الهلال يكسب بالخساراة رغم انه ذكرني بفريق الحارة + لاول قلمي يكتب دون شعور
 

اهلا بالزعماء واسعد الله اوقاتكم بكل خير

هاردلك وخيرها بغيرها وعسى ان تكرهوا شيئا وهو خير لكم

بصراحه مالي عادة اني اكتب كثير في المنتديات لكن تابعت ردود الفعل بعد المباراة ولا شعوريا وجدت نفسي مجبر ع الكتابه من ع الاقل احس اني قلت اللي بخاطري كمحب للهلال

يمكن تستغربون من العنوان لكني ارى ان الهلال اليوم لعب اسوء مباراياته ع الاطلاق وخسارته بهدف وحيد في ظل هالمستوى والغايابات انا اعتبرها نتيجة اجابية ومباراة الجمعه نصحح امورنا ويرجعون المصابين وان شاء نقدر نتاهل

الاهلي كان اخطر وكسب المباراة هذا صحيح لكن ترى الخساراة اليوم طبيعيه وانا اعتبرها ممتازة عطفا ع مستوى الفريق والتعويض ماهو صعب اذا تعدلت الامور وحسوا اللاعبين بالمسؤلية


بالنسبة لعبدالله الدوسري اتوقع المدرب ماكان عنده حل غير كذا لسببين الاول ان اللاعب قدم مستوى ممتاز في اخر مباراة والبيشي اتوقع انه محتفظ فيه كلاعب يجيد اللعب في محور الارتكاز خصوصا مافيه بديل لهرماش والقرني


الفريدي الشلهوب سالم الدوسري الزوري المرشدي وعبدالله الدوسري اقل مايقال عنهم انهم كانوا علة ع الفريق >~> وش اللي ممكن ينفع معهم ويسويه المدرب وسامي والا الرئيس والا حتى الجمهور اذا هم يمثلون نصف الفريق ومباراة مستواهم فوق التوب ومباراة يتمشون بالملعب ~>> اللي عنده حل يقولي


اللي يتكلم ع العربي ويسبه انا اقول ماعندك سالفة المهاجم حاسبه اذا كان الوسط شغال صح ويصنع له لكن اذا المهاجم يرجع ويحاول انه يصنع لنفسه ويجهز عشان يسجل فانا معك بهذي اقول العربي فاشل لانه صعبه يصنع ويمرر ويسجل ~>> صار اله ماعاد هو بلاعب


رغم اني مقتنع بدور سامي الا اني اتمنى انه يترك الفريق ويخلي الادارة تجيب محمد لطف يكون مدير كورة ~>> عشان الجمهور يعرف وش كان يسوي سامي >~ ونشوف الجمهور اللي بعد كل خساراة يقولون انه السبب بعدم الفوز وش بيقولون~>> معهم حق كان مفروض ينزل مكان المرشدي ويطبق مصيدة التسلل والا يشوت كورة الكوري وهو ع الكرسي



نقاط على الطاير

# ماتكلمت عن المدرب لان الجميع تكلم وطالب برحيله وانا اقول قبل المدرب شوفوا اللاعبين ليش ماودهم يلعبون كانهم مغصوبين ع اللعب اذا هم يطالبون ببقاء المدرب

# في الدرة جمهور الاهلي ينافسنا ويناصفنا بالحضور والسبب عندكم يازعماء

# لكل من يطالب برحيل الرئيس صدقوني مافيه افضل من ريسنا خصوصا في السنوات القادمة لانه قريب من الفريق وعارف وش يحتاج الفريق فمن الافضل استمراره

#طبيب النادي يجب ان يرحل لترحل معه الاصابات التي قصمت ظهر الفريق هذا الموسم

# قلب دفاع اجنبي بدلا من ولي وصانع لعب من الطراز الاول بدلا من الكوري هذي مايبيلها تفكير

# اذا ياسر بيكون بنفس مستواه مع العين فاهلا بعودته

# تدعيم الفريق بلاعبين محليين على الاقل يكون عندك احتياط قوي لو احتجته يغير لك مباراة


دمتم بخير
اخوكم / عبدالله

انا اقولك الحل

الفريدي والدوسري والشلهوب عالة لأنهم لعبوا في غير مراكزهم ومراكزهم معروفة ماله داعي اقولها فطريقة المدرب على الأطراف أضرت بالفريق كثيرا ..

الزوري يعيبه بطء الحركة وعدم سرعة التخلص من الكورة لأي مكان

المرشدي ماانتبهت له من الغبار هع الا في الكورة المشتركة مع لاعب الاهلي وتلفظه على الحكم

سؤال : عندك غير الزوري والمرشدي دفاع باستثناء اسامة ؟؟

طيب نفس اللاعبين الفريدي والشلهوب كانوا مبدعين ضد بيروزي وبنفس مراكزهم

الزوري بديله سلمان المصاب والان تعاقدنا مع الشهراني
المرشدي ان شاء الله يكون بديله المسلم

شكرا لك

بآلفعل آللآعبين كأنهم مغصوبين يتمشون ب آلملعب "

إن شآء آلله يتحسن آلوضع ونفوز ب لقآء آلإيآب ونتأهل "$......!

كلامك كله صحيح وعلى عيني وعلى راسي
لكن اللي ماعجبني تقول يستقيل سامي ويجيبون محمد لطف عشان نعرف قيمة سامي
ليش لازم تجيب سباكين عشان يظهر سامي انه نجم
يستقيل اويقال سامي وهناك من هو افضل منه من ابناء الهلال وفيصل ابواثنن اقرب مثال لاتروح لمحمد لطف فهذي حيلة العاجز

اخي عذب السجايا

انا ذكرت محمد لطف كونه احد الذين خرجوا لتهموا سامي مع العلم انه الان لاعب في احد الاندية واجزم انه لم يدخل النادي من سنوات

انا لست مع سامي ولكن مع من يخدم النادي وهذا اللي اشوف ان سامي قاعد يسويه

اعتقد ان سامي اكثر شخص يعلم ان من لايعمل لمصلحة النادي سيجد نفسه خارجه

السلوم رغم ان اللاعبين كانهم مغصوبين ع اللعب الا انهم هم من طالبوا ببقاء المدرب
وهنا الاستغراب اللاعبين مايأدون اللي عليهم ويطالبون ببقاء المدرب
يعني الاسبوع الجاي لو ماقدموا شي بتجي براس الاصلع ويسلمون اللاعبين

الله يوفق زعيمنا ويعود لمستواه الطبيعي