|
الداهية هاسيك بسم الله الرحمن الرحيم السلام عليكم ورحمة الله وبركاته هاردلك لكل الجماهير الهلاليه لكن نقول انتهى شوط وتبقى شوط ولكني اكتشفت أن هاسيك داهيه نعم داهيه والا كيف استطاع اقناع الادارة باستمراره لهذا الوقت بالرغم من أنه دمر الفريق هل يعقل الادارة ماتشوف الوضع الفني السيئ جدا للفريق والى أي مرحلة وصل هل يعقل أن الأهلي باستاد الملك فهد متقدم على الهلال ومع هذا يضغط على دفاع الهلال بخمسة لاعبين! ويـــن هــيبة الـــــهلال وهذه المباراة أثبتت أن هاسيك حرام يطلق عليه لقب مدرب والدليل أنه ظل متفرجا على الجيزاوي وهو يصول ويجول مع الحربي ولم يحرك ساكنا وترك عبدالله الدوسري وحيدا خاصة أنه يملك عدة خيارات أول الخيارات سلطان البيشي اللي يتميز عن عبدالله الدوسري بالسرعة واللعب بالقدم اليمنى بعكس عبدالله الدوسري اللي يلعب بقدمه الشمال وهذا يصعب الامور عليه وثـاني الخيارات إنزال ويلي على حساب الشلهوب اللي ماكان بيومه ونقل سالم الدوسري مكان الشلهوب كلاعب وسط والاكتفاء بلاعب طرف واحد وللتذكير سالم الدوسري بدأ بالفريق الاول بهذا المركز وشارك مع المنتخب امام استراليا بنفس المركز وقدم مباراة كبيرة ولو شاهدنا ويلي بالجهة اليمنى لماشاهدنا الحربي يهاجم مع الجيزاوي بل سنشاهد الجيزاوي يقوم بمساعدة الحربي اللي ماراح يسمح له مدرب الأهلي بالتقدم وهذا الهاسيك ارتكب خطأ أكبر عندما طلب من هرماش بالشوط الثاني اللي كان مع القرني يتناوبون على مراقبة كماتشو والجاسم للحد من تحركاتهم وأوعز له بمساندة الدوسري بالجهة اليمنى وكان هذا على حساب منطقة الوسط اللي ترك فيها القرني بالمحور لوحده وهذا ماحرر تيسير الجاسم وكماتشو وجعلهم يلعبون بكل أريحية يعني يعالج الخطأ بخطأ هل هذا مدرب؟ واذا لم يقال المدرب بعد هذه المباراة فهذا يدل على أن الأدارة تكابر ولاتريد أن يقال لها انها متخبطه وغيرت عدة مدربين بموسم واحد والمتضرر الوحيد راح يكون الفريق وأحب أذكر أدارة الهلال أن النجاح والفشل يقاس بعدد البطولات اللي حققها الفريق حتى لو أستبدلت عشرة مدربين بموسم واحد المهم البطولة وادارة الهلال اذا ارادت تصحيح الوضع بمباراة الرد بجدة عليها ان تبعد هاسيك وللمعلومية كثير من المدربين يحمل سجل تدريبي جيد يكون للمساعدين دور فيه واتوقع ان النجاحات اللي حققها مع فرق أخرى كان لمساعديه الدور الاكبر نقطة أخيرة هذه المباراة ذكرتني بنهائي الهلال والشباب دوري كأس خادم الحرمين الشريفين واللي انتهى للشباب 3\0 والجيزاوي قام بنفس الدور اللي قام به زيد المولد ومن نفس الجهة اليمنى لفريق الهلال؟ من سنوات والهلال يعاني من هذه الجهة وكانت نقطة ضعف بعد ماكانت أحد أهم مفاتيح الفوز للهلال أيام أحمد الدوخي |
اقالوا دول والفريق متصدر وأبقوا هاسيك والفريق مدحدر عجبي! |
فعلآ دااهيهـ...اكيد الشرط الجزااائي مجنووون .... ابو جود كتبت وأبدعت.... هااااااسيكـ مفلس واللاعبين بلا هويهـ ولا روووح ... |
إقتباس:
ومن اهم اسباب تدني مستوى الفريق وعدم ظهوره بالصورة المطلوبة سببها الاعداد السيئ مع دول من وجهة نظري تحياتي لك |
إقتباس:
لأنه مستحيل تكون الادارة مقتنعه بعمله الف شكر لك اخوي بن جبله على مرورك العطر |
اخي العزيز خالد بن فهد هاسيك ينفع في كل شيء إلا انه يكون مدرباً للزعيم لامخ ولادبره ولا حلول ولا حتى علم مغير يدربي هالدمجه ورى سامي كنه بنقالي بس امووووووووووت واعرف ليه الى الان عبدالرحمن بن مساعد على مايعرفه عن سامي من تخبطاته المؤلمه للزعيم للحين ماقلعه؟ لاتقولي للاستقرار لاننا لانراه الان ؟ لاتقولي ابن النادي ؟ لان فيه مثل يقول يجيك ضدك من بدك؟لاتقول فكر؟ لانه احقد الناس والدليل تسهيل الامور ليذهب ياسر للامارات حتى لايستحوذ على الجمهور الهلالي وينسيهم سامي؟ لاتقولي لدرك المفاسد ؟ لان المفاسد ماتيجي الا من هالعينات الذين ابتلي بهم الهلال؟؟ وكلامي صحييييح ومؤلم لكنه نااااااجع لمداواة تخبطات اشباه الرجال بالزعيم. |
إقتباس:
بس يبقى دول آرحم من نكبة آلآيآم هآسيك |
إقتباس:
واذا كان له نجاح سابق فهو بسبب مساعديه اللي شفنا واحد منهم مدرب الاهلي وكيف قاد الاهلي لتقديم المستويات الرائعة وبالنسبة لكلامك عن سامي وجهة نظرك واحترمك واحترم رآيك لكن ماتوقع سامي للدرجة ذي يتصرف وكأنه عدو للهلال لأنه ببساطة لو نجح الهلال يدل على نجاحه هو كواحد من ضمن المسؤوليين عن الفريق بالنهاية مانملك الانقول الله يجيب اللي فيه خير تحياتي لك ومشكور على المرور |
جبتها ع الجرح يا صديقي .. لكن وين اللي يفهم .. مشكلة الإدارة .. وسامي أنهم يحسبون .. أن الجمهور مغفل لا يفهم كرة القدم .. |
خالد بن فهد بصراحه عندك خطط ودراسه جداً ممتازه لازم نطالب باقاله هاشيك ونحطك بداله لنستفيد من خبرتك |
موضوع قمه في الروعه وتحليل وقراءه جيده للمباره موضوع تشكر عليه اما هاسيك لاتعليق |
والله كلآآآم سليم أمس تأخر نزول ويلي قد يكون بسبب آثآر الاصابهـ وأن شاء الزعيم يعوضها في جددهـ برجوع ويلي(كامل جاهزيته)البيشي والفرج والعابد |
توماس اصرف من هاسيك والله لو قعدنا عليه اصرف |
إقتباس:
ونـــحطك مانت سهل طلعت وبعدين انا لاقلت عندي خطط ولاأقدر احط خطط ياليت تفهم وتقرأ الموضوع قبل ماترد وبعدين كم موضوع عن هاسيك ترد فيه وتقول لازم نحطك مكان هاسيك وهذا يدل على انك شخص لاتستطيع الرد او نقد الموضوع اذا كان فيه خطأ من صاحب الموضوع بحق المدرب اذكر هالشي بدال حركات الاطفال والمندسين واللي يدافعون ويطالبون ببقاء هاسيك فئتين فئة واللي يحترم برآيها وتقدم المبررات ويحترم رآيها والفئة الثانية اللي انت منها تدافع بدون مايذكر ليش يبغا المدرب ويوضح وجهة نظره وهذه الفئة بالغالب مندسه للتذكير سامي قال من علامات المندس عدد مشاركاته |
لي عوده باذن الله تليق بقلمك الفني ,,,,,,,,,,,,احييك |
| الوقت المعتمد في المنتدى بتوقيت جرينتش +3.
الوقت الان » 11:04 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd