|
ياإدارة الهلال لالالا للتنازل عن القناص/ياسر ؟ سمعنا بعض الإشاعات عن نية الادارة التنازل عن القناص/ياسر ونتمنى ان تكون إشاعه ؟؟ ياسر لاعب يعتبر رمز للهلالين خاصة ولجماهير الرياضة بالمملكة ويجب عدم الموافقه على طلب نادي العين شراء العقد ؟ القناص ملك لجماهير الزعيم وخط أحمر التفكير بالتنازل عنه ... أمل من سمو الأمير عبدالرحمن رفض ذلك . بعض المندسين يقول هبط مستواه وأقول لهم ياسر هو ياسر ضعه مع مجموعه تصنع الفارق وستشاهد الفارق(عندما كان معه طارق التائب أبدع وكذلك ميسي لاحظو مستواه مع الارجنتين ومستواه مع برشلونه شافي وانيستا). الزعيم يحتاج القناص مع العربي وستشاهدون ثنائيا مرعبا مع عودة مستوى الفريدي لمستواه ورجوع العابد والدوسري سالم وكذلك عزوز . نرجوا ان نكحل عيوننا بالقناص الموسم القادم وفي بطولة أسيا ... تحياتي للجميع ... ملاحظة: أرجو من المندسين عدم التعليق على الموضوع ويركزوا على ناديهم .... |
اتمنى ان يرجع ياسر القحطاني:smilie47: للكتيبة الزرقاء يعطيك العافية |
,,,, التفرريط فيه بيكوون خساارةة لــ الفررريق اتمنى ان يعوود لــ الكتيبةة الزززقاااء باااذن الله يعطيك العآآفيه |
الحين شلون ... اللي ينتقد ياسر يُعتبر مُنْدس ؟ |
ع كلاام سمو الامير ,, وردتني تساؤلات بشأن ياسر القحطاني وأؤكد اننا لم نتلقى أي عرض لا رسمي ولا غير رسمي من نادي العين حتى هذه اللحظة ولو حصل وقُدم لنا عرض سنعلن ذلك بكل وضوح وشفافية وسبق واعلنت بوضوح انه ان قدم لنا أشقاءنا في العين عرضاً لتجديد اعارة ياسر لسنة أخرى سنعتذر .. هذا ماكتبه سمو الامير ع تويتر يعني ع قولتك اشاااعااات ومافيه ماصادر اقوى من سمو الامير نفسه والكلاام الي طالع عن تجديد وماتجديد ,,رد سمو الامير هذا يكفي وبالتوفيق للهلاال ولمحبي الهلاال ولياسر القحطاني وبالتوفيق للجميع سبحان الله والحمد لله ولااله الاالله والله أكبر |
القناص ملك لجماهير الزعيم وخط أحمر التفكير بالتنازل عنه ... أمل من سمو الأمير عبدالرحمن رفض ذلك .!!!!!!!!! ياحبيبي مافي شي اسمه ملك الجمهور الهلال هو اللي ملك للجمهور الكيان فوق اي لاعب مهما كان اسمه ومستواة ياسر عنده عرض رسمي من العين لشراء عقده واتوقع المبلغ مناسب لبيع عقده والهلال يقدر يشتري اللي افضل منه الموسم القادم لاتنسى ياسر عمره 30 الان وتقدر تبيعه بسعر اعلى وتشتري اكثر من لاعب محلي جديد واجانب جدد نرجوا ان نكحل عيوننا بالقناص الموسم القادم وفي بطولة أسيا ... !!!!!! روح كحل عينيك معاه في العين الهلال مو نادي تكحيل عيون وش الجمهور هذا ابي اكحل عيني في ياسر فشلوتنا امام العالم !!! |
مع تحفظي الكاااامل على كلمة مندس الوارده بالموضوع ...وكلمة خط احمر.... الا انني احترم وجهة نظركـ... بالتوفيق للزعيم بالدرجه الاولى.... والله يووووفق الكاااااااسر وين ماراااااح |
إقتباس:
أرجوك ناقش موضوع ناديك ولاعبي فريقك بمنتداكم ومالك شغل بنجوم الزعيم ومنتدى الزعيم لعشاق الزعيم... |
إقتباس:
|
من جد ياسر نجم كبير ونتمنى يرجع للزعيم في ظل ابدآعهـ الكبير هذا الموسم مع العين وأن شآء الله أنهـ لن يرحل بشكل نهائي للعين |
لا تخاف على ياسر.... على حسب تصريحات شبيه الريح على توتير ياسر بيرجع للهلال ..... تقبل مروري.... |
جمهور عاطفي للأسف انا بالنسبه لي اللى يهمني المبلغ اذا كان كبير ومغري للهلال ليه مانبيعه سامي راح ويوسف ونواف وفهد وغيرهم وجا غيرهم وياسر على عيني وراسي بس مو اول نجم او اخر نجم يدخل الهلال المهم الفائده للهلال اول وبعدين نفكر في ياسر لاتنسو انكم تشجعون الكيان الهلالي مو ياسر تحياتي لكم |
ان انشـــــــاء الله يرجع للهلال |
لــــيـــــت ألــــــألــــــــــــي تـعـــؤؤؤؤؤؤؤد يـــــــــأبــــــــــؤ عــــزؤؤؤؤؤؤز |
إقتباس:
وكذلك ثقتنا بأبو عزوز عندما وعد جماهير الزعيم بالاستمرار الى الاعتزال وكذلك تصريحه انه اشتاق لجماهير الزعيم... وأقول لأبو عزوز قلبك أزرق والأزرق مشتاق لك لأن السنه القادمة ستكون غير مع استقطابات ابو فيصل الجديدة ونريدك ان تكون شريك النجاح .... وخلاص كفاية 10 شهور بالعين تم تغيير جو وحققت لهم بطوله،،، والمادة ليست كل شىء والزعيم ليس بحاجة الى 30 او 40 مليون من قيمة بيع عقد ياسر لأن العشق لا يباع ، ولأن ابو فيصل لم يطلب من الجماهير التبرع لأنه حفظه الله تكفل بجميع متطلبات الزعيم.. .. |
إقتباس:
وبصراحه أتوقع أن هدف القناص على ناديك الاتحاد والذ تحقق منه ببطولة الدوري 2008 ممكن عاميل عمايله معك ومسبب كابوس من ياسر ؟؟؟؟ ... |
باذن الله انها مجرد اشاعات ويعود ياسر لبيته الهلالي |
إقتباس:
وياسر للهلال مثل توتي لنادي روما وسامي للهلال وقيفز للمان يونايتد ومالديني للميلان ويعتبر الكاسر ياسر رمز لجماهير الزعيم كباراً وصغاراً ويمكن ان تلاحظوا عدد من يرتدى قميص القناص من أنصار الزعيم تعبيرا لمحبته بقلوبهم ... واذا رفض ياسر (لا قدر الله ) العودة للزعيم وأعلنها بنفسه فهنا يتم تقييم الأمر من قبل جماهير الهلال؟ وتكون الادارة برئت ذمتها وان شاء الله ان لا يكون ويحدث ذلك... وان يستمر قناصنا ويسعد جماهير السماء الازرق الى فترة الاعتزال بعد 8 سنوات ..لأن جماهير الزعيم هم رأس مال الكاسر ياسر ... |
يعني اذا قلت مانبي ياسر انا مندس وش هالتفكير لك ياخي اطرح شي مفيد مو تقلل من جماهير الهلال نحب الهلال ونشجع الهلال قبل مايجي ياسر للهلال اذا انت متعلق بياسر ياخي روح شجعه بالعين احسن لك ولنا اذا كان طموحك لاعب يرفع ضغط الجماهير فالظاهر انت المندس مو احنا احنا هلاليين نحب الكيان فقط اللي يخدم الكيان راح نشجعه وغير ذلك وصدقني ماراح تشوف ياسر بالهلال واذا تبيه ترى العين ناقصه جماهير قال مندس قال |
إقتباس:
راجع مواضيعك وردودك يتضح منها ميولك ...؟؟ لاحظو انها نفس اسلوب وتعبير المعرف الأخرAhmeed alzaeem ؟؟؟ |
إقتباس:
اول شي راح ارد عليك رد يليق باسلوبك وتفكيرك لعلا وعسى تفهم رغما اني اشك انك راح تفهم انت اللي فاهم كوره ؟ انت الوحيد اللي عطيتك نفسك صلاحيات تتمنى وتامر وتنهى وغيرك لا ؟ الجماهير الهلال مالها راي بس انت اللي لك راي ؟ وش فيها مواضيعي تعبر عن وجهة نظري اذا انت ممن يجيد فن التطبيل ومسك الطبل هذا شي راجع لك بس لاتجي وتقيم الجماهير على مزاجك لانه واضح انك من عشاق اللاعب الواحد او مندس على كلامك !!! على اتم الاستعداد اني اترك التشجيع والكوره ولكن بشرط واحد اذا ضمنت لي ان جميع الهلاليين اللي تعرفهم زين كلهم يتمنون رجعة ياسر قاعدة اذا لم تكن معي فأنت ضدي هذي خلها بالحاره اصرف لك وانا اخوك ولاتجي تشكك بانتمائنا للكيان الهلالي لاننا ماراح نسمح لك التشكيك |
ياجماهير الكيان الهلالي يجب بان نعرف شي واحد بان الهلال لايقف على لاعب بأسمه بل على مجموعة والااسماء تأتي مع الوقت من شباب الهلال . ياسر لايختلف عليه اثنين لاعب متمكن هداف ومن وجهة نظري بانه سوف يعمل جبهة قوية مع العربي اذا استمر . إما ياسر يود الاستمرار مع العين فهذا شأنه لانه بالاخير لاعب محترف يبحث عن مصلحته وهذا اللذي يجب نعرفة حيث زالة كلمة ابن النادي الوفي ولا العب الا للهلال هذا كلام ماخوذ خيرة ولا نقبلة .اذا اراد الذهاب للعين نتمنى له التوفيق معهم ,وذا اراد بان يرجع لنادية الهلال فهو عود من عرض حزمة ويجب بان نعي لذلك. |
إقتباس:
امش طير ماتبغى ياسر روح شجع فريق ثاني ياسر اسطورة واهم لاعب في تاريخ الزعيم وهو رمز هلالي كما ابن سعيد والامير بندر بن محمد وصالح النعيمه ياسر عندنا اهم من كل ماهو موجود بالهلال ......نبغى مبنى الهلال وفيه ياسر فقط وراضين بذلك ونسجل لاعبين من جديد واداره جديده ياسر يقوم كيان بحاله ياسر مكتسح جماهير اكبر قاره |
اتمنى رجووووووعة بصراحة اشتقنا لابو قحط |
الا ياسررررررررررررررررررررررررررر اما غيره فليذهب لاي فريق ماهي مشكله لاعب اداري نعوضهم الا ياسرررررررررررررلايعوض |
انشاء الله الهلال يبيع عقد ياسر ونفتك منه ومن بعض المراهقين |
والله مايخسر غير الهلال بابتعاد ياسر ياسر نعمه من نعم الله التي اعطاها الله للهلال اتحدى يتنازل عنه الهلال للنصر او الاتحاد اوالشباب اواي فريق سعودي والله ان ترتعد فرائص من يريدون ابتعاده فهم يعرفون قيمته ولكن حسد تضامنا مع ذاك اللاعب لانه مغطي على الجميع (نجم جماهيري يدخل ذهب ) |
إقتباس:
والمندسين نقول لهم منتدياتكم تناديكم ؟ ونسأل الله لكم العافية والشفاء مما تحسون فيه ؟؟ |
وشو ايش هالكلام ....من اعار ياسر يجب ان يعيده ويرحل عن الفريق...... ويأتي رئيس يقدر ياسر وجماهير الهلال ....الهلال لنا ماهو لابن مساعد وسامي ياسر اهم بكثير من الرئيس والاداري |
وش هالمنطق السقيم يا هلالي الجزيرة ؟ اي واحد يختلف معك تعتبره مندس ؟ طيب انا عضو اقدم منك واشجع الهلال من 30 سنة او اكثر وعاصرت اغلب لاعبي الهلال القدماء واقول ان ياسر مستواه نازل ولا اتمنى عودته لمصلحة الهلال وليس كرهاً فيه ! فهل انا مندس بنظرك ؟ |
الله يعطيك الف عافيه انا مع عوده ياسر وبقوه |
غثيتونا بهذي السيره !!!! رجع حياه الله نجم كبير مارجع الله يوفقه ماعدا ضد الهلال واللي مو قادر يتحمل غيبت ياسر يروح يشجع العين ترا الامارات مو بعيده !! واذا بتقول مندس فما تفرق معاي مندس احسن من مطبل !!! |
إقتباس:
أعترض على قولك أن مستوى ياسر منخفض؟ الأن مستوى ياسر الأسر عال العال لأن معه مجموعة ايجابيه للفريق وعند عودته سيكون نفس موقعه الحالي يالعب وسط متقدم خلف رأس الحربه الصريح وهذا الموقع مناسب جدا للاعب مهاري يصنع الأهداف كما فعلها بالعين وصنع أكثر من 8 أهداف.. تحياتي لجميع الزعماء العاشقين للون السماء... وعزائي للمندسين الذين لهم وجهين وشخصيتين متضادتين لأنهم يخدعون أنفسهم ويقومون بعمل حقير وهو الخداع للناس بالكتابه المضلله؟؟؟ كفانا الله وكفى الزعيم شرهم .... |
يا شباب انا مشجع هلالى صميم جدا جدا على ايام صالح النعيمه يوسف الثنيان وصالح السلومى و فهودى وخالد الغانم وعادل عبدالرحيم ومنصور بشير وعبدالرحمن اليوسف والتخيفي وسعود الحماد وهذال الدوسرى والنيفاوى واعرف الاعبين جيدا وانا ابخص فيهم يسورى الله لايرده للهلال وتكفا يا ابن مساعد طلبناك انك تنهي عقده عاجلا غير اجل والله ماضيع الهلال الا يسوره الدلوعه الهلال ينهزم واذولا يرفعون لياسر القحطانى لاعب فاشل لا يملك مقومات لاعب محترف ابدا واتمنى انه يجلس فى العين ابركه ولا يرجع للهلال ابدا هذا الاعب النحس شفتوه يوم دخل فى مباره السعوديه واستراليا من دخل الملعب ويصكونا باربعه اهداف لاعب نحسسسسسس صدقونى الهلال ايام الاعبين الاقوياء مثل يوسف الثنيان وسامى الجابر استطاع الهلال الحصول على بطوله اسيا ست مرات لكن يسورى بذمتك وش حصلنا الله يخلف اقلعوه الله لايرده يارب هو فقط اخذ هاله اعلاميه على غير سنع اتمنى حقيقتا التعاقد مع لاعب برازيلي مثل تياقو نيفز علشان يكون مع العربي هجوم نارى بحت ودعواتى الصادقه للهلال بالفوز فى كاس اسيا يارب العالمين |
| الوقت المعتمد في المنتدى بتوقيت جرينتش +3.
الوقت الان » 06:50 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd