البردعي شوشو(اسم الدلع حقي)
والخديوي (ذوبو)بو الذهب
والبطران (بوطو)ال بو
هؤلاء ثلاثة قواد (كل واحد قائد حرَ بنفسه)
طبعا اقوى واحد فيهم انــا
دقينا سلف (يعني شغلنا) الاباتشي وخليناها تحمى شوي وقعدنا نفكر !!
وش نسوي بهالعلوج(يعيال تصدقون هالصحاف اشتهر شهره مهيب صاحيه...لدرجة ان فيه ناس"وانا منهم" ينتظونه ويعطلون مصالحهم عشان يشوفونه على التلفاز ويستمتعون فيه وكانهم يتابعون فلم جديد )
المهم
قلنا وين نروح له
لقراج الحرس الجمهوري
والا للمزارع حقات فيدائيين صدام
والا لمطار كربلا
والا لمواقف البطحا
قالو العيال
خلنا نروح لمواقف البطحا اقرب واحسن لنا من المشاوير الثانيه(ترى مب هدفهم القرب هدفهم انهم مايروحون وطي )
لما احتمت المازدا –اوه قصدي الاباتشي- رحنا لاقرب محطة ووقفت عندها وقلت ياعيال الذينــــــــــا...اللي يبي يتمشي بالمازدا في العليا يعبي البانزيم فل
ابو الذهب قال ابشر ي بو خوا بس حول انت وخلني اسوق بدالك
حولت وساق الرجال يوم عبا الهندي البانزيم
وقم يهالثور الخديوي وعشق بواحد وانحش عن المحطه
الهندي يقول
فلوس سديق
سديق
سديق
المازدا ماتشوف الا غبارها
قلت الله ياخذك يالخديوي ورطتنا مع هالهندي وسرقتا بانزيمه
قال يرجااااااااااااااااااال وسع صدرك
الدنيا حرب الحين ومحدن داري عن احد
وال بو راكب ورا ومبسوووووووووووووووووووط ويضحك
ويقول
ايه يالخديوي
والله انك ذيب عرفت تنحاش
ابو الذهب يقوله وهو متشقق مابعد شفت شي
المهم
كملنا التمشيه وسواقه هالدلخ الخديوي كنها وجهه
ياما يحد هذا
ومرتن يلف على ذاك
واذا شاف ليموزين تقل كنه ثور شايفن له فوطتن حمرا
ومرتن من المرات اللي حد فيها راعي ليموزين
قعد يتهاوش هو وياه
انتا مافيه سوق زين
انتا مجنون
وقم ي الببطران ال بو وناقزي ي شياطينه
وقم وتهاوش وتساب مع هالباكستاني
وسبتن منا وتفلتن مناك
قال ال بو وش رايكم ننزل عليه ونفرشه
قلنا قدااااااااااااااااااااااااااااااااااااااااااام
(انا من ناحيتي ماودي اطاق جبان يعني )
وقفنا
ونزل ال بو
ونزل الباكستاني راعي اللموزين الرجال ضخم ما يدخل مع باب المنتدى
انا بصراحه ذرقت (خفت)والتفت على الخديوي
وقلت له عندك رجلين
قالي ايه
قلت الوعد الاستراحه
وخل هالبطران ال بو يتلاجد هو وهالباكستاني
رحنا الاستراحه
وبعد دوديدقات(يعني دقايق)
جا البطران ال بو
الله جعلكم ما تشوفونه
مصفق اليـــــــــــــــــــــــــــــــــــــــــــــن اذن
ومسحب في الشـــــــــــــارع تقل كنه خلق مجدوع
ومفقع وجهه تقل كنه مطبات شارع النخيل بالبديعة
وقعد يسب ويشتم
ويقول وراكم خليتنون لحالي يــا عيـــال الكـ.......
وقعد يسب ويشتم
قل ناله بتسكت ولا نناديلك راعي الليموزين
(خاف)وقال لأ ابسكت
الشاهد من الموضوع
ان الاجانب في ديرتنا بدو يتجرئون وبشكل كبير على ابناء وممتلكات بلادنا
واحيانا تخاف يا ابن البلد من الاجنبي وهذي والله مشكله بدات تتزايد وبتسارع
انا لا اقول عن الموقف السابق وتعامل ال بو مع صاحب الليموزين كان صحيحا.. ابدا...هو تعامل خاطيء
او تعامل ابو الذهب مع صاحب المحطه كان صحيحا .ابدا...هو تعامل خاطيء ايضا
لكن انا كنت اتكلم عن جراءة هؤلاء الاجانب في هالديره على اصحاب الديره انفسهم
وفي المقابل اتسائل فعلة ابو الذهب بصاحب المحطه اصبحت هذه الايام منتشره وبشكل كبير
عندي سؤالين...اتمنى اسمع رايكم فيها
س1: في اعتقادك.ما اسباب جرءة الاجانب المقيمين في البلد على ابناء البلد؟
س2: ما اسباب تصرف ابو الذهب وامثاله بمثل هذه التصرفات الدخيله على مجتمعنا ؟

اخيرا
لا تحسبوني كتبت هالموضوع هذا عشان سيارتي بغت تنسرق قبل اسبوعين ..لأ ابدا(ايه هين..صدقتك ي شموخ لاتحلف)

حكمه:
قمله ربحت المليون في سباق سألوها ..
وش تسوين بهالمليون
قالت ابشترى فيها شوشه القذافي واسكن فيها