!

بعدين تقدر تقولي وش سجل سامي التدريبي؟

ع فكره سامي ترى يتدخل في عمل المدرب بدءً من كالديرون مرورا بدول وانتهاءً بهاسيك

ولدي الدليل وسافرد له موضوعا خاص باذن الله

اخوك مشجع الهلال فقط

دمت بخير