اكلنا ونكرنا .. ما اعتقد عشان مباراه ننسى اللي سواه كل هالموسم
هو اللاعب الوحيد يمكن هالموسم اللي يلعب للتيشيرت وفيه روح اللاعب المحب للهلال
لاننكر كل اللي سواه عشان مباراه فيها غيره في الملعب لم يقدوا شي ايضا

اصلا كل الوسط ضايع من الشلهوب الى سالم يعني الشلهوب يا اخي احفظ تاريخك واعتزل وله قدم مستوى يشفعلك اما شغلت مرر وتنقطع وترتد على المرمى هذا كلام غير مقبول وياما شفناها من الشلهوب بس كنا نسكت ونقول الموهوب مارح يكررها بس انا اشوفه انه يكررها بكل مباراة امس قدام الاهلي وكل مباراة اشوفها فيه انه لم تنقطع منه الكورة ويروح ويجري مع الي يقطعها منه مايسوي شي غير انه يركض معاه ويناظر فيه ام يلتحم فانسى احسه خايف على رجوله وله ايش بضبط ما ادري وعن سالم من بعد ماطق الخمس ملايين اللهم لاحسد الرجل ضاعة علومة مو عارف غير يحط راسه بالارض ويدق سبرنت وتنقطع منه

هههههه الغريب تركت كل الفريق ورحت للشلهوب
المواضيع اللي تنتقد لاعب واحد في مباراتنا مع الاهلي احسها مواضيع بسبب شحن سابق على اللاعب
وجاي اللاعب يستغل الضعف الحاصل بالفريق ويرميه على لاعب براسه
الافريق امس كله كان سيء بالنسبه لي ماشفت واحد اقول انه عمل حاجه بالمباراة

الشلهوب اليوم كان تعبان واضح الغلط من المدرب الي لعبه تجي ماش مليون علشان مبارة يعني الفريق كان كله حيويه ونشاط وطقطقه والشلهوب هو الي حايسهم الفريق اليوم كله متهالك من الحارس للهجوم اي واحد ينتقد الشلهوب مايفهم الكورة وقليل خاتمه اذا شفت الفريق يلعب كم مبارة زاين والشلهوب كان عاله على الفريق يحقلك تنتقده غير كذا اقولك معصي انت والاطفال الي معك امس طايحين بالكوره واليوم ينتقدون الشلهوب روح الفريق الله يخليك لنا يا ابو بندر ولايحرمنا منك

من يطالب بوجود الشلهوب في هذا الوقت لا يريد الخير للهلال
لاعب غير مفيد لاهجوميا ولا دفاعيا واتمنى من ابو بندر ان يحفظ تاريخه ويعلن الاعتزال

كلامك سليم 100% لكن ما يرضي المطبلين لان الشلهوب خط احمر وكانه مارادونا زمانه ،،، والله عيب على كل شخص يطبل للشلهوب على حساب النادي ما انتقدناه في شخصه حنا نتكلم على مستواه ولعبه ياخي قولوا الحقيقة وبلاش تطبيبل ومجاملات والله يعينك يا كاتب الموضوع على الردود السامجة

كل الفريق بلا هويهـ وبلا رووووح ....

الله المستعاااان بسسسسس.....

نعم اخي معك في ماقلت قلبا وقالبا,,,, يبي لنا صانع لعب من الطراز النادر
حتى لو لاعب اجنبي,,, الهلال ينهي بعض المباريات بدون وجود فرصة حقيقية,,,, والله قهر.

اتفق مع صاحب الموضوع في ضعف الشلهوب الواضح في الاحتفاظ بالكره ، في التمرير الميت والقصير في التنفيذ البليد للركنيات والتنفيذ انت وحظك في الفاولات !!!!

اتفق ان مستواه جداً هابط ومكانه الدكة

اما مباراة الاهلي فسبب الخسارة بنظري هم :

الشــــلهوب لم يقدم اي مستوى ولا روح ولا حتى محاولة لصنع اي هجمة

الفــريدي تفرغ للاستعراض والمراوغة السقيمه كعادته وهو يتلاعب بأعصاب الجمهور الهلالي

الدوسري سالم ، لايزال يلعب ( حواري ) ومنذ توقيع العقد لم يقدم مايشفع له بحجز الخانة

هرماش عندما يلعب بجواره محور يفقد هويته ، فلا هو محور ولا هو صانع العاب ويفقد تركيزه


هؤلاء بنظري هم السبب الاول وليس الوحيد في المستوى الهزيل الذي ظهر فيه الفريق امام الاهلي


وأشيد بمستوى هوساوي والقرني والعربي ، هؤلاء الوحيدون الذين حاولوا فعل شي في المباراة

تحياتي

كلامك صحيح ميه بالميه وانا اوافقك الرأي ولاكن اختلف في مساله التوقيت للنقد وزيد عليه الزوري والمرشدي تحياتي لك

اذا عملت أحصائية ياليت تكون دقيق بكلامك
مايحضرني الآن سوى هدف واحد من ركلة زاوية [ هدف هرماش على الاتحاد ]
قد يكون هناك أهداف أخرى
فما يحتاج تجيب كلام من راسك ><"

لاترد اللؤم على الشلهوب؟ اصلاً البارحة كل لاعبين الفريق ماكانوا بمستواهم ... والشلهوب صحيح ماقدم المامول منة ولكن يبقى الشلهوب اللاعب الذي نقدرة ونحترمة واللاعب الخبرة الذي يغير مجرى المبارة لما يخرج ولك على سبيل المثال مبارتنا امام الشباب الاماراتي وكثير من المباريات ....

أضف على ذلك قلة إحتكاكاته باللاعبين وتفاديه للخشونه مع اللاعبين من أجل الحصول على الكره !!


قسم بالله مافيه اي صفه من صفات القائد الا كبر سنه وقدمه مع الهلال

حرآآم عليك الشلهوووب والله كل شوي واحد خاس بسبب لو ياسر فيه كان صار هو السبب بس رآح آبو عزوز

الشلهوب دائما فاشل في مباريات الحسم والقوة--بل يصبح نقطة ضعف واضحه يستغلها المدربون الاذكياء في قطع الكره منه وبناء هجمه مرتده خطره--