|
* العيد , و الصوم و الفرح : كله هلال ! السلام عليكم .. ليس بإستطاعتي الكتابة باللغة العربية الفصحى , لقلة المصطلحات و الكلمات التي أريد أن أوصِلها لكم بالشكل المطلوب .. فلذلك ستكون حروفي بلهجتنا العامية لعلها تصل مافي خاطري لكم انتم جمهورنا العزيز .. جمهور الهلال . ------------------ مدخل : من كان نداً لنا .. مرت عليه سنتين بدون بطولات .. و جماهيره تحضر و تشجع و بقوةة في جده و جماهير الفريق الأخضر .. رغم غياب 30 سنه عن الدوري , الا انها تحضر و تؤوازر و تشجع و جماهير الأصفر .. رغم ان اخر بطولات فريقهم اكل عليها الدهر و شرب الا انها تحضر و تشجع فريقها بككل " وفاء " هلالنا هذه السنه .. في أسوأ مستوياته .. أنهى الدوري بـ المركز الثالث , و حقق كأس ولي العهد بجدارة .. و بـ شهادةة الكل ! موضوعي هو : العزوف الجماهيري الغريب لجمهورنا .. و الانتقاد الغير منطقي .. و حتى لو كان منطقي , لا يحق لك ان تنتقد ان لم تقدم للفريق ما يشفع لك للانتقاد ! يعني مثلاً : عبدالرحمن بن مساعد يدفع مبلغ فلكي قبل بداية الموسم .. و يجيب لك محترفين أجانب و لاعبين محليين و جهاز فني " كويّس " .. و تجي مباراة مصيرية للهلال .. و تقول لخويّك : هاه نحضر بكرة ؟ .. يقول لك لا والله , مشوار .. بعيد , نشوفها في مقهى أحسن و أروق .. خسر الهلال ( لا قدر الله ) .. يجيك المشجع هذا , يفتح شبكة الزعيم .. و خذ لك " سب و تجريح " .. في النادي ككل .. سواء إدارة ولا لاعبين ولا جهاز فني ! طيب أنت ما قدمّت أي شي للنادي ! .. بينما اللاعبين يقدمون مجهود و يتعبون ! .. و شبيه الريح قاعد يدفع و يتعب , و انت حتى ساعتين من يومك المكون من 24 ساعه ! .. تشوفها مشوار و ما تستاهل " روحة " ملعب عشان فريقك .. كيف لك " وجه " تنتقد أصلاً !؟ ------ اللي كتبته فوق .. مثال لـ عدة أمثله و الشواهد كثيرة يَ جمهورنا العزيز .. في أندية صار لها 30 سنه بدون بطولات و تحضر و تساند و تشجع فريقها بكل قوة في كل مباراة عوّدنا الهلال في كل سنه يحقق بطولة أو بطولتين .. و رغم ذلك ما يمتلي ستاد الملك فهد الا في آخر أدوآر بطولة آسيآ ؟ أنت أنت يَ المشجع البسيط .. حط نفسك مكان شبيه الريح .. تدفع الفلوس هذي كلها و محد يشجعك باللي تسويه و يحضر في الملعب ؟ حط نفسك مكان اللاعب اللي ما يشوف احد يسانده في الملعب و هو يجيب لك كل موسم بطوله و بطولتين و ثلاث ّ .. كيف تبي منه يقدم ؟! --------------- بطبيعة الحال كلنا نمشي مع ناس لها ميول تختلف عننا .. سواء أهلاويين او إتحاديين أو نصراويين أو حتى شبابيين .. حط نفسك عزيزي الهلالي مكانهم , و انت بنفسك راح تستغرب تصرفاتك ! --------------- بـ ودي لو في نهاية الموسم إدارتنا تسوي اجتماع تاريخي مع الجماهير .. و تزبّد لهم بطريقة محترمة .. و يكون في نقاش بين الجمهور و الإدارة .. لعل وجهات النظر توصل لـ الطرفين .. رغم صعوبة الأمر حالياً , لكنها أمنية .. لعلها تتحقق ----------- أعتذر على اللغة البسيطه .. و قصر الموضوع .. لكن كلام في خاطري أردت أن أشاركه معكم شكراً لكم . ------ مخرج : تعودنا مع الهلال على البطولات .. كلي رجا أن لا يكون جمهورنا سبب في اختفاء هذا الشي * العيد , و الصوم و الفرح : كله هلال :ba: |
ماازيد ع كلامك شيء كفيت ووفيت وربي اهنيك ع طرحك المميز تحيااتي وودي :rose: |
إن شاء الله يتغير الوضع من مباراة الغد =========================== |
طرح جميل ومميز واتمنى الجمهور يكون بالموعد لـ رد الجميل للآدآرهـ الهلأليهـ بعد الصفقات الكبيرهـ والمميزهـ وهذا أول الخير وأن شاء الله نشوف حضور مشرف |
باذن الله المشجع الهلالي يغير نظرتهـ .. ويفكر قبل اي مباراهـ قادر على حضورهآ ماذا قدم للهلال هذا الموسم ؟؟ .. بينما الرئيس وأعضاء الشرف والإداريين والمدرب والاعبين كلهم قدموا للكيان ما يستطيعون .. |
والله جمهور الزعيم هذا الموسم دون الطموح لاكن ان شاء الله من المباراة سيكون جمهور الزعيم عن الموعد والطموح الف شكر اخوي |
مو بس هـ الموسم .. أغلب المواسم جمهورنا يخيّب الأمآل للأسف .. بس لعل و عسى .. مباراة اليوم " إن " توفقنا فيها , يتغير هـ الشي و يبان في جدة |
بإذن الله نشووووووف جماهير هلاليه الليله تسر الناضرين |
وعليكم السلام الهم وفق الزعيم في كل مكان |
الف شكر لك أخوي على أطرح والله يوفق زعيمنا |
| الوقت المعتمد في المنتدى بتوقيت جرينتش +3.
الوقت الان » 03:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd