|
موضوع للمناقشة / ايش هو اللسبب في انتشار لقب ابو سروال وفنيله & ام ركب سود بسم لله الرحمن الرحيم السلام عليكم كيفكم عساكم طيبين ان شاء الله قبل مـ ابدا راح اقولكم شي عندنا الله يسلمكم دكتور في الجامعه من احدى الجاليات العربيه العزيزه المهم هذا الدكتور رهيب بمعنى الكلمه هو دكتور للثقافه الاسلاميه في موضوع كان عن الزواج "" وتعرفون انتم المواضيع هذي تكووون شيقه ورهيبه وتركيز الشباب في القاعه مـ يحتاج ونشوف غمزات ولمزات في القاعه بين المتزوجين:naughty: وغير المتزوجين :cry: عاد عندنا الدكتور بطريقته يعرف كيف يخلي المتزوج بعد المحاضره ركض بدوون نعال الله يكرمكم على البيت :ls: مدري ليه مستعجل "" المهم ان الدكتور يطلق على المرآه السعوديه بـ ام ركب سود مدري من اللي علمه :s5s: وينصحنا بالزواج من ديرتهم ونترك بنات ديرتنا يمزح معنا طبعآ بعد هذا الكلام عاد انا رديت عليه :ranting: ومارضيت يسب بنت بلدي قدامي حتى وان كان مزح ورديت عليه وقلت له ان هذا ان دل يدل على صلاح بنت المملكه وهذا السواد يدل على كثره الركوع على الركبه ... قمط العافيه بعد هالكلام:s3s: انا اعطيته الكلام ومدري هذا هو السبب الحقيقي والا تصريفه من البنات عندنا الهدف من الموضوع / ابغى المناقشه بدووووووون زعل وعصبيه عن السبب الحقيقي في انتشار (( ام ركب سود وابو سروال وفنيله )) ولد عمي يدرس في استراليا يقووول ان الاستراليين وصلت لهم وصاروا يلقبونهم بـ ابو سروال وفنيله وام ركب سود تحياتي للجميع |
اهلين موضوعك حلو للمناقشه لدرجة اني كنت داخله المنتدى بدون ماا اسجل دخولي ويوم شفت الموضوع سجلت دخولي وتعنيت وكذا :D انا ماودي اناقش بقد اني بقول وجهة نظري بخصوص ابو سروال وفنيله والله انا عن نفسي لما ابي اتزوج اكره زوجي مايكون انيق بلبسه وشياكته وكذا يعني مثل ماهو يبيني اكون انيقه واكشخ له وذا .. انا ابي اشوفه بلبس كويس وانيق مب اربع وعشرين ساعه سروال وفنيله .. لدرجة هالسروال يصيح يقول افصخني يرحم امك خلاص مابيك صرت اصفر من كثر ماتلبسني :D الزبده انو انا احب الرجال الي يكون لبسه حلو ويعرف يختار لبسه بنفسه .. وصراحه لاحظت شي ان الشباب السعوديين صايرين متطورين من خلال لبسهم وشياكتهم عكس اول الي ماكانوا منفتحين ع الموضه والخ ملاحظه ادعولي اتزوج واحد يشبه كرستيانو رونالدو :$ برب .. |
نحن بحاجة فعلاً لمناقشة هذه القضية ! |
إقتباس:
والله شف وانا اخوك ياصاحب الموضوع حنا صراحة شعب مهستر مهوب عاقل صراحة السروال لبس مريح وينفع لجميع الاوقات تطلع فيه تنام فيه تلعب فيه كورة نصلح سيارتك وفوق هذا كله مايضايقك بس المصيبة وانا اخووك ان في ناس احس مافي دولابها غير السروال والفنيلة والثوب التنويع حلوو شوووي ثووب وشووي بدلات (بس مو بدلات قليلة الحيا) يعني ع الاقل غير ستايلك شووي بس سالفة السروال والفنيلة وام ركبة سودا يقولون انها كانت بسبب احزاب وجماعات خارجية احبت ان تشتت لم الشعب السعودي وتحدث فيه التفرقة والعنصرية ومااشوف منها فايدة ابد :s5s: |
إقتباس:
موضوع جيد للمناقشة ولكن دعني أختصر لك تاريخ هذه القصة الرجل السعودي أو الخليجي يرتاح راحة مو طبيعية بالفنيلة والسروال .. لأن الملابس الفضفاضة تريح الرجل في العادة ومعروف ان السروال الأبيض مريييج جدا وبارد وقت الصيف وايضا من جهة صحية فهو الأفضل بلا منازع وخاصة ان المناطق التناسلية لدى الرجل تحتاج لدرجة حرارة أقل من درجة جسم الانسان الطبيعية .. :yes: لهذه الاسباب يفضل الرجل العربي عموما لبس الاشياء الفضفاضة .. وحتى عندنا في اليمن نلبس ال (معوز - فوطة ) لانها اريح كثييير ... وحتى انا في ألمانيا ألبس السروال الابيض بس ألبس بلوزة ملونة وانزل السوبرماركت وكثييير من اصحابي الألمان سألوني عن هذا السروال ويبون يشتروا مثله ... << لو يدري الأصيل والا الشياكة يفتحوا فرع في برلين هههههههههه !! :d ولكن هذا اللوك أصاب الفتيات بالغثيان :mad: وهم يرون أخوانهم وابائهم وازواجهم بهذا المنظر ولهذا أقاموا العديد من الحملات على هذا اللبس الرائع .. :wub: نتيجة لهذه الحملات وتبعا لقانون نيوتن (لكل فعل ردة فعل مساوية له في المقدار ومعاكسه له في الاتجاه ) بحث المراهقيين على صفة في البنت لكي يردوا الصاع صاعين ولم يجدوا غير ركبتها :smilie47: ... مع اني لا اتفق معهم اطلاقا !! :yes: ونتيجة للتطور الهائل في التقنية والبي بي والفرااااغ اللي عايشينه شبابنا وفتياتنا :cry: .. انتشرت النكات واتسعت رقعة العناد الى أن أصبحت قضية شرق اوسطية ... وقريبا ستصبح عالمية ... الحلول : لا أتوقع أن نجد للقضيه هذه حل مجديا سوا أن ننتظر ليمضي الزمان ويكبر جيل ابو سروال وفانيلة وام ركب سود .. ويظهر لنا جيل .. الله أعلم ماذا سيفعل :s2: لكم ودي |
هلاليه أجلسي فبيـت أبوتس وأنا أختس أفضل من جميع النواحي:d:smilie47: الله يرزقنا ويرزقـتس:d<بعد عمرن طويل ان شآء الله:razz: ميـر والله تحفرين يَ بعدي أمرحي بس:d ^ أمانتن اأبو صروال بـدأ وحنا بدينا:d ماعندي أي تعليق متابعـه..:rose: لگ ودي:rose: |
وعليكم السلام ورحمة الله وبركآتة إهـلآإ وسهـلآإ بكك :rose: بآعتقآدي سبب إنتشآر هذه الالقآب : إنها كآنت في البدآية على سبيل المزآح وإطلآق النكت وتغير الجو والتريقة و..الخ ! وبالنهاية صآرت مسبة :ranting: ؟! وكلن يتريق علينآ يآإهل السعودية :s5s:؟! وسبب إنتشآرها الاول والاخير : برآمج التوآصل الاجتماعي (بلاك بيري .. تويتر .. فيس بوك ..الخ ) وصحيح إنهآ مزح بالاغلب ! لاكنها شوهت سمعتنا :s5s::cry: ! يعطيكك إلف عآفية .. شكرآ لكك دمت بحفظ الرحمن |
الاسطوانة المشروخة , الركبة من كثرة السجود تصير سودا , ماشاء الله على الدين , تسجد من دون جلال على سراميك حار ولا فحم النكت والذبات بكل مجتمع بس حنا ما تعودنا , ما تدري بعدين نصير زي مصر اي شي يجيهم يقلبونه نكتة والناس تنبسط والوضع لك عليه سي يا |
والله بيني وبينك هالدكتور ماعليه شرهة.. الشرهة علينا حنا الله لا يشغلنا الا بطاعته |
|
|~ مـددريُ والله .. ,, أمم ركبً سود > والله ماششوف ان ركبنآ سسودَ حمدلله والششكرٌ بسً $: أبو صصروآل وفنيلهَ > الله يسستر عليكمم لانكم بس تلبسسونن صروآل وفنيلهً > أمزححً هععُ ممأعنندي مننآقششه اكثر من ككذآ |
| الوقت المعتمد في المنتدى بتوقيت جرينتش +3.
الوقت الان » 12:49 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd