|
حسن الناقور الآن يعلن التحدي:::: نحن لها يازعماء:::: السلام عليكم ورحمة الله وبركاته إنتهى الشوط الأول بخيره وشره ولو أن الشر فيه أكثر من الخير صفحة وانتهت ولازم نطويها باقي لنا شوط ثاني والتأهل باذن الله الواحد الأحد من نصيبنا لأن الزعيم مستواه متذبذب... مرة فوق ومرة تحت ماندري وش تخبئ لنا الأيام. قد تكون مباراة جدة هي مباراة الزعيم ________________ حسن الناقور في حسابة على تويتر أعلن التحدي وثقته بالفوز هذا نص تغريداته: ايمانا مني بعدم الاستسلام والهلال فريق يعشق التحدي وطموحه كبير فاني اقول ان اللاعبين سيعودون من جده بحماسهم وقوتهم. ولانني اعلم ان الجمهور سر الانتصارات. 1000 تذكره مجانيه اهداء مني لكم. لنكون جميعا على الموعد. وارفع رايه التحدي واقول ان لم ننتصر ونتاهل من جده سالغي حسابي على التويتر. الرجل أقرب للبيت الهلالي مننا كمشجعين وما قال هذا الكلام إلا لأنه شاف ردة فعل من اللاعبين وإحساسهم بالمسؤولية. هذا نص تغريدته بعد المباراة: جمهورنا الغالي اجتمع الاعبون الان في غرفه الملابس اجتماع رائع مؤكدين العزيمه والاصرار. على العوده من جده. لن أكتب في المنتدى ولن ادخل إلا بعد مباراة يوم الجمعة الوضع هنا مزري وانواع الإنتقاد الجارح والمسيء خفو شوي على اللاعبين تقبلوا ودي :rose: |
ان شااااااااء الله انهم قد التحدي...... هذا اللي نبيهـ روووووح وعزيمهـ وتقدير للشعاااااار... العبوا وأدوا اللي عليكمـ والتووفيق من الله.... بس لعب بدون رووح ولامبالاة هذا اللي مانرضاااااااه.... مشكووووور ياصاااحب الموضوووع..... |
وحنا ما نتمنى الا كل خير للزعيم لكن عمر الهلال ما لعب بهالمستويات السيئه الا يوم تعاقدنا مع دول وهاسيك الله يوفق الزعيم ان شاءالله ونشوفه فايز بالاربع مباريات المتبقيه وعسى مباراة امس تكون خير لتقديم مستويات ونتائج افضل يعطيك العافيه |
الاستاذ القدير حسن الناقور لك منا كل الاحترام والتقدير لكن اذا كان هذا الهلال فهم لان يفعلوا اي شي لان كل شخص يهمه ان يظهر على حساب غير استعراض ضياع الفرص امام المرمى مدرب متخبط لايعرف كيف يتعامل مع المباريات |
الله لو صحتي تسمح أني أحضر مباراه والله غير كل مالباريات أحضرها لاكن أنا متفائل جدا الهلال قدها وباذن الله الهلال راح يظهر لاكن إذا كل لاعب راجع أخطائه نفوز نبي ملعب جده فل والله حرااام |
والله والنعم بأبو علي روح الزعيم ورجل المهمات وكل ما قاله يدل على الحكمة وبعد النظر وثقته ومعرفته بالهلال ونجومه ولازم نتفاءل مثله بالقادم من المباريات لأنه كثرة الصياح والتباكي والقاء اللوم على اللاعب الفلاني صدقوني لا توكل عيش بهذا الوقت انما الصبر والهدوء والاتكال على الله وإن شاء الله اللاعبين يكونون بيومهم في جدة ويكرموننا بالتأهل للنهائي . |
’’’’’’ باااذن الله الهلال سيحقق فووز ومستووى رااائع في جدة بااذن الله نبغى تظهرر رووح اللاعبين نبغى لعب جماااعي مسااندةة من الكل وبااذن الله سننجح مشكووور ويعطيك الله الف عافيةة ع الموضوع |
اقدر حماسك الشديد يابو علي ,,, لكن الامور تقاس بالجدية واللعب الصح داخل الملعب وكل هذا لم نره في لاعبي الهلال , والدعوه ليست اتحدى ما اتحدى الدعوة اللي يخدم الكورة راح تخدمه ومع الاسف لاعبينا ليسوا جادين في الفوز |
صدق !!! يقدر ( يلغي )حسابه ويرجعه بعد 5 دقائق !! هذه تصبيرة لكم يالجمهور عن اخطاء امس !! |
كفو يا فخر الهلال بالتوفيق لك وللزعيم باذن الله تعالى يعطيك العافيه |
اقدر حماسك الشديد يابو علي ,,, لكن الامور تقاس بالجدية واللعب الصح داخل الملعب وكل هذا لم نره في لاعبي الهلال بس نقول ان شاء الله تنعكس الامور للافضل يارب ياكريم يرجع الهلال من جده متاهل ان شاء الله |
شكراَ على الموضوع وان شالله يجبونها الرجال من جده ةيتاهلوووون باذن الله. صحيح ان مستوى الزعيم نازل امس ... ولا تنسون فيه نقص في الفريق وتحديداَ في منطقة الدفاع البيشي والفرج والغنام لهم تاثير في الغياب ... اقول لجمهور الرياض انتم جمهور تخذلون الهلال... |
. اجل استعد لـ اغلاق حسابك من الحين ! و استعد لـ لقطة ختام من بتال عن هالموضوع ما كان له داعي تجيب الكلام لنفسك يا ابو علي مافي اي شي يخلي المشجع الهلالي يتفائل - رئيس استثماري لا يملك فكر كروي - اجانب فاشلين بكل ما تعنيه الكلمه من معنى - مدرب افدغ - عاهات ( المرشدي - الزوري - نامي - الشلهوب - العتيبي .. ) - مجامله كبيره لبعض المحليين و اولهم ( الشايب صديق الريس ) - اشراك الاعبين في غير مراكزهم و تحطيمهم بشكل مبكر ( نامي - عبدالله الدوسري .. ) و اخيرا - جمهور ما راح يطب الملعب و انا اولهم |
يابو علي على ايش تتحدى ؟ على الروح الوثابة والا على الحمااس الجنوني والا على الانضباط التكتيكي والا على العمل الفني والا على العك الكروي والا على الفوضى الفنية على ايش بالضبط ان تاهل الهلال بهذا الفريق وهذا المدرب فانا لا اعرف من الكرة الا اسمها والوعد يوم الجمعه |
سوف اسير في ركب المتفائلين والمتحدين والمحفزين واول الحاضرين لملعب جده ليس لقناعه مني في مقدرة الفريق على التأهل ولكن لكي لا احسب من ضمن المكابرين واعني الاداره ولا من ضمن الفاشلين واعني المدرب ولا من ضمن المتخاذلين واعني اللاعبين 0 |
| الوقت المعتمد في المنتدى بتوقيت جرينتش +3.
الوقت الان » 11:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd