الســـــلام عليكم ورحمة الله وبركاته:
سعادة أعضاء مجلس الاداره الهلاليه ..
سعادة أعضاء المـــوج الازرق ...
لقد نفذ صبري وتصلبت الاورده الدمويه لدي وأنا ارى تخبطات فنيه ستودي بحياتي ان استمرت منها :
من ناحية التكتيك فهذا الرجل المدعو بهاسيك يفعل الافاعيل ويمطرس وحتى الان لا توجد له بصمه واضحه عالفريق على مستوى جميع الخطوط , واتمنى طرده في اسرع وقت وان شاء الله نجلس بدون مدرب ارحم من فدغته.

أما من ناحية التكنيك فيوجد لدينا لعيبه لا تعرف اساسيات كرة القدم ولا ثقه بالنفس ولا تملك الفكر وتسبب الارتباك للمنظومه اجمع ومنهم الكابتن المرشدي والغنام والزوري , مثلا الزوري عرضياته قد تصل للمدرج من الناحية الأخرى ولم أر له اي عرضيه متقنه , بالله تجيب محترفين زي الكوري والعربي ولا فيه احد يعرض لهم والامدادت مقطوعه عنهم وش تبيهم يسون لك , ليش العربي يرجع لمنتصف الملعب عشان ياخذله كوره , محور زي الغنام لا يعرف يقطع صح ولا يعرف يسدد ولا يعرف ينقل كور طوليه ماغير شغلته يرجع للمرشدي , والمرشدي للزوري وهلم مجره .. القرني صغير ويستاهل نصبر عليه حتى تنصقل موهبته أما الغنام لا والف لا يا يلعب صح او حرام ياخذ الخانه. الزوري اتمنى تنسيقه او اعارته لأنه والله مامنه فايده لفريق زي الهلال يوجد لدينا شافي يستاهل هالخانه او سلمان الفرج يبدع فيها مع انها مو خانته. والمرشدي اتمنى اراه مع الرائد او الطائي واستبداله بمدافع محلي او اجنبي , دفاعنا بعد هوساوي صار ولا شي . المهم نبي لاعبين قاده ناس واثقه من نفسها وتمتلك الامكانيات الفنيه اللي تساوي المبالغ التي تدفع لهم .

نرجوا تكرمكم في النظر فيما كتبت والله ولي التوفيق.