|
عدم اقالة هاسيك هو القرار السليم ولنا في ( العجلاني وليكنز والحسيني ) عبرة السلام عليكم ورحمة الله وبركاته تحية طيبة للزعماء وهاردلك الهزيمة اللي كنا نستحقها بجدارهـ للاسف بخصوص اللي يطلبون اقالة هاسيك هل بوجهة نظركم هذا هو الحل ؟ وهل في السنوات السابقة فادت الفريق اقالة مدرب في مراحل الحسم ؟ مبارة امس اتفق مع الجميع انه المدرب ما قراها صح والفريق كان دون المستوى , ولكن هذا شيء متوقع لفريق اخر اسبوعين لعب 4 مباريات كلها قوية ( الاتحاد مرتين - بيروزي في طهران - الاهلي ) واللي بقي هو الاهم واذا ربي ما كتب لنا التوفيق في بطولة كاس الملك , عندنا الاسيوية ماشيين فيها بشكل سليم وان شاء الله يحالفنا فيها التوفيق. جماهير الزعيم خلوكم مع الفريق وساندوه هالفترة الفريق محتاج وقفتكم بالدعم مو بالاحباط والنقد في فترة رئاسة الامير عبدالله بن مساعد , مافي هلالي ما قد طالب وقتها باقاله المدرب ( اديموس) وانواع النقد و التحطيم وجهناها للامير عبدالله وهو الوحيد اللي كان يفضل بقاء المدرب الى اخر الموسم لكن بعد ضغط الجماهير عليه اقال اديموس وجانا العجلاني وما يحتاج اذكركم وش صار بالفريق وقتها . والسبب ان العجلاني مسك الفريق في مرحلة الحسم فلا عدينا اسيا ولا مشينا في المربع الذهبي , وفي اسبوع واحد خرج الفريق من البطولتين . و بنفس فترة رئاسة الامير عبد الرحمن بعد طرد كوزمين مافي ولا مدرب قدر يقود الفريق في مراحل الحسم لا ( ليكنز ) ولا ( الحسيني ) وضيعنا 3 بطولات الدوري وكاس الملك والاسيوية . ياجماعة مرحلة الحسم ما تطلب تغيير مدربين هذي مرحلة يحتاج فيها الفريق الى التركيز والدعم لانه الامور المعنوية والنفسية هي اللي راح تتفوق . وفي نهاية الموسم لكل حادث حديث وانتقدو مثل ما تبوون , بس في المباريات الجاية خلونا مع الفريق بدعمنا لهم وان شاء الله ربي يكتب لنا اللي فيه الخير . |
حطني معك مؤيد + ١ ماودي يشيلونه ويعطى الفرصه الي نهاية الموسم مع اني ماني مرتاح منه |
وش قرار سليم معه جعلك بالجنه مدرب يشوف خانه الدوسري صارت شوارع وهو يتفرج زي الاهبل وعندة بالدكه البيشي.,, سألتك بالله هذا مدرب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اقسم بالله جدتي حسناء الله يرحمها انها تسوي خطه وتفهم احسن منه يارجال تعبنا تعبنا تعبنا وكفايه نطبل للاشكال ذي... ادري متحمس ههه بس الشكوى لله من حر مافيني |
اتفق معك اخوى صاحب الموضوع بقاء المدرب من مصلحة الفريق التغيير قد يضر بالفريق اكثر من ما يفيده ومشكلة الهلال ليست تدريبيه مشكلة الهلال عدم وجود نجوم تشيل الفريق جميع اللاعبين بالفريق امكانياتهم محددوه اذا لاعبو امام فريق اقل منهم امكانيات تفوقو والعكس صحيح والبيشى ظهير اقل من عادى و لو كان موجود ما راح يغير شى ويمكن يحصل على كرتين كالعاده وربى يوفقنا بالمباره الجايه ونتأهل الفرصه ما راحت اللاعبين يشدون حيلهم بس |
المنتدى يغلي ... والملعب فاضي مؤيد بقوة لموضوعك ..... وياليت الناس تفهم مثلك وبعدين والله اللاعبين تحطموا من (غرور و تعالي) الجمهور في الرياض (قهرر والله الحضور بعد المستوى العالي) ... لعبوا مباراة وبدعوا فيها قدام بيروزي وبدل مايجي الجمهور لتحيتهم ... أعرضوا عنهم ولم يقفوا مع صحوة الفريق وحاجته لهم. ومع ذلك مازالوا يطالبون في المنتدى بأشياء عجيبة غريبة. المدرب اللي يبونه يطلع هو نفس المدرب اللي فاز على بيروزي. أوكيه من زمان وانتم تطالبون ... لكن الحين فات الفوت ... الإدارة حطت الثقة فيه ولا مجال للتغيير حاليا ... يعني لو تطالبون من اليوم إلى بكرة ... القرار ماراح يتم وإن تم مو من مصلحة الفريق عموما ... عشمنا كبير في جمهور الهلال في المنطقة الغربية ماراح يقصرون بحول الله وقوته والله والله متفائل بمباراة الإياب والهلال يجيبه يعني يجيبه لو كان تحت الحراسة |
الان ما يفرق معنا. يبقى هاسيك او يرحل لان خلالالالا عبثوا بالكيان و اهانوا الكيان خلالالاص الموسم هذا انتهاء يكفي كاس ولي العهد هذا الموسم اما عن كاس اسيا اذا الاهلي و على ارضنا ما فزنا تبي تفوز على الفرق اليابانيه و الكوريه شي يضحك من جد |
+1 +1 +1 +1 +1 +1 +1 ........................................................................................... |
الفاس وقع بالراس المدرب هاشيك لايشعرك بالجديه و معرفه كل مفاتيح اللعب المدرب هاشك لا يضع حلول للمشاكل داخل الملعب بتبديل الخانات والمسانده و الزج باللاعب في الخانه التي تخلق الفارق .. ولكن الخطاء سوف يتضاعف بإقالته في هذا الوقت .. اجد ان استمرار هاشيك هو الخيار الافضل حاليا .. |
آتفق معك إقالته في هذا الوقت لا يغير شيء : ) |
مراحل الحسم وش كسبنا منها المركز الثاني اوطار المؤهل مباشره لكأس اسيا الموسم القادم وكأس الملك او من شبه المستحيل تتأهل وانت بهاذا المستوى او باقي اسيا تبينا نضيعها لا والف لا شف اقاله دول جابت لنا كأس ولي العهد |
الله يكتب فيه الخير للزعيم بالتوفيق للزعيم في قادم الايام يعطيك العافية |
ماعليش ششفنا الهلال مع سامي وبونا في ولي العهد كيف الاداء وشفنا الهلال مع الجزار هاسيك وشفنا كيف الاداء فرق شاسع المدرب مايعرف يقرأ المباراة ولا يعرف يوظف اللاعبين اقالته وعودة سامي مطلب ضروري |
من حسن المصادفة إني منزل موضوع عن نفس فكرتك .. صحيح كلامك أخوي من الخطأ إقالة المدرب السبب في الخسائر هم اللاعبين أنفسهم .. ارجع للمباراة وشوف كم هجمة ضاعت أمام الباب وكم خطأ دفاعي وكيف هو تصرف الحارس مع الهدف ..؟ ستجد بأن المدرب ليس له ذنب ولكن سوء آداء اللاعبين هو السبب . اتمنى من اللاعبين التقيد بالتكتيك والإنضباطية و الروح و الرجولية في الآداء . شكرا لك . |
اذا البيشي جاهز فا مدربنا كمخة للأسف الشديد لكن غيابات مؤثرة خاصة في الوسط .. بس ويلي الموجود كبديل وبعد مو جاهز المهم هو أنه بقي شوط اخر والفارق هف وحيد مع رجوع المصابين راح يتعدل الوضع بمشيئة الله |
هل تري انت ان هاشيك مقنـع ( حتي تأيد استمراره ) يـ أخي تخبطاتـه تنم عن جهل تام ( لمرحله مدرب ) و تعكس لنـا مدي عدم قدرته علي قياده الدفه الزرقاء ..!! يعني اذا خرجنـا من جميع البطولات نبداء نحاسبـه ووشو تبي تحاسبه فيـه ليش وليش وليش ( ومع السلامه ) يا أخي مو حل لمـا اقيل دول بعد تخبطاته ( استلم الفريق ) سامي الجابر وانظر ماذا حدث بكأس ولي العهـد ..!! يـ أستاذي الفاضل مسأله بقائه ( نكبه ع الزعيم ) وستتذكر هذا الحديث عندما نخرج من جميع البطولاته ووقتها لن يفيـد الصوت ..!! أحترامي ..!! |
| الوقت المعتمد في المنتدى بتوقيت جرينتش +3.
الوقت الان » 10:24 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd