نادي الهلال السعودي - شبكة الزعيم - الموقع الرسمي - &[{ جمهور لـوك لـوك .. نـآقصكم ام زكـي وتسـوون مسلسل جديد }]&

- منتدى الجمهور الهلالي (http://vb.alhilal.com/forumdisplay.php?f=28)

إقتباس:

الرسالة الأصلية كتبت بواسطة هلالي نشط (مشاركة 20038628)

نقطة أولى /للأسف أنت تناقض نفسك كيف الجمهور بالرياض يؤثر سلبي على اللاعب وفي إيران التشجيع كلن يشوفه كيف كان استفزازي وماتؤثروا( مشكلة بعض العقليات الي بترقع الموضوع وتدور لها كبش فداء تنقذ لاعبينها بهالاسلوب).

نقطة ثانية/ اللاعب الي يتأثر من صيحات جمهور هذا مايعتبر لاعب خصوصاّ في نادي مثل الهلال تعود علي الحضور الجماهيري.

نقطة ثالثة/ لا تستعجل على المرشدي اصبر عليه وحتشوف ،ترا كاد أنه ينكبك إلا شوي لكن الله ستر عليه في هالمباراة ،احدن معه المرشدي ولا يشوف نكباته.

نقطة أخيرة/ سبب تركيزهم في المباراة هو انه أنتقاد الجماهير لهم الفترة الي فاتت والله أعلم.

بـرد عليك

النقطه الاولى : اتوقع اخي الكريم انك ماتعرف معنى كلمة ( متناقض ) او انك ذكرتها من باب انكـ تسمعها كثير في هالمنتدى عمومـآ لما يتم الانتقاد من جمهور ناديك غير لما يكون من جمهور الخصم خصوصا في الملعب واتوقع انك مافهمت وش ارمي إليه بالموضوع :rose:

النقطه الثانيه : سبق وقلت لك الصيحات والاستهجان من نفس النادي |. واذا كنت تقول اللاعب الي يتاثر ماهو لاعب . انا اقول لك المشجع الي يطلق صيحات استهجان على لاعبي فريقه هذا ماهو مشجع ولا نتشرف انه يحضر للملعب ولم نتعودها على مشجعي الهلال منذ الازل.

النقطه الثالثه : ماهمني المرشدي ولا غيره .. انا الي همني اننا نصبر خمس مباريات ... وكلمة ( كاد ان ينكبك ) هذا دليل واضح منك على التحامل على المرشدي ..

النقطه الاخير : من نصف الموسم والجمهور ينتقد .. من ايام دول والجمهور ينتقد ؟ ليش مايبدع لاعبين الهلال الا خارج الرياض .. ؟:naughty:

كلام مفيد وموضوع لايتداول كثيرا ولايركز عليه .. وطرح موضوع كهذا يعني ان كاتب الموضوع مبدع ومفكر ..شكرا لك هلالي بحت ..

يسلموا ياباشا على الفكرة الرئيسية الرائعة , ونقاش حلو ,

بس عندي سؤال " واللي لسانه ويديه ميب له , وشلون يقضبها ؟ "

تحياتي لك

من جد موضوعك يبررررررررررررررررد القلب
واصبت كبد الحقيقه بكل جداره
بالاخص جزيئة الجمهور اللي يطلق صيحات الاستهجان على الفريدي والمرشدي مع تحفظي على امكانياته الاساسيه والعتيبي ومن قبلهم ياسر .............بدال مايساند وينقال عنهم مشجعين لا اصبح عامل ضغط على اللاعبين....الله يفكنا من هالنوعيه
اتمنى موضوعك هذا يقراه اللاعبين حتى يعرفون ان هناك جماهير واااعيه تشعر وتحس وتقدر تفرق....تشكراتي لك

صاااااااااااادق اخوووووووووووووووي

عوووااافي ع الطرررح

لقد قلت الحقيقه وكثر الله من امثالك جمهور الهلال هو عدوا الهلال الكيان واتمنى ان يلعب بدون جمهور افضل

:smilie47:

إقتباس:

الرسالة الأصلية كتبت بواسطة ALRAQI (مشاركة 20040916)

هذآ مب هو الي يقضبهـآ .. هذا يبي له واحد من جمهور الزعيــم الوفي يقضبهـآ له :rose:

تحيآتي لمروركـ ولشخصكـ :smilie47:

إقتباس:

الرسالة الأصلية كتبت بواسطة المجهر (مشاركة 20040227)

الف شكر اخوي المجهـر .. على ردكـ الاكثر من رائع والذي يعبـر عن فكركـ النظيف شكرا لك على تواجدك :rose:

تسلم يمينك على هالموضوع الروووووووعه
فعلاً اللي قاعد يصير بالمنتدى شيء مخجل
وكله كوم ومحاولة زرع الفتن والتحزبات بين جمهور الهلال وانقسامه بين بندر بن محمد وابو فيصل

لا فاهم وش تقصد بس أنت شكلك الي مافهمت وش أقصد أنا ونقطتي الأولى تكمل إجابتها النقطة الثانية ( لها السبب قلت لك أنت متناقض وما أخطئت بالكلمة) فما أتوقع أن لاعب بيتأثر من صيحات أستهجان من جماهيره ولا يتأثر من صيحات الجماهير الإيرانية لأن منظرهم وصيحاتهم تخوف الي يتابع المباراة من الشاشة عاد شلون بالي موجود بالملعب ( لأن اللاعب الي تهزه صيحات وجماهير بتكون شخصيته مهزوزة في أي مباراة وأرجع لمباراة بيروزي وشف هفوات لاعبك المفضل لكن لأن فيه محور مغطي عليه والدفاع كان مفتح غطى على هفواته) فكن واقعياً.

مع أحترامي لك المشجع عاطفي بذاته ( وأصابع يدك مو وحده) يبي فريقه يفوز ومايحصل له أخطاء في المباراة فشئ طبيعي أنه بيهتف ضده خصوصاً في أخطاء ما أحد يسويها مثل يسلم كورة بالغلط لمهاجم او يتراخى بتخليص كورة وتنقطع منه وهو بالدفاع!!!فكن واقعياً.

أنت مشكلتك من الجمهور العاطفي الي طار بالعجة مع الفوز خلك حيادي وأرجع لمباراة بيروزي وشف المرشدي وش أخطائه ويعلم الله أني مااعرف المرشدي ولا بيني وبينه شئ حتى أتحامل عليه لكن أخطائه طلعت واضحة للعيان( مرتبك،انقطاع الكرة منه بشكل مستمر،الاستخلاص عنده صفر) فكن واقعياً.

نعم كان هناك انتقاد، والانتقاد شي حلو يظهر لك اخطائك حتى تعرف وش راح تعمل بعدين،ماادري ليش أنت عندك حساسية في موضوع الأنتقاد وبعضهم للأسف يسميه سب ( يعني ياأني احطك افضل لاعب او مدرب او إدارة بالعالم ولا بزعل وأنت تسب ومندس....إلخ ) وش هالمنطق؟؟

وأخيرا لاتتحامل على جماهير الرياض (فلاترمني بدائك وتنسل)فكن واقعياً.

أتفق معك في جميع ماقلت يعطيك الف عافيه يا أخوي

إقتباس:

الرسالة الأصلية كتبت بواسطة هلالي نشط (مشاركة 20043553)

بجاوبك ياصاحبي ...

بالنسبه للنقطه الاولى والثانيه الي ذكرتها... انا اقصد اثرها نفسي.. استهجان جمهور الخصم على اي لاعب لا يدل على فشله بل يدل على نجاحه .. اما اذا كان الاستهجان من ناديك . فراح يكون هناك اثر نفسي سلبي جدا .. على نفس اللاعب .. << فهمت الحين ؟؟ ...

ثاني شي تقول لي الجمهور عاطفي ويبي الفوز .. وطبيعي انه ينتقد .. انا قلت لك لا تنتقد ؟؟ انا قلت لك .. اسكت لا تتكلم ..؟؟ انا قلت لك انتظر .. الين ينتهي الموسم وانتقد بيدك ورجلك .. وانا مثلك بنتقد .. الحين مو وقت الانتقاد .. ؛؟؟ << فهمت الحين ؟؟؟

ثالث شي انت تناقض نفسك .. مره تقول الجمهور عاطفي . ومره تقول انت عاطفي ؟؟ انا مامدحت المرشدي لا بموضوعي هذا ولا في اي موضوع لي وياليت ترجع تشوف مواضيعي ..؟؟ انا قلت انتظرو يالي تسبون .. << فهمت الحين ؟؟

رابع شي انت تقول لاعبك المفضل ... يالبى قلبك اتمنى انك تجيب شي واحد يدل على ان المرشدي لاعبي المفضل ؟؟ كن واقعيـآ .. عجبي هههه

خامسا . .تقول لي ... الانتقاد حلو ..؟؟ .. اقول لك مو وقته ؟؟ << فهمت الحين ؟؟

اخيرا .. جمهور الرياض وجمهور الرياض .. شف اداء الفريق بالرياض وخارج الرياض وتعرف وش جمهور الرياض . << اتكلم عن بعض الجمهور وليس باكمله ... شكلك معصب انت .. لان الموضوع راكب عليك بالضبط .. عشان كذا .. زعلان ومتنرفز .. هد الوضع اخوي انت شكلك من الجمهور الي يتكلم عنهم الموضوع عشان كذا زعلت .. بالنسبه لـ رمتني بدائها وانسلت << اتمنى انك تعرف وش معنى المثل هذا عشان تجي وتقوله .... لان جمهور الشرقيه .. ماعمره . اطلق صافرات استهجان على اي لاعب هلالي ... < كن واقيعـآ .. يـآ واقعي انت

هو شف يا اني ماعرفت أوصلك المعلومة أو أنك أنت مافهمت وش أبي أوصل له لكن هي محاولة أخيرة لعل الله ينفع بها واتمنى يتسع صدرك لها

شف ياحبيبي أي لاعب بيتأثر من جمهور مايفرق عنده هالجمهور جمهور ناديه أو جمهور النادي الخصم وقلت لك أرجع للمباراة بتشوف المرشدي مرتبك لكن فيه لاعبين غطوا أخطائه فلا تحاول تدور له تبرير لأخطائه عن طريق الجمهور.(لأن شخصيته مهزوزة)

أذا طارت الطيور بأرزاقها يالطيب لاتجي تقول أنتقد اخر الموسم ، وصدقني بقولها لك أذا جاء أخر الموسم وأنتقدت بيطلع كم واحد زيك لاتنتقد أصبر إلى مايجي الموسم وتبدى المباريات ومن هالكلام وماراح نخلص.

ماراح اقولك انت سمعت بكلمة تناقض وجاي تقولها هنا لكن العاطفة تشمل النوعين فيه نوع يتأثر من الهزيمة ويتكلم على اللاعبين ويسبهم(واقصد الي ذكرتهم أنت بموضوعك) ونوع أذا فاز الفريق حط الفريق ولا برشلونة وخذ لك انواع المديح والمستوى من احلى مايكون ،فكلا النوعين عاطفيين فشف أي نوع أنت منهم.

بالنسبة لموضوع أنك تحب المرشدي انا قلت لك لا ترقع له أخطائه عاد تحبه أو ماتحبه هذا شي راجع لك ومافيه شئ أذا حبيته ترا مو شي خطأ.

أنت حطيت السبب أن جمهور الرياض هم الي يؤثرون طيب أنت شف المباريات كلها وبعدها أحكم ترا مباريات كثيرة برا الرياض وصارت فيها هفوات مع أنه مافيه جمهور يهتف ضد اللاعبين وش السبب برأيك؟؟!! وبالأخير أذا جمهور الرياض السبب خلاص لاعاد تطالبونهم بالحضور دامهم بيوهقونا وبيخلون اللاعبين يرتكبون أخطاء ويصيرون مرتبكين ( بالله عليك وش هالمنطق؟؟).

أشكر لك رحابة صدرك

إقتباس:

الرسالة الأصلية كتبت بواسطة the king of asia (مشاركة 19646487)

والله من التحطيم عندكم ياجماهيرالهلال اجل بالله في جماهير بالعالم تستهجن على لاعبها !!
والله من الفهاوه وقل الثقافه التشجيعيه ..

هذا كان رد لي في احد المواضيع تتكلم عن مستوى الزوري .. والله لما تروح الملعب تشوف الهوايل تقول في خاطرك بالله هذا جمهور ولا قلة حيا لدرجة انك تكره تروح تحظر مباريات

لا والمشكله فرحانين اننا بنلعب بملعبنا مع ان الشواهد تخوف !!