|
هذا هو هلالنا وخسارة لاتضيع جهد الادارة بسم الله الرحمن الرحيم السلام عليكم ورحمة الله وبركاته الحقيقة اني ما اعرف اصيغ المقدمات ولكن عندي ملخص لحال الزعيم اتمنى اتوفق في توصيل وجهة نظري ============================================ البداية راح اتكلم عن سالم الدوسري اللاعب المبدع الرائع والي قدم مع المدرب الالماني وسامي الجابر افضل واجمل اداء حيث كان يلعب خلال كاس ولي العهد وضد النصر الدوري مع دول في جهة الوسط الايسر وحوله هاشيك للوسط الايمن والكل مجمع على انخفاض مستواه بينما الواقع يقول ان اللاعب يلعب في غير مركزه ============================================ ويلهامسون افضل محترف في تاريخ الدوري السعودي كامل صار له معانا 4 سنوات ونعرفه زين مازين لاعب اسطوري ولكن في مركز واحد فقط وهو الجناح الايمن وفي اكثر من مباراة مع كالديرون ومع مدربنا الاصلع هاشيك يلعب في الجهة اليسار ولا يقدم حتى 5% من مستواه الحقيقي والمشكلة انه يصر انه يلعب في الجهة اليسار من جانا من قطر والمصيبة اذا حوله يمين يطلب منه يكون خلف المهاجمين صانع لعب وهو اسواء مركز ممكن يقدم فيه ويلهامسون ياليت احد يجيب لمدربنا اشرطة لمستوى ويلي الاعوام الماضية عشان يقتنع وينقله الجهة الثانية ============================================ حسن العتيبي اكثر لاعب هلالي اخاف من تقدمه وما ادري وش سبب خوفه في هدف الاهلي المباراة الاخيرة تقدم ورجع اكثر من مرة فلاهو الي ضيق على المهاجم ولاهو الي بقى في مرماه والله اعلم لو استمر في انطلاقته الاولى كان اخذها قبل المهاجم ولا ادري وش الي يجيه ويرتبك بهذي الطريقة الهدف انا شفته من الملعب وكان تردد حسن واضح جدا وكان قدامي مباشرة عكس التلفزيون الي مابين حركة حسن الضعيفة ============================================ فرحة صفقات الزعيم المدوية خلال هذا الاسبوع خربها مدربنا هاشيك بطريقة غريبة جدا فانا كل ما اتمناه انه يلعب البيشي والي كان مكانه ثغرة حتى طالب الابتدائيه يشوفها ويلعب سالم وويلي كل واحد مكانه وباذن الله ناكلهم في الاياب بس ياخوفي منك ياهاشيك ============================================ لاعبنا الخطير يوسف العربي والكوري لي بيونق سو افضل لاعبين في الدوري السعودي بالكورات العالية العرضية واتحدى لو لاعب في اي نادي سعودي بمثل امكانياتهم في الكورات العرضية العالية ومع ذلك اضهرتنا ولا رفعة زي الناس طول المباراة الاخيره وغيرها من المباريات نلعب على الكورات الارضية السريعة الي ماتنفع من مهاجمينا الاعزاء وتنفع مع طيب الذكر ياسر القحطاني واللاعبين بمثل امكانياته اما لاعبين الحاليين فهم لاعبي كورات هوائية فقط اقدامهم مرة تصيب وعشرين تخطي والي قتل الهلال حاليا ويلي في اليسار يكون مثل الصفر على اليسار وسالم كذلك لمن يكون في اليمين والمصيبة مدربنا العزيز يخلي لاعب مثل سلطان البيشي اوفراته تفتح النفس احتياط وهو اللاعب الي يفتقده الهلال من زمان ظهير اوفراته حلوة مع هدافين عالميين بالراس نكون احنا الافضل بكل تاكيد ان شاء الله ============================================ قرات الكلام الكبير المكتوب في الادارة وانها ماسوت شي للفريق عشان توقف المهازل والمستوى السيء ماكانها في يومين متعاقدين مع ظهير وقلب دفاع لسد اهم ثغرات فريقنا الغالي والادارة وش في يدها ينزل الامير عبد الرحمن يلعب قلب دفاع ولا راس حربة ============================================ الاستاذ حسن الناقور اطلق تحدي كبير في مباراة الاياب وراهن على حسابه في تويتر بانه راح يكون الحسم في جدة وانا اقول له بيض الله وجهك زرعت في نفوسنا ثقة وكلنا ثقة فيك يافخر الهلال ============================================ اتمنى ما اكون طولت عليكم وان اكون قد وفقت ولكم التوفيق اخوكم حمد |
والله ابو علي مهما تكلمنا عنه مانعرف كيف نوفيه حقه كهلاليين ..!! وبأذن الله في جده الحسسم مو صعبه على الزعيم ياكلهم بـ 3 او 2 وربي ..! :yes::rose: واتمنى من سالم الدوسري يراجع حساباته فـ سآلم بعد التوقيع ليس سالم .. :d:smilie47: |
والله ابو علي مهما تكلمنا عنه مانعرف كيف نوفيه حقه كهلاليين ..!! وبأذن الله في جده الحسسم مو صعبه على الزعيم ياكلهم بـ 3 او 2 وربي ..! :yes::rose: واتمنى من سالم الدوسري يراجع حساباته فـ سآلم بعد التوقيع ليس سالم .. :d:smilie47: </CENTER> |
كنت ماشيه معاك اوك بس بوقت ما جبت سيره العربي والكوري ما كملت الموضوع العربي والكوري اسوأ اثنين شفتهم بالهلال والله الحارثي افضل منهم بمليون مره واللي جابهم للهلال والله ما يفهم ولا يعرف للكوره شي احلى شي العربي لمن يشوت الكوره كانه بيدرب الحارس وشايف نفسه واناني ومايتحرك ما ادري ليه متمسكين فيه للحين حابين تشوفو الهلال بافضل وضعيه له حابين تشوفو انتصارات الهلال خلي العربي الكوري هرماش يرحلوووووووووووووووووووووووووو وبتشوفو الهلال كيف انا زعلانه ع حال الشلهوب مسكين ما ادري وش الي صاير له ؟؟؟؟؟؟؟؟؟؟؟؟ ما صار يعرف يمسك كوره العتيبي لو اجيب مسمار وادقه فيك عشان لا تخرج بره المرمى ماشا ءالله تصد كرات الدعيع ما يصدها خخخخخخخخخخ بس عيبك انك بتخرج بره كثير ما ادري ايش السر في خروجك واللي بيودينا بداهيه سالم الدوسري بصراحه لاعب مبدع يتحرك يقاتل يحارب يشوت الله يحميه اتمنى العابد يكون جاهز وجوده يعطيني دافع معنوي مع الفريدي الغنام الله يخليك لا تدلع علينا احنا محتاجينك خلاص قولهم انك كويس ويلا انزل الملعب البيشي فهم الطباخ انك احسن من عبدالله الدوسري سامي ترا عندك مهاجم سعودي لا تجحده الحارثي موجود حاول تمشي سوقه قدام الطباخ بدل العربي او الكوري بصراحه الوضع مخيف والغيابات مشكله فاكرين لمن الاعلام قاعد يطلع موضوع ياسر والعين ما عرفتو ليه ؟؟؟؟؟؟؟؟؟؟؟؟؟؟؟؟؟؟ شفتو الاعلام وصل للي يبغوووووووووووووه طلعو موضوع ياسر والعين وانه ما يبي يرجع عشان الكل يلتفت لياسر وغيره وينسو اهم مباراه الله يسامحكم بس حبايبي تكفون لا تهتمو لاي شي ينقال ركزو بانه وراكم مبارايات وراكم فوز وفرحه للناس الي منتظره الي هي احنا طبعا لا تفشلوني تعبت وانا اعلم فيكم وادربكم لمتى !!!!!!!!!!!!!!!!! ما اقول الا اللهم وفق الهلال فوق كل ارض وتحت كل سماء |
إقتباس:
حسيته زاد فيني ضلع لبى روحه اما بالنسبة لسالم والتوقيع ارجعوا للمباريات في كاس ولي العهد كان يلعب في الجهة اليسرى وقدم اروع المستويات اما الجهة اليمنى فمستواه ليس كما نريده فلييييييه يلعبه يمين ينقله يسار وخلاص ماله داعي التفلسف من مدربنا العزيز |
كلامك فيه شي من المنطقيه المدرب فاشل سالم الدوسري تراجع مستواه بعد توقيع العقد وليهامسون يلعب مرات ايسر ومرات ايمن مع جريتس ولكن ولهامسون مو مرتاح مع المدرب بختصار المدرب يحتاج الى مدرب |
إقتباس:
انا معاك ومتاكد من سوء لاعبينا الاعزاء يوسف ويو ولكن ميزتهم الكورات الراسية والراسيه فقط اللاعبين ارجلهم معطوبه والراس عندهم ممتاز ليه مايلعبون على نقاط قوتهم هم رؤوس الحربة الحاليين في الفريق ياناس خلو الفريق يلعب كورات عرضية واستمتعوا هل فيه لاعب سعودي او اجنبي في دورينا بطول لاعبين وارتقائهم انا احس لو تجيب دفاع المملكة كامل وترفع كورة صح والاثنين في المنطقة 99% الكورة هدف بس ارفع كورة صح |
هم لا قادرين يمسكو كوره ولا قادرين يتحركووووو تكلم بالمنطق العربي بتوصل الكوره عند رجله باقي بس الحارس يخرج ويقول تفضل طال عمرك وهم بعد يخرجها بره انا جالسه اشوف كل هجماته واعدها عشان ما ابغى اكون ظالمته والكوري استغفر الله ما ابغى ربي يبتليني اللي اختاره يلعب تأكد انه هو لاعب ولا سواق ؟؟؟؟؟؟؟؟؟؟؟؟؟؟؟ الله يستر علينا بس |
إقتباس:
وانا قلتها اللاعبين لاعبين كورات راسية لو تشوفين ماجتهم ولا كورة على الراس خلال المباراة اللاعبين اقدامهم معطوبه مايعرفون يوشوتون اهدافهم العام الماضي 90% منها كورات راسية ماتعودوا على لعبك هنا كلها باص تحت يبون كور فوق |
فريق بدون جمهور في عقر داره فريق من الدرجه المتوسطه ولن يذهب بعيدا |
إقتباس:
من سنين وانا احضر للملعب جميع مباريات الرياض لمن كانت الرابطة عندنا في الواجهة كان فيه حركة في المدرج بس بعد نقل الرابطة صرنا نعاني كثير صياح لين ندوخ ماعندك احد والمشكلة الروابط الاخرى مايكات قوية جدا ونسمعها وحنا في الواجهة اما رابطتنا العزيزة اسواء انواع المايكات والله يجزا حمادة كل خير اعتقد لولا انه يحركنا بعض اللحظات ما اتوقع تسمعون نفس بالمدرج |
| الوقت المعتمد في المنتدى بتوقيت جرينتش +3.
الوقت الان » 09:05 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd