![]() |
بين حقيقة ياسر الشهراني وحسن الناقور وعبدالله الهزاع بسم الله الرحمن الرحيم هارد لكم الموسم السيئ ( موسم التعادلات) وبدخل بالموضوع بسرعة قبل فترة ليس بالبعيدة كان الهلال يعاني من مشكلة الظهير الايمن بعد رحيل أحمد الدوخي وكانت هذه المنطقة نقطة ضعف للهلال وقبل سنة نسمع بمفاوضات اللاعب ياسر الشهراني من رجل الاعمال حسن الناقور وسأسرد لكم هذه القصة التي حصلت لأحد المقربين لي مع عبدالله الهزاع في دبي " شاف قريبي عبدالله الهزاع في المطار وقال خل أدردش معه شوي قال ياخي ليش ماتعطونا الشهراني وتفكوننا:cry: الهزاع رد علية قال عفوا وش انت قال ومن في غيرنا اكيد هلالي الهزاع رد علية قال ياعزيزي حسن الناقور خلوة بالقطع البلاستيكية للجمهور هو حق 200 الف وهل مبالغ الزهيدة عرض علي انه يشتري عقد اللاعب ب 8 مليون 500الف في البداية والباقي أقساط على سنة احنا في نادي القادسية نعاني من الديون ورواتب اللاعبين ومنشأآت النادي دخلنا هو الاستثمار باللعيبة والعرض المقدم من حسن موب عرض جدي وأذكرك الشهراني بيروح للإتحاد بنهاية الموسم ب 18 مليون " صراحة انا استغربت من كلامة! واقتنعت فيه نوعا ما المفاوض الهلالي ضعيف لأدنى درجة أخر صفقة دخلنا عليها بالقوه وقاتلنا وشارسنا عليها حقت ياسر القحطاني وفي الختام لكم ودي:smilie47: |
اخي الكريم الهزاع ما في يده شيء وتعلم من بيده امور الشهراني واي نادي يؤثر عليها النادي الجار له أيدي في ذاك النادي الصغير لأجل ذلك صفقاته تجاه الهلال مرفوضة |
س/اصدقك؟؟؟؟؟؟؟؟؟؟؟؟ ج/ لالالالالا حسن الناقور فخر الهلال اما الهزاع!!!!!!!!!!!!!!! |
طيب ليه يبيع الغامدي بـ ذيك الطفسة للنصر !! وباع فهد ... مدري وش اسمه للشباب بمبلغ عادي !! |
الهزاع لديه الكثير من المغالطات في كلامه صحيح الهلال عرض عليه 8ملايين وأتفقوا على أن تدفع على ثلاثة مراحل مليونين عند توقيع العقد وثلاثة ملايين بعد ثلاثة أشهر والأخرى مثلها بعد ثلاثة أشهر إن صحت الأخبار وهي أقرب للواقع وعند منتصف السنه تفاجأءت إدارة الزعيم بكلام الهزاع أن أعضاء نادي القادسيه يرفضون هذا العرض ويتمسكون باللاعب ولكن بعد فتره طلب من الهلال فتح باب التفاوض من جديد برغبة منه وفي النهايه عادت حليمه لعادتها القديمه أخذ يماطل ويراوغ مماحدا بالإداره الهلال إقفال باب التفاوض بحجة أنهم جددوا مع اللاعب لمدة ثلاث سنوات على ما أعتقد بخمسة ملايين والكل يعرف من غير فكر الهزاع وأدار ظهره للزعيم غير الأصفرين كلها من أجل إفساد الصفقه والإداره تشرع من جديد في مفاوضة ولكن بشروط تحفظ حقها وليس كما يعتقد الكثير هنا أن إدارة الزعيم لم تعمل مع رغبة اللاعب شيئا بل عملت ولكنها لم تجد قبيل جاد بل قبيل مرواغ ومن حق الإداره الهلاليه أن تتريث حفاظا على ممتلكات ناديها كلام الهزاع يشوبه الكثير من المصداقيه يعطيع العافيه ع نقلك ومجهودك |
- المفاوض الهلالي ضعيف جدا ولا كان افضل الاعبين المحليين عندنا - الهلال كل لاعب يتمنى يلعب فيه . لكن ادااره بن مساعد الاعبين المحليين اخر اهتمامتهم ! - وهذا اللي ضيع علينا الدوري .. |
؛؛ وقريبك ليش مقاااال للهزاع ..وانتم ليش اي صفقه يفاااوضكم الهلااااااال فيهااااا تعلنوووون الخبر وتريدووون المزااايده على الهلاااااااال ,,بينمااا انديه اخرى تطلب لاااعبينكم ولاااا أحد يعلم الاااا بعد التوقيع,,, بالعربـــــــي : الهزااااع ومن يعمل معه لااا يريدون اي لاااعب منهم ينقل للهلاااااال ... والناااااااقور ماااقصر عرض عليهم مبلغ كبير..اضااافة الى التكفل بمعسكر خااارجي للقاااادسيه ...بس كل هالأشياااء ماعجبت الهزااااع ورفااااقه,,,, |
قريبك ماقابل ميسي بيجي الهلال ولا لا ياخي ارحم عقولنا حسن الناقور ماقصر اما حكايه بالونات و200 الف كلام بزران يبقى الناقور فخر الهلال ونفتخر فيه نحن الهلالين ولاعزاء للحاقدين. |
ودي .. ودي أصدق بس قوية اعذرني |
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــ ايه طيب |
اللاعب اتحادي بنسبه كبيره!! اما ادارتنا ماعندها الا الكلام!! للاسف لنا سنتين نطالب بالشهراني وفي الاخير يطير للانتحاد في غمضة عين! بخصوص الناقور للامانه اثبت فشله في المفاوضات له سنه يفاوض الشهراني وفي الاخير انسحب من الصفقه! ماننكر ان الهزاع يماطل ويحاول يطلع باكبر مبلغ لكن برضو المفاوض الهلالي سئ! |
لو صادق بكلامك كان باعو خالد الغامدي وسددو الديون بعدين النصر طلب الشهراني وكان بمليونيين فقطططط والشهراني رفض ووقفل جوالة وقال مابنتقل الا للهلال عزيزي كلنا ندري عن رئيس اعضاء الشرف بالقادسية وكان بينقل الشهراني بنفس الوقت مع الغامدي وكيف نقل بوقاش للنصر ونقل ريان بلال والقرني للقادسية بالعربي القادسية فرع للنصر وهو الي متحكم فيه ( ابو كحيلان ) الناقور ماقصر بس مو معقول الناطي يدفع ١٨ مليون للاعب اولمبي حتى لو كان مميز الهلال رفض لما وصلت الصفقة ل ١٨ مليون ولو وافق راح يرفعونها حسن الناقور فخر الهلال ولاهو ضعيف في المفوضات ولاشي بس الاندية تطمع بالهلال واذا صار الهلال هو المفاوض نشرو خبر الصفقة عشان المزايدات عندك الحين صفقة مسلم الرائد ليش الرائد. اعلنو عن الصفقة قبل التوقيع ؟؟؟ وعندك بارقي ابها اعلنوها قبل التوقيع !!! الاندية تطمع بالهلال وهذاةقدر ادارة الهلال .. لانها ترأس نادي كبيرررر |
هي واضحه ما يبيلها تفسير اكثر من 5 لاعبين للنصر في اخر سنتين بمبالغ بخسه مع رفض انتقال الشهراني للهلال بمبلغ كبير لو هي بيد الهزاع (الموضف في شركه ابو كحيلان) كان نقله للنصر بمليونين لاكن الاعب رفض الانتقال الا للهلال |
الموضوع واضح وضوح الشمس .. كل الناس تطمع لو دخل نادي الهلال في شراء اي لاعب .. وانا ما الوم الإدارة لو ما فكرت بلاعبين محليين .. للعلم انه في نادي الهلال لاعبين صغار بالعمر و محاولة خلط الصغار بالممتاز .. و هذا فكر يشكرون عليه ولكن انا مو فاقع مرارتي الا انه الانديه الصغيرة مثل القادسية و بعض الأنديه تطلع عندهم مواهب و يكونون تحت رهن قرارات ادارتهم للعلم اللي اعرفه انه الشهراني يبي الهلال .. ولكن طمع القادسية ادى الى وضع قرار الإنتقال بالمزايده يعني لاعب توه بسم الله في بداية المشوار 18 مليون اجل الشلهوب و عبدالعزيز الدوسري و ياسر القحطاني و المنتشري و المولد و عبدالله شهيل و ناصر الشمراني يعتبر الهداف في الدوري لثلاث سنوات متتالية .. كم بتصير اسعارهم فوق الــ 30 مليون .. شي مبالغ فيه .. و شي ما يدخل المخ . ولكن يخلون اللاعب عندهم وما ردهم بيجون و يقولوون تعالوا شاريكم نبيعه لكم 10 مليون .. ادارة القادسية غير احترافيه اول مره اشوف نادي عنده لاعب يروح يسووقه للأنديه و رئيس النادي او من ينوب عنه يروح للأنديه نفسها و يعرض اللاعب للبيع .. |
حرام عليكم يا هوووووووووووووووووووه , أكلتوا الرجال بقشوره , ما أحد يصرح هالأيام ويقول اللي في خاطره , وقريبه بعد يمون على الهزاع قابله وقال خل أدردش معه والهزاع دردش وقال خلوا الناقور على البالونات , بكل بساطه الهزاع يقول هالكلام , يدردش الرجال . عموما دردش ولا ألف , خفوا عليه , وبعدين ذا قريبه موب هو حتى تحطون عليه. تحياتي |
الوقت المعتمد في المنتدى بتوقيت جرينتش +3.
الوقت الان » 10:53 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd