02/05/2012, 11:42 AM
|
 | زعيــم مميــز | | تاريخ التسجيل: 08/11/2011
مشاركات: 3,421
| |
أبدعت وأمتعت تفننت فأقنعت
السلاَم عليكم ورحمة الله وبركاَته ..
الف مبرروك ياأمةة الهلال الصداَره الاَسيويه وبأأذن الله بتظل لنا للنهاَيه ..
اللهم لك الحمد حتى ترضى ولك الحمد أن رضيت ولك الحمد بعد الرضاَ ولك الحمد على كل حاَل
والحمدالله اللي خاَب ظني حصصل [عكس] ماتوقعت  
والله ماتوقعت [زعيم اَسياَ] بيخرس الأيرانيين في هالصوره اللي شفناَهاَ اليوم 
من زماَن ماَشفت الهلاَل في هالمستوى ,, 
مستوى ولا أحلى أنضباطيه بين الخطوط أنسجاَم تاَم ,,  
لاكن شئ مو غريب هاذي هي عادة البطل يظهر بالأوقاَت الصعبه والمناَسبه
بيض الله وجيهككم يانجومنا ,, من الحارس حتى الهجوم
*
العتيبي
لمحاَت بسسيطه .. الفريق الأيراني ماشفناَه كثير هجمات غير [مؤؤثره] ماعداَ هجمتين
العارضه واللي طلعت براَ .. الحمدالله عدن ع الخير .. وغيرها مالهم أي بصصمه
هوساَوي : ي زينكك بس هذا أبو سلطاَن اللي نعرفه ,, والدفاَع اليوم كله ححلو حتى ماجد المرشدي
أعجبتني توجيهاتهم لبعض والتماَسك بينهمم
الغناَم
أتعب وأنا أقول أبدعت مسستوى فوق المميز [دوم أن شاالله]
الفرج
أي أبداع اللي شفناَه منك بالفعل [ثقة الكباَر] موهبه قادمه .. من يومك وأنت مبدع
لاكن اليوم حبتين
الشلههوب
مايستروا الوسط صحيح معطي خط الوسط الثقه .. واضح أن هاسيك يبيه يضغط على حامل الكره
عشان كذا أختفى في بعض الفتراَت لاكن صنع الفرق في الضغط على الخصصم
الفريدي والعربي أو العربي والفريدي
أنسجاَم بينهم تاَاَاَم ماشاالله .. بأأختصاَر هالأثنين اليوم مكملين لبعضهم البعض
لو أنهم رفعوا ضغطي خاصة يوم ينفردوا بالمرمى .. لاكن ماَقصروا [جننواَ] بحاَرسهم ومداَفعينهم حتى وسطهم
هرماَش
أن شاالله تستمر معناَ .. مدري ليش أحسه مثل راَدوي .. مستوى حلو ويؤدي المطلوب ..
روح قتاَليه .. التسديداَت يتمميز بهاَ .. لو أنه يعيب عليه التهور أحياناَ وحصصوله ع الكروت
*
ودي أتكلم عنهم لاعب لاعب لاكن ماأبي أطيل بالكتاَبه
بس في ظل هالمستوى اللي شفته ويفتحح النفس حبيت أقرقر شوي
والأفضل
كسبناَ المباراةة [مسستوى] ونتيجه وجبناَها من أرضهم وأمام أكثر من 70 الف متفرج >> حسيتهم جماهير المان يونايتد
وثم الصداره عن أستحقاَق وجداَره ..
[خشونة الإيراَنيين]
ماأبي أتكلم عنهاَ لامن اللاعبين ولا جماهيرهم ذولا الإيرانيين وهذي عوايدهم
...الأهم لاعبينا الحمدالله على سلامتهم الحمدالله اللي طلعناَ سالمين منهم
خاصةة الشاَب الموهوب عبدالله الدوسري الحمدالله جاَت خفيفه
ومن غير ماأحس قاعده أقول وش فيه وش فيه لأخواني . ع بالي اصابه مؤثرره ..
*
لاكن في ظل هالمسستوى والروح اللي شفناَهاَ أبشروا بالخير أن شاالله
واللي أعتب عليه ضياع الفررص من كثر ماشفتها بالهلال هالموسم صاَرت [ميزةة] .!
*
همسسه للاعبين والجماَهير ..
مانبي نعطي المباَراة أكثر من حجمههاَ وعلى اللاعبين يتأكدون أن الجاي أهم وأصعب
والمستوى المبهر اللي شفناَه والأطراءات من جميع المحللين نبيهاَ تزيد من أصراركم وعزيمتكم
لتقديم الأفضل [حذاَري حذاَري] من التخخدير
*
الله يوفقهم في كاَس الأبطال أماَم الأهلي [ذهاَب وأياَب]
وفي الجوله [الاَسيويه] الأخيره أمام الغراَفه بأأذن الله بنفرح بالتأهل لدور الستةة عشره وماوراَه
مستوى ونتيجه مثل اليوم تماماَ
ياَرب لاتضيع لهم تعب وأسعدهم باللي يبونه كثر ماهم بيفرحوناَ وأأكثر
أن شاالله بنجيب اَسيا وأنتم أول من تشيلونهاَ هالأثنين الموسم هاذاَ أحسهم
أكثر من تعبواَ وأكثر من لاقواَ أنتقاَداَت .. صحيح يمكن أخطوا بتجهيز الفريق وهم من يتحملون
لاكن مستحيل يكونوا راضين باللي يصير .. حتى اَخر عضو شرف ..
نصبر ونتفاَئل خخير 
والله يوفق هلاَلناَ فوق كل أرض وتحت كل سماَء
اخر تعديل كان بواسطة » زرقــــآء في يوم » 04/05/2012 عند الساعة » 06:29 AM |
!!!!
الوضع العادي
