السلام عليكم ورحمة الله وبركاته
الجميع بارك للهلال الفوز على بيروزي وهو يستاهل التبريك قاهر الفرس على أراضيهم وجعلهم يخلون المدرجات قبل نهاية المباراه!
عندنا راهنوا على خروجه من الادوار التمهيديه بعد موجة التعادلات الثلاث ولم يدر بخلدهم إنه الهلال يعرف متى ينهض ومتى يفيق والذيب ماتشبعه غير السمان !
سنين والهلال لعبته التلاعب بالأعصاب يفرح حساده في البدايات وفي الأخير يصفعهم وأي صفعه مدويه تأتي من الزعيم !
يتلاعب بأعصاب جماهيره فيزعلهم في البدايات وفي الأخير يفرحهم ببطوله ويقول إفرحوا وإتركوا عنكم الزعل وإللي فات مات !
مخرج معه غربال:
مساكين المخرجين عندنا مايقدرون يحطون ويوجهون عدسات كاميراتهم نحو جمهور الهلال وكأنهم يحجبون الشمس بغربال!
بل أن أحدهم عيّن نفسهم رئيس لرابطة جماهير الاتحاد حيث أعطى التعليمات للمصور الذي أمام جماهير الاتحاد في مباراته الأخيره مع الهلال لشحذ هممهم وعدم السكون وتحفيزهم عند الخمول حتى إنتهت المباراه!
إللي في المدرج يتفرج :
يرمون على جماهير الهلال ويقولون إللي في المدرج يتفرج حيث أن التنافس على بطولة الدوري بينهم وبين الشباب وفي النهايه هم من جلس في المدرج وإستمرت معانات المدرج قرابة الثلاثون عام
ياليل العاشقين!
المدعوم:
من يحقق بطوله ويستمر بعدها ويحقق البطولات لسنوات فهذا يستحق لقب بطل !
أما من يحقق بطوله واحده ثم يختفي فهذا يطلق عليه مدعوم !
أكتفي بهذ القدر ولنا لقاء آخر بإذن الله
الوضع المتطور
