|
شفتوا الجمهور الإيراني !!!! ولماذا يغيب الفريدي ؟؟؟!!! بسم الله الرحمن الرحيم الموضوع من نقطتين سريعتين ، الأولى : شفتوا الجمهور الإيراني ؟؟ كيف يهز الملعب هز ، وكيف كله يد وحده .. حاجة عجيبة نتمنى الجمهور الهلالي الي يحضر المباريات يكون بنفس التفاعل والتوحد في الهتافات والحركات .. ما راح أتكلم عن الحضور ، لأن أصلا الملاعب عندنا ما تعطيك نفس نفس تحضر ، لما تروح مباراة كأنك رايح لجهاد ، حتى إن الجمهور يصبر بعضهم بعض يالله كلها ساعتين خلونا ندعم فيها الفريق !!!! وين حنا رايحين لوناسة ولا رايحين جهاد ؟ المفترض يكون الذهاب للاستاد نزهة ، متى ما كان الذهاب للاستاد نزهة فحينها سنرى الحضور ، لأن لا أحد يأتي لكي يتعذب بينما بإمكانه يجلس في الرفاهية في بيته ويتفرج أحلى ما يكون .. النقطة الثانية : ما أقدر غير أني أقول : حسبنا الله ونعم الوكيل في الشخص اللي يحرم أحمد الفريدي من المشاركة في المباريات .. أحمد الفريدي أبدا ما قد كان دخوله سلبي للفريق ، صح أحيانا يقل عطاؤه بشكل كبير ، لكن بنسبة 95 % فأنه ما قد كان مضر للفريق ، يقل عطاؤه فقط ، ونسبة قليلة هي التي كان دخوله فيها سلبي ... وأحد الأسباب الرئيسية لهذا هو شغل الشاورما هذا ، يدخلونه من نص المباراة ويطالبونه يلعب كويس ، ويييين ؟؟؟ أهم شي في اللاعب أنه يمنح الثقة ويمنح الفرصة الكاملة ، ويمنح كل شيء حتى يستطيح أن يتحرك في الملعب بحرية ، لاعب كل شوية يدخل بديل كيف تبغاه يبدع ؟؟ لازم اللاعب الفنان زي أحمد يشارك أساسي دائما ومباريات كاملة ولا يكون بديل أبدا ، لازم إذا بيتعود على جو اللعب لازم يدخل مباريات كاملة ويعرف أنه أساسي ، لا أحد يجي يقولي أحمد الفريدي شف مباراته اللي مع الفريق الفلاني في يوم كذا ، كيف كان بارد وما عنده أي فاعلية وتبغاه يكون أساسي دايم !!! يا حبيبي اللي تقول هالكلام ما فيه لاعب في الكرة الأرضية يلعب كويس كل مباراة يدخلها ، لازم أقل شي نسبة 40 % نزول في المستوى في مجموع مباريات اللاعب ، أساسا لو اللاعب كان في 50% من مبارياته في كامل مستواه ، هذا نسبة ممتازة جدا ... لكن المشكلة أن اللاعب ما يعطى حتى الفرصة .. أهم شي في اللاعب أن يمنح الثقة ، في لاعبين ما يقدرون يرتاحون أو يبدعون وهم بهذا التذبذب مرة يلعب ومرة ينطق في الدكة .. نفسية اللاعب لازم تكون مستقرة علشان يبدع ويعرف يعلب بالكورة صح ... ظلموك والله يا فريدي .. من شاف لعب الفريدي اليوم كيف بهذل عيالة اللذينة الإيرانيين ... والسؤال دائما اللي ما له جواب : لماذا يُغيّب أحمد الفريدي ؟؟؟؟؟ مشكورين السلام عليكم ورحمة الله ... |
الجمهور الهلالي دوره عند الفسفس ( فصفص = حب ) وانت تبيه يشجع الله يرحم الحال بسس × آحمد الفريدي اقسسسم بالله نجم و حرآم يلعب الدوسري على حسابه الدوسري محتاج للدكه شوي اليوم ضيع فرص قههر تضيع آحترامي |
أبو عمر ههههههههههههههه أحسه قدام الفرق الايرآنية يجآهد لبى روحه أبدع ومسخرهم وبالتوفيق للزعيم |
يارجال خله على الله بالنسبه لااحمد فهو معاقب عقوبه اداريه ولا من ناحيه اللعب فهو افضل لاعب بنادي الهلال |
تذكرت مباراتنا الاخيره مع الاتحاد وكيف كان وضع الجمهور بعد هدف الاتحاد كأنه نايم ،، اما الفريدي فهذا اللاعب عمله نادره واذا لعب بنفس يتعب الفريق المقابل لكن اهم شي الجمهور يدعمه |
شنب والله العظيم اعجبني بفرحه الهدف من قلب |
بالنسبه للحضور الجماهيري اتمنى يزداد ويكون فيه فعاليه امما موضوع الفريدي صراحه قهرر اللاعب اهم شيء عنده الثقه الممنوحه له من الجهاز الفني لعب قدام الاتحاد ذهاب واياب ومستواه جيد واليوم كان نجم المباراه مع عبداللطيف الغنام احسس عدم مشاركة الفريدي ليس لها علاقه بالجانب الفني بل هي مشكله إيداريه حتى لو الفريدي احيانا يكون بارد عادي .. فيه لعيبه كثيره تضيع شوف رونالدوا طلع ريال مدريد من ابطال اوربا رغم غياب عشر سنوات عن هذه البطوله وميسي طلع برشلونه والوضع طبيعي ما فيه لاعب بالعالم يكون مستواه ثابت |
انسى يجي جمهورنا مثلل الجمهور الايراني بصراحة تشجيعهم الحق يقال كان مرعب مو مثل بطبولنا |
الفريدي وما ادارك ما الفريدي نجم نجم نجم ان شاء الله يستمر في العطاء دايما |
الفريدي ...!....طيب اخوانا انا بس ابي كل واحد منكم يرجع للمباراه ويشوف كم فرصه سنحت للفريدي سواء فرصة هدف او فرصة تمريره اخيره ...يحسب كم ؟؟؟..ثم يحكم ...!! الفريدي بعض الاحيان يخليني اقوم من غير شعوري واصفق له .. له ابدعاته الي ماينكرها احد ...لكن مشكلة الفريدي انك لاتستطيع المراهنه عليه دائما فقد يخذلك بمعنى كلمة يخذلك ..في مباراة نهائية او مصيريه .. فعنده عدم تركيز هائل جدا ولهذا يفقد كور سهلة وفرص قد لاتتكرر لفريق الهلال ..لا تقولي صلح الهدف وصلح تمريره او تمريرتين ...لا اخي ..انظر لـ سي في الخاص به في وقت المباراه كامل وشوف كيف الفرص الي تهيئت له وشوف كم اضاع وكم اجاد وكيف اضاع وهل اضاعته للفرصه مبرره ..الكم والكيف مهم في الحكم ..بعدين احكم هل يفيد الفريق اكثر ام ان لو فيه لاعب مكانه لاحسن التعامل معها افضل منه ؟؟ انا لست متحامل على الفريدي وارجعو لمواضيعي القديمة سوف ترون اهتمام كامل به ... لكني كشفت انه يعاني من حالة عدم تركيز هائله ( مسديمة ) لاتقارن بزملائه اللاعبين ابدا ابدا ... الفريدي عليه ..ان يمارس علاج لقوةالتركيز عليه ان يدرس التأمل...لعل التأمل الذاتي يعالجه .. على العموم .. اشكرك ويجب ان ننتقد لاعبينا وليس لمخالفة الاراء انما لكي نحاول الاصلاح ويهمني ايضا ان نكون جمهور ناصح للفريدي |
احمد الفريدي نجم وقمة وابداع ورهيب وعجيب ابو عمر بس لو ما يتأخر بالكوووووره يا سلام |
والله الاعب تبي تحكم عليه شوفه بمثل هالمباريات لاتقيس على نجران والقادسيه والنصر والانصار .. الانديه الضعيفه والفريدي اثبت اليوم انه كفو لاعب مزاجي بحت انا شخصيا يطربني الاعب المزاجي كثيرا . لاجت المباريات الكبيره والحاسمه يطلع لك والعاديه يركد مثل ريبري وريكلمي وباوتيلي وبيدرو والتون |
ماقصروا الشباب اليوم وخصوصا الفريدي الف مبروك للزعيم |
مشكوووور يعطيك العاااااافية |
حسنة الفريدي هو صناعة الهدف و أول لاعب يضيع ضربة جزاء ويضحك ويبتسم وابتسم بعدما اضاع فرصة محققة امام بيروزي و العربي بنفسا النهج اضاعة فرصة واحتفاظ بالكرة بشكل زائد جداً .. سؤال لما يضيع المهاجمون الفرص السهلة ولو تعاد بالبطيء لتجد لاعبين بجانب زميلهم العربي والفريدي ولكن نجدهم يحتفظون بالكرة ويحاول يسجل هدف لنفسه فقط .. |
| الوقت المعتمد في المنتدى بتوقيت جرينتش +3.
الوقت الان » 12:35 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd