ما قالة الصحفي محمد البكيري عن الهلال - نادي الهلال السعودي - شبكة الزعيم

عاشق من أهل الجنوب · #1 27/04/2012, 01:32 AM

بسم الله الرحمن الرحيم

السلام عليكم و رحمة الله و بركاته :-
في البداية ( نتحمد على سلامة اللاعب بدر الدعيع و ابو فيصل و ما يشوفون شر ) و نبارك التأهل لنصف النهائي

.

ما ذكرة الكاتب محمد البكيري في برنامج اكشن يا دوري مع وليد الفراج في حلقة الخميس حيال مستوى الفريق هذا الموسم هو يعود إلى الجهاز الفني و المحترفين الأجانب و عن قوله " لو يكون الدوري السعودي بدون محترفين لأصبح الهلال ثالثا أو رابعا على مستوى الاندية السعودية و أنه لا يوجد لاعبين محليين لدى الفريق الهلالي و على حد قولة لا يوجد سوى لاعب أو لاعبين فقط .. "

في الحقيقة كلامه إلى حد كبير صحيح فالهلال من فترة طويلة لم يعقد صفقات محلية ابد و ضعف بالفريق فالهلال بحاجة ماسه للاعبين جدد و وتدعيم صفوف الفريق بلاعبين محليين على مستوى عالي ..

ومن هنا نطالب سمو الامير عبد الرحمن بتدعيم الفريق بلاعبين محليين خصوصا في الجانب الدفاعي للفريق و اعطائهم الثقة و إعداد معسكر يليق بمستوى الفريق و مباريات ودية قوية ..

HiLaLy 4 EvA · #2 27/04/2012, 01:36 AM

لا يهمك كلامه

الهلال قدم مستوى ممتاز بكاس ولي العهد باجنبي واحد يو بيونغ سو

الاتحاد كان بكامل نجومه لما اخرجه الهلال عكس الهلال الي كان يعاني من غياب العنصر المحلي والاجنبي

البكيري كلامه فاضي بس يبي ينزع ثقه الجمهور بالاداره

اجل الاتحاد مفروض يكون الاول بالعواجيز ؟

Asraaar · #3 27/04/2012, 02:31 AM

إقتباس

الرسالة الأصلية كتبت بواسطة HiLaLy 4 EvA


	لا يهمك كلامه الهلال قدم مستوى ممتاز بكاس ولي العهد باجنبي واحد يو بيونغ سو الاتحاد كان بكامل نجومه لما اخرجه الهلال عكس الهلال الي كان يعاني من غياب العنصر المحلي والاجنبي البكيري كلامه فاضي بس يبي ينزع ثقه الجمهور بالاداره اجل الاتحاد مفروض يكون الاول بالعواجيز ؟

قلت كل شي بخاطري
عواااااافي ولا يهمكم كلام العذاااااااااااال

3nezawi · #4 27/04/2012, 07:59 AM

إقتباس

الرسالة الأصلية كتبت بواسطة HiLaLy 4 EvA


	لا يهمك كلامه الهلال قدم مستوى ممتاز بكاس ولي العهد باجنبي واحد يو بيونغ سو الاتحاد كان بكامل نجومه لما اخرجه الهلال عكس الهلال الي كان يعاني من غياب العنصر المحلي والاجنبي البكيري كلامه فاضي بس يبي ينزع ثقه الجمهور بالاداره اجل الاتحاد مفروض يكون الاول بالعواجيز ؟

هذا ما كنت سـ اقول ..

جهودك مشكورهـ

السراب الازرق2 · #5 27/04/2012, 01:36 AM

يخسى نحن الفريق الوحيد اللي بدون محترفين احلى فريق يمتع ويحقق النتائج ويحمد ربة ان نواف العابد الليلة مو موجود .

عاشق من أهل الجنوب · #6 27/04/2012, 01:40 AM

نعم الهلال يملك طبقة لاعبين محليين ومعدل أعمار ممتاز لكن المدرب راسه تنكه

ما يحتاجه الفريق هو لاعبين محترفين بمستمى مميز و مدرب ناجح و إعداد ممتاز

شكرا لكم ^

Blue.MaN · #7 27/04/2012, 01:41 AM

يعني تبي تقنعني أن الهلال حآلياً معتمد عـ الاجآنب

؟

وبغض النظر عن اذا مآ كنآ نعتمد عالاجانب حآليا أو لا !!!

وش الغلط في فريق قوته في أجآنبه ؟!

ريال مدريد أعظم فريق في العالم معتمد عـ الاجانب !!! وعلى غرآره كل الاندية العآلمية

هذآ ماهو عيب ولآ خطأ

! بالعكس هذي ميزة الكل يتمنآها

يآ ليت ما ننقآد مع اي نقد ومع أي شخص لأن هذولي مآ صرحو هـ التصآريح الا أنهم عجزو عن مجآراة الهلال بأجآنبه وبدونهم

لك ودّي

هلالي موسيقار · #8 27/04/2012, 01:41 AM

ماعنده سالفه

الهلال مستقبله افضل من باقي الفرق بالنسبة للاعبيين المحليين

سالم الدوسري والفريدي وعزوز الدوسري والقرني والبيشي وعبدالله الدوسري والزوري
وشراحيلي اعمارهم صغيره ومستقبلهم باهر

والفرق الاخرى عواجيز ورجيع مصيرهم بعد سنه يسحبون كروشهم

فقط مشكله الهلال فنيه واداريه
فنيه بسبب وجود مدرب سباك لايجيد توظيف اللاعبيين وقراءة المباريات

وادارية بسبب اعطاء الصلاحية الكامله لسامي الامر الناهي بالنادي ولديه العديد من المشاكل

مع اللاعبين فرط بالغامدي وطفش عزيز الذي كان والده طريح الفراش ولم يتم تقدير ظروفه

واليوم نشاهد عزيز منضبط مقدم مستويات رائعه وله ثقل كبير بناديه وكل هذا حدث بعد وفاة والده رحمة الله عليه وازالة جميع ظروفه السابقه واليوم نشاهد ياسر يبدع خارج الوطن

واسامه والفريدي الان بالطريق للبحث عن الاستقرار بفرق اخرى حتى لو خارجيه من اجل ابتعادهم من التصادم مع الجابر الذي يعاملهم كمعاملة التجار لعماله

نفاش · #9 27/04/2012, 01:52 AM

إقتباس

الرسالة الأصلية كتبت بواسطة هلالي موسيقار


	ماعنده سالفه الهلال مستقبله افضل من باقي الفرق بالنسبة للاعبيين المحليين سالم الدوسري والفريدي وعزوز الدوسري والقرني والبيشي وعبدالله الدوسري والزوري وشراحيلي اعمارهم صغيره ومستقبلهم باهر

باهر اجل !!!!!

ماقول الا سقى الله ايامك يابو يعقوب ... كل اللي ذكرتهم ماعدا عزوز انا اعتبرهم بزران ويلعبون بسمعة النادي

قال باهر قال

هلالي موسيقار · #10 27/04/2012, 01:54 AM

إقتباس

الرسالة الأصلية كتبت بواسطة نفاش


	باهر اجل !!!!! ماقول الا سقى الله ايامك يابو يعقوب ... كل اللي ذكرتهم ماعدا عزوز انا اعتبرهم بزران ويلعبون بسمعة النادي قال باهر قال

ع الاقل هم افضل محليين بالدوري السعودي

فقط محتاجين مدرب وزع الحماس والروح فيهم

*زعيمه جنوبيه* · #11 27/04/2012, 01:56 AM

إقتباس

الرسالة الأصلية كتبت بواسطة نفاش


	باهر اجل !!!!! ماقول الا سقى الله ايامك يابو يعقوب ... كل اللي ذكرتهم ماعدا عزوز انا اعتبرهم بزران ويلعبون بسمعة النادي قال باهر قال

ايوه صادق أخونا مستواهم أفضل من الموجودين بالفرق الثانيه مقارنه بالسن

ماله داعي يا مندس تكذب بقوه سالم والبيشي والفريدي والفرج يلعبون بسمعة النادي

نفاش · #12 27/04/2012, 02:44 AM

إقتباس

الرسالة الأصلية كتبت بواسطة *زعـيـمـه جـنوبـيـه*


	ايوه صادق أخونا مستواهم أفضل من الموجودين بالفرق الثانيه مقارنه بالسن ماله داعي يا مندس تكذب بقوه سالم والبيشي والفريدي والفرج يلعبون بسمعة النادي

ههههههههههه حلوه مندس شكرا على هالوصف حسيت اني بنص سوريا
عشانك بنت ماراح ارد على كلمة تكذب وبقوه !! يعني مابي اخدش فحولتي

بس تعالي ياللي مو مندسه نعمل مقارنه وان شاء الله تقتنعين
ايهما افضل من وجهة نظرك ؟؟؟
سالم الدوسري = حمد الحمد
البيشي = حسن معاذ
الفريدي = يحيى الشهري
الفرج = الشهراني

اذا عندك نظره فنيه جاوبي ... ولا كثر الكلام مايفيدني ولا يفيدك ياستاذه مو مندسه
بالمناسبه ياليت تشرفين موضوعي ياصاحب السمو لاتعبثوا بتاريخ الهلال وتعطيني وجهة نظرك اتوقع مو بس تقولين مندس اتوقع انك بترميني بنبيطه

http://vb.alhilal.com/t1094593.html
تحياتي

غالي علينا · #13 27/04/2012, 01:46 AM

يعني تبي تقنعني أن الهلال حآلياً معتمد عـ الاجآنب

؟

الموج الازرق 999 · #14 27/04/2012, 01:47 AM

محمد البكيري ( مثل الي يقول الكذبه ويصدقهآ )
يخوفي كلام الاعلامين الحاقدين
يؤثر على الجمهور
نجوم الهلال المحلين اهم من ساعد الاجانب ع النجاح

ما صدقت نتلاقى · #15 27/04/2012, 01:48 AM

يعني اللي عندنا هالموسم يعتبرهم البكيري أجانب ؟!!!!!!!