آسبـوع الدوري و آلكآس .. تشلسي بطلا ل كآس الاتحـآد الانجليزي / آرسنآل يتعآدل , والسيتي مع يايا يحصلون 3 نقاط من المكبايس - نادي الهلال السعودي - شبكة الزعيم

kun khalid · #29 09/05/2012, 12:00 PM

هاردلكم ،، مباراهه متوقع نخسرها ف الوضع طبيعي وريلاكس صح تنغبن ع المستوى الي ظهرنا فيه بس بنفس الوقت ماتلومهم وتبلعها لأنهم مهدينك بطوله قدام نفس الفريق قبل كم يوم ! حتى دي ماتيو نفسه قال راضي عـ الهزيمه ! وأنا معه بها الشي بس الي يحز بخاطرك الدكه المخيسه الي تبين لك إن تشلسي بدون لاعبينه الأساسي بيضيع ! تيري لحاله أمس حاله إستثنائيه والظاهر مفعول الشراب لازال عالق من ذاك اليوم ، محد قالك تكثر يا الليدر خخخخ ، هفوات بدائيه من تيري وبنفس الوقت المحاور الي فاتحين الوسط لـ ليفربول وهنا تستغرب من أداء إيسيان - روميو ، يمكن جلوسهم الطويل عـ الدكه خلانا نشوفهم بها المستوى ! ستوريدج لازال يثبت إنه العك بأم عينه ف الفريق ، لدرجه تفضل مالودا عليه ! توريس خارج الخدمه ، مفصول عن المباراهه تماماً ولا يلام ، قلتها قبل جمهورهم كريه ، بكل لقطه لتوريس " إستهجان " ليت التسديده الي بالعارضه سكنت الشباك بس وقتها بنشوف وشهي ردهه فعلهم ! ، أهدافهم كلها أخطاء دفاعيه والحارس ماينلام عليها ، البعض يقول تشيك فقدناه ومن ها الكلام ! بس ما أشوف الدعوه لها علاقه بتشيك ! العلاقه علاقه مستوى تشلسي ككل الي ظهر فيه ، أكيد مابتشوف الحارس بأفضل حالاته ولو إنه مفتقد لحساسيه المباريات بس شفنا له كم ردهه فعل حلوهه ، أعتب عليه بـ تخليصته البدائيه الي جات مقشرهه لـ شيلفي وحطها ف الباب ماعدى ذالك الحارس ماله دخل بأي هدف .. سواريز بعد لقطته مع إيفانو عرفت ليه موقفينه 8 مباريات ! لاعب وصخ وصخ وصخ ، ولايهون شيلفي الي بغى يطير مالودا ، وبعد راميريز بغى يودع بس ماذكر الاعب الي تدخل عليه ، أنا أول مرهه أشوف فريق متقدم بالنتيجه وبشكل مريح وقالب المباراهه مجزره ! بس ماينلامون ريحهه الكاس للحين يشمونها ، وتبون ماتا ولامبارد يلعبون ؟ فاضين بالنهائي نمسي على خشه ستوريدج ؟ فكونا بس ي عيال المباراهه لا تسمن ولا تغني من جوع يعني بالأخير تحصيل حاصل ، والله إني أناظر المباراهه بدون أي ردهه فعل ، المهم والأهم الحين الفاينل وبس ، مباراهه بلاكبيرن ماطقيت لها خبر نفس الكلام ، نفوز نخسر ماعلينا الزبدهه نبي تجهيز كامل شامل من كل النواحي لـ نهائي الأبطال .. وإن شاء الله تجي وبننسى كل شي سيئ مر علينا بها الموسم ونحتفل لـ شهور وسنين قدام بها المستعصيه ( يالله على بابك ) ..