
12/08/2012, 04:34 AM
|
 | زعيــم متألــق | | تاريخ التسجيل: 28/11/2011 المكان: القصيم 3>
مشاركات: 1,214
| |
يالله ياللي تسوق المزن يالوالي...ياعالمٍ بالسماء واللي جرى فيها
يا الواحد اللي يبدل كل الأحوالي...يا خالق النفس يا عالم خوافيها
انك من الغرب تنشي مزن وخيالي...وإن نجد بأمرك يا رب البيت تجريها
مع أول الوسم مزنٍ كنه جبالي...خيّل على نجد قاصيها ودانيها
البرق يبرق وخير المزن همّالي ...والأودية جتك فايضةٍ عواليها
جا يدحم سيلها من الجال للجالي...أمطار رحمة وبينةٍ مواريها
والعشب الأخضر نبت من كل الأشكالي...والباذر نبت ووجه الأرض غاطيها
والطير لامن سمعته غرّد يلالي...تطرب لها النفس و لحونه تسليها
وشوف الحيآ والابعار يشرح البالي...ذود مغاتير ووالفكس ار قافيها
وخوة نشمى ضرو قطع الخلال الخالي...هي سلعة بين بايعها وشاريها
جهمة عقب مانصلي الصبح طوالي...قدم العصافير تظهر من مرابيها
العزبه محمله والجيب شغالي...والجيب الاخر نكمل فيه بافيها
ثم انتهضنا واخذنا الخط في الحالي...نمشي معه لين ديرتنا نعديها
ثم انهزع بر مثل مسابق الرالي...وقصآيد شقير بالكنود نغنيها
ونجي لنا عبلة خضرآ تحلوالي...ربله ورقروق والنوار غاطيها
وننزل بها في محل مرتفع عالي...وننفض تيآزير خيمتنا ونبنيها
والنار يشعم حطبها معرب الخالي...وله المعاميل والرسلان ندنيها
ويسوي الكيف مر كايف لحالي...برية من ثلاث اصناف ناقيها
لامن تقهويت منها بس فنجالي...تقعد لك الراس ما مل متقهويها
وسوالف وافيات قصآر وطوالي...تقال لامن حصل شي يطريها
وان مرنا بالنهار طيور اجوالي...نظهر لها الشوزن ونلحق ونرميها
الجو غيم وصيد الطيب الفالي...انعام مابين طابخها وشاويها
هذي ترآ دعوتي يالله يالوالي...دعوت فقير رفع كفه لمحييها
قصيدة رائعة ..! |