|
استراتجية الهلال تتغير من استقطاب النجوم الى بيعهم بعقلية اندية الوسط!! عمر الغامدي , خالد عزيز , اسامه هوساوي ,عيسى المحياني ..............!! هذه الاسماء ليست قائمة المنتخب بل هي اسماء رحلت عن الهلال والبديل عنها للاسف لم يكن بحجم الراحل بل لاعبين من احتياط فرق اقل شأن من نادي الهلال وكل ذلك تم في الادارة الحاليه وتتالق تلك الاسماء الراحله مع فرقها المنتقله اليها ومع ذلك لايدور في خلد اي هلالي ان تلك الاسماء انها في يوم من الايام سوف ترحل وعلى طبق من ذهب لانديه لا اريد تسميتها لكي لا اتهم بأني متحيز او متكبر مما جعلني اعيد التفكير هل مايحدث الان هو في نادي هو الرقم الاول في بلده وقارته ام هو في نادي يبحث عن الربح (( المادي)) وانتاج اللاعبين للانديه التي تعتبر اكبر منه لمحدودية دخله وبطولاته وجماهيره هل يدار الهلال كشركه مساهمه تدر ربحيه ام نادي يتبع لملكية الرئاسه كل تلك الاشياء تجعلني في حيره اقول كيف تقول الادارة لم نجد لاعب مستواه الفني مهيئ للبيع من الفرق الاخرى بينما هي تفرط بلاعبين يجلبون لها البطولات ولاينقصهم الا مدرب ذو رؤيه فنيه متميزه تقودها لتحقيق الاحلام والمطالب الجماهيريه لعل لي اقول لاتعليق والسلام ...........!! ستبدي لك الايام ماكنت جاهلاً ـــــــــــــــ ويأتيك بالاخبار من لم تزودي! اهدي البطوله لصديقي......؟! |
من وجهة نظري أوافقك الراي في بعض ماطرحت ولكن الاسماء اللي ذكرتها كلها وجدنا البديل الجاهز عدا أسامه هوساوي الذي سنتعب كثييييييييييييييييييييييرا حتى نجد بديله !!! يعطيك العافية |
حسستني انهم ميسي ورونالدو هع ربح المادي كل الانديه ع مستوى العالم دور ع هالشي ياعزيزي الحمدلله راحت نجووم قبلهم اطلق وافضل منهم بعشرر مررات ومازال الهلال يسير وع اساامه هو الوحيد الي بنفقده وووبسسسس والي موجودين فيهم الخير والبركه بس عندنا مدرب لك عليه |
إقتباس:
الربح المادي مطلوب اذا كان النادي شركة مساهمه يستفيد منها مستثمرين اما انا وبقية الجمهور واعضاء الشرف ليس عندنا مايستفيد منها المنتمين للانديه العالميه!! |
الاعب الذي بينسينا هوساوي هو عبدالله حافظ المحترف بالخارج قرأة بان ناديه الحال في وضع صعب ما بين الهبوط والديون وأغلب الاعبين تركو النادي بسبب تأخر الرواتب وهو فرصه ممتازه تابعت الاعب ما شاء الله يلعب بنفس طريقة هوساوي وحماسي ويتضح عليه قيادي بالملعب أتمنى من الاداره انها ما تضيع الفرصه .... |
كلام غريب فعلاً بالنسبة للغامدي .. الرئيس يقول لم يندم على بيعه في الموسم الماضي ولكنه ندم في هذا الموسم اما عزيز .. لاعب ( مبزوط ) مع الهلال والشباب وتم بيعه للنصر اما هوساوي .. فرفض اغلى عقد للاعب محلي بسبب طموحه في الاحتراف اما عيسى المحياني رفض عرض الهلال بسبب والدته .. بالرغم ان عرض الهلال اكبر من العروض الاخرى .. والخبر موجود في صحيفة الجزيرة |
بالعككس عمر الغامدي ماله اي فائدة ,, خالد عزيز لاعب غير انظباطي ,, عيسى المحياني انا ضد هالشيء لكن وش الفائدة المدرب اذا مالعبه !! ,,, هوساوي هو اللي قرر ومانقدر نسوي شي ,, وعوافي ع الموضووع |
أخوي الادارة مالها يد باغلب اللي تقوله من وجهة نظري مع احترامي لك كمحب ومشجع للهلال ولكن لو جينا لخالد عزيز لاعب وجوده بالفريق مضر بالفترة الاخيرة لاجت مباراة مهمه اختفى واذا لعب انطرد غير غياباته المتكرره واللي تكون في اوقات حساسه ومن الافضل ابعاده عن الفريق اسامه هوساوي لاعب يرغب بالاحتراف خارجيا والهلال قدم اعلى عرض ممكن ان يقدم للاعب سعودي واللاعب دخل فترة الستة اشهر والادارة ماباعت عقده ولاشيئ ونفس الشيء عيسى المحياني دخل فترة الستة اشهر وباعتراف اللاعب الهلال عرض عليه مبلغ اعلى من عرض الاهلي ولكن اللاعب يريد التغيير وفرصة اللعب كأساسي وأما عمر الغامدي جريتس هو من استغنى عنه وللمعلومية عمر الغامدي المباراة اللي كان فيها متآلق فيها المباراة الاخيرة للشباب مع الاهلي لانه لعب من جهة حسن معاذ طرف يمين ليتيح الفرصة لمعاذ بالتقدم وعمر من يملآ فراغ معاذ وهذا المركز بدأ فيه بالهلال اللي كان اهم مفاتيح الفوز للهلال احمد الدوخي والغامدي كان يسد الفراغ الدفاعي للدوخي اما كلاعب ارتكاز امكانيات عمر اقل من يكون حلقة وصل لانه لايستطيع ربط خطوط الفريق وللمعلومية واتحدى عمر الغامدي يستلم كرة ليبدأ الفريق هجمه ولايستلم كرة بالزحمه حتى تغيير اللعب اتحدى اذا يغير اللعب وافضل مركز له لاعب مساعد للمحور لانه لاعب نشيط ويملأ اي فراغ بالنهاية ماشوف ان الهلال خسر اللاعب خاصة ان عمره 32 عام ولايمكن مقارنته بلاعب مثل الغنام او محمد القرني يعطيك العافية اخوي |
---- طيب معرروف ليش هؤلاء اللاعبين رحلووا عن الناادي خالد عزيز :عدم الانضباااط وهذا سبب ضرر في الناادي وتم التخلي عنه اااسامةة: اللاعب يررريد الاحترااف في الخااارج وهذا طمووحهه واتى له عررض من ناادي خارجي وقرر الذهااب ويريد تحقيق حلمه عيسى : نفس الشيء يريد تغيير الاجواااء الغامدي : تم التخلي عنه في عهد المرب ايريك وهو اللي طلب هذا الشيء كَل التووفيق للهلال |
مانكب الهلال الا المطبلين لاخطاء الاداراه ويتكلمون كأن الهلال ملك لهم او ملك لادارتهم الفااااااااااااااااااااااشله سياسة تفريغ الزعيم من نجومه مستمره اللي يقول عمرالغامدي مايحتاجه الهلال وهوساوي هو يبي يحترف! واللي يقول اصلا عزيز مبزوط!! واللي يقول عيسى امه تبي الاهلي !!!!! وياسر هو اللي يبي العين! ورادوي رحل عشان يغير جو! والدعيع اعتزل لانه مل! والمؤشر عطوه الوحده لان القايمه محدوده ومايقدرون يكدسون اللعيبه !!ونفس الشي الكلثم والخراشي والفريدي بيلحقهم للشباب لانه طريقة لعبه الظاهر ماتناسب الهلال وسعدالحارثي ماراح يجددون معه لان خبيرهم الكروي راح يشور عليهم يقايضونه بأحد احتياطي فريق الشباب........يطفشون النجووووم وبعدها يجون يقولون اعذار وااااهيه وكلام فااااضي ورئيس هيئة اعضاء الشرف الامير هذلول نسيب الاميرعبدالرحمن بن مساعد الله يطولنا بعمره راضي اكيد عن عمل الاداراه لكن املي بالله اولا ثم بنائب هيئة اعضاء الشرف سمو الامير بندر بن محمد وبقية رجال الزعيم الغيوريين الامير محمد بن فيصل والامير خالد بن طلال وسعود بن تركي وفيصل الشهيل وخالد بن الوليد وفيصل بن عبدالله ونواف بن محمدوو......الخ انهم يتدخلووون وينقذووون الهلال........الزعيم ونجومه ليسوا بأيدي أمينه |
خف علينا الي يشوف خالد الشنيف |
إقتباس:
+1 ----------------------------------------- :yes: :yes: :yes: :yes: :yes: |
الهلال لم يخسر الا لاعبا واحد فقط هو عمر الغامدي هذا اللاعب انموذجا في عطائه وثبات مستواه وخلقه اما البقية فهم عاديون جدا بمافيهم هوساوي هاللي فعتو روسنا فيه وحده شهرين وبتشوفونه بالوحده قال ايش قال اوربا والله من النكبات |
إقتباس:
|
يعطيك الف عافيه احترم وجهة نظرك لكن اختلف معك |
| الوقت المعتمد في المنتدى بتوقيت جرينتش +3.
الوقت الان » 07:04 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd