|
ياسر وياسر ! وياسر .. وبعدين !! السلام علبكم ورحمة الله وبركاته مساء / صباح الخير للجميع أغلب جمهورنا العزيز يطالب في هذه الأيام بعودت يآسر هل من أجل مستواه الفني !! أم فقط ليشاهدوه ويطبلوا له حتى لو كان سيئاً .!! لماذا ياجمهوره تطالبون بعودته واللاعب شبه انتهى من بعد رحيل الأمير محمد بن فيصل .. تقولون أنه أبدع مع العين .، أين يآسر مع المنتخب والموسم الماضي مع الهلال ؛ قد تقولون أن الإعلام السعودي يسبب الظعط وكذلك الجمهور وهو السبب في سوء مستواه في السعوديه : فلماذا تطالبون بعودته واللاعب لايستطيع اللعب في هذه الظعوطات .. ياسر بن سعيد القحطاني مستواه دائماً مع الهلال مؤشر أحمر » ومبوش أيضاً ؛ في السنوات الأخيره ،، بالمختصر اللاعب ارتاح في العين ومن تصريحاته ينوي البقاء معهم .. ليش كل هذه الضجه والهولمه على لاعب لايريد العوده .. وخصوصاً مستواه لايؤهل ان تطالبوا بعودته هل تعلم أن ياسر بن سعيد القحطاني لم يتعدا طول مواسمه في الدوري مع الهلال 10 أهداف .. والتي في موسم واحد العربي سجل 12 هدف من 14 مباراه ، وسجل أيضاً العربي في الدوري الأسيوي اربعة أهداف وفي كل فرق المجموعه ،، نعم العربي يضيع ،، لكنه أفضل من لاعب لايصنع الخطوره ويقلق المدافعين هل تعلم أن ياسر بن سعيد القحطاني من بعد أن قل مستواه بدأ يتخبط ويرد على كل من ينتقد مستواه .. واللاعب لم نراه يصرح بمثل هذه التصريحات أيام تألقه .. لأن إذا قدمت أداء مميز من ينصفك هو أداءك وليس لسانك يابو سعيد أتمنى إن رحل يوسف العربي أن يجلب الهلال مهاجم أفضل منه بكثيير » وخوفي أن الإداره تلبي أغلب مطالب الجمهور الهلالي بعودة ياسر ويكون اللاعب عاله على الفريق ويكتفي هلالنا بياسر اللاعب الخارق الذي لايقارن مستواه بأي لاعب عربيا لدا جماهيره !! ويكون ياسر من يقود هجومنا في الموسم المقبل وتصبح دفاعات خصومنا في فترت نقاهه أم هذا اللاعب الذي نفخه جمهوره وبعض الإعلاميين حتى يكاد أن ينفجر من كل هذا الثناء منهم .. كم أتمنى أن يكون ربع مايقوم به جمهور ياسر من كل هذا المدح في اللاعب والتطبيل له أن نراه في المستطيل الأخضر من اللاعب رحل النعيمه والثنيان والتيماوي والدعيع والتمياط وسامي والمصيبيح وأبو ثنين والغشيان وووووكم هائل من النجوم التي أردت الطقم الأزرق الذي حققوا معه بطولات عديده وعديده .. ولم يتأثر هلالنا ويتوقف عن البطولات ياسر بن سعيد القحطاني إبقى مع العين وأتمنى أن يرحل جمهورك معك ! . أتمنى أن تحترموا من تحدث وكتب هذا الكلام وهذا يعتبر رأي مشجع هلالي محب لهلاله وليس للاعبه !! تقبل تحياتي : مشعل الذيابي |
بيض الله وجهك وصدقت بكل حرف قلته بس من اللي يفهم ويتقن التشجيع الاحترافي قلتها من قبل واقولها دايما تحياتي واحترامي من شجع الشعار وليس الاسماء ابتلينا بناس اشك ان لها ميول شاذ نحو الرجال وذلك بسبب تغزلهم بالاعبين امرهم عجيب ترا يبي يقولون عنك مندس هاذا اذا ماخرجوك من المله طبعا اقصد جمهور الاسامي شكرا على ماكتبت وابدعت |
ياسر ماهو راجع للهلال وهو قال ممكن اكون اداري في العين الله يوفقه |
أشكرك على إبداء رائيك ، في ياااسر ،،،،،، يآآآسر لاعب كبير ومؤثر في الهلال مهاجم وصانع لعب وقائد‘ اتمنى عودته للهلآآآل :yes: |
باالتوفيق لياسر من وين ماراح الله يستررررعلية وباالتوفيق للزعيم في قادم الايام باذن الله يعطيكككككك العافية |
تسلم ايدك وقلتها ومازلت اقولها جماهير الهلال اغلبهم جماهير نجوم فجماهير النعيمه اعتزلو معه كذلك يوسف وسامي والتائب والحين ياسر لمجرد روحة للعين هجرو الملاعب والله الذي لا اله الا هو اني قريت ردود فيها لن احضر لحد مايرجع ياسر وفيها تعال يياسر شوف حال الهلال من بعدك وكانه فرحان بتراجع الهلال بل الاعظم اني قريت رد يقول في حال عدم رجوع ياسر والله لترك تشجيع الهلال بالله هذا يستاهل يكون هلالي انا قلت كلام شفته وانا لا اكره ياسر لكنها الحقيقه فمنهم من سافر للامارات عشانه ومنهم من يدفع في كوب الشاي 8ريال عشانه ومنهم من يدفع 500ريال للجلسه في المقهى حقه وانا اقول الله يبارك له ويوفقه لكن انا اطلب من هولاء انهم يروحون مع ياسر ويطلقون على انفسهم الياسريون وكذلك لعشاق رادوي وسامي ويوسف مع كامل احترامي لنجوميتهم لكن الهلال لايقف عليهم ولولاء الله ثم الهلال لما كان طلع صيتهم جماهير تدعي حب الهلال وتحضر لافتتاح مقهى ياسر اكثر من حضورها مباراه مهمه للهلال هذه السنه |
شوف بصراحه يااسر أفضل من العربي والكوري والحارثي لو ياسر يرجع للهلال راح يكون صانع لعب مع العربي الكوري طبعا بإذن الله مو معانا الموسم القادم والحارثي الدكه أنا كنت أتمنى رجوعه بس بعد تصريحه عطيته أأأأوف ولا أحد مننا بيترجاه يجي إذا بيجي حيااه العين أوسع له من المكان وإذا بيكمل مع العين فو الله الهلال مو موقف عليه وتحياتي |
يعطيكم العافيه جميعا أكرر مأقلته في الموضوع : ياسر كان في الأمس لاعب مميز :' لكن اليوم ياسر سيئ سيئ جداً : والله يوقفه مع العين |
مع نفسك انت ماتستحي تشوف هجوم فريقك بهالوظع وماتحاسب من فرط بياسر ؟ بعدين ماأزعجنا بياسر الاانت شكله ذابحك حتى وهو بالعين الحين الفريق وظعه متدهور والهجوم يرفع الظغط وانت تارك ذولي والاداره ورايح لياسر وللأسف الشديد انك تتكلم في اسطوره هلاليه ظحت بالملايين من اجل الهلال بالطريقه ذي لاكن شكلك توك صغير مالحقت على ايام انتقال ياسر للهلال واللي ظحى بالملايين بل بعشرات الملايين من اجل انه يرتدي شعار الهلال |
إقتباس:
محد يحب لاعب اكثر من الهلال وياسر ماحببناه الا لحبه وعشقه وتضحياته والكل يتذكر قصة انتقاله للهلال بتضن يوم من الايام الفريدي بيجيه مثل الحب لياسر مستحييل لأنه باختصار لاعب عنده الماده اهم من الهلال |
إقتباس:
لا حول ولا قوة الا بالله اجل ضحى بالملايين علشان شعار الهلال !!!!!! وكأنك تقول له الفضل والمنه اذا انه ضحى بالملايين فالهلال عطاها دبل هالملايين مأقول الا عيب عيب اللي تسوونه ياجمهور الاسماء |
هلالي لياسر هاوي من آسمك وأنا عارف انك ﻣن عشاق ياسر ،، واحترم حبك له لكن ياحبيبي الهلال فوق كل شي الهلال فوق التطبيل للاعب أداءه سيئ بإختصار الهلال فوق أي لاعب : لو تكرمت بعض كلامك يعني من المفترض أن تبتعد ونبتعد عنه ياسر القحطاني : إذا بقيت مع العين يوم مناتي وإذا رحلت الله يعيني ،، اللاعب يريد البقاء مع العين إذا أنت تحب يآسر ٲﻧآ أحب الهلال وانتقد أي لاعب أخذ الأجواء ويظن أنه فوق الإنتقاد |
إقتباس:
وفيه ناس تحب الاعب اكثر وان كنت صغير او معزول عن العالم احتك بهم واسال اما سالفة تضحية ياسر بالفلوس عشان الهلال الله اعلم بها لكن ان كان ضحى نقول له شكرا لكن انه يعود للهلال ومستواه لسه طايح فالهلال عندي اهم اتمنى نتكلم بالارقام لمصلحة الهلال اولا ثم لمصلحه ياسر ولايعميكم حبه لرفعه وهو لسه نازل هل عمره اخذ الهداف مع الهلال او القادسيه هل تسجيله في الامارات حوالي 14هدف في جميع البطولات رقم مرضي لنجم المفضل وهل هجوم الهلال من مرضيك بوجود ياسر تكلم بحب الهلال لابحب ياسر الهلال اصلا هجومه ضايع من بعد سامي والجمعان فقط الوسط هم اللي يسجل للهلال على طوال تاريخه والدليل الشلهوب اخذ الهداف وهو وسط انا اتمنى ياسر يرجع يسجل حتى لو يكون مستواه صفر فالاهم الاهداف لانها مهمه اما انه يرجع فقط لرغبة المحبين له فاتمنى مايرجع يكفي عشاق ولي ورطو فيه الاداره ووهذا هو عاله على الفريق |
إقتباس:
كلآمك مايعكس الا اخلآقك !! ياسر بيعود وغصبآ عنكم لآنه هو هيبه الهلآل واذا ياسر ماتبونه ليه قاطعتم المدرجات .؟؟؟؟ ليه الهلآل بدون ياسر ماله هيبه ليه عبدالرحمن بن ممساعد قال له / ياسر ارجع الجماهير اكلتنا :naughty: الي تقولون عنهم هدافين العربي كل اهدافه بمرمي القادسيه والفتح ونجران والفيصلي هل سجل الاتحاد و الاهلى الشباب و النصر !!؟؟؟ لآتطلعون غلكم وحقدكم على لآعب حفر اسمه من ذهب ياسر اذا ماسجل يصنع واذا اصنع يربك واذا لم يربك يجعل للفريق هيبه فلآ تكاابرو الهلآل محتاااااااااااج للقناص / |
ابسأل سؤال ؟؟؟ هل العربي والكوري والحارثي افضل من ياسر ؟؟؟؟ اذا الاجابه نعم فأقسم بالله انكم ماتعرفون كووره .... |
| الوقت المعتمد في المنتدى بتوقيت جرينتش +3.
الوقت الان » 11:19 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd