|
بعض الأعضاء رجعو لتكرار المواضيع لكن هالمره بطريق مضحكه .. أنا موضوعي هذا لبعض الأعضاء صغار العقول الي يبون فتنه بين جمهور الهلال وخاصه جمهور الهلال الوفي في الرياض .. الأحظ كل من هب ودب ... ينتقد أساس الهلال وصحاب أنجازات الهلال الأول بعد الله جمهور الهلال بريااض ... جمهور مايحضر جمهور مو وفي جمهور مناسبات جمهور مدري وش ... والمضحك جداً .. انها مكرره .. وتكتب ... من نااس .. والله 99% منهم لم يحضر الملعب ولو حضر يجب حضور ولي أمره لصغر سنه ... جايني تنتقد جمهور الهلال في الرياااض ... جمهور الهلال في الرياض خاصه .. لم يخذل الهلال ولا مره .. وووقت الجد تحصله في المكان المناااسب .. لاحظت الأن كل شوي ناط واحد يكتب انه جاي من خارج الرياض للهلال وياجمهور الرياض خلوكم في المقاهي ... ياعمي والله كل الي كتبو الموضوع ماراح يجي الاواحد من الي قالو بيجون ويمكن ساكن بلخرج او الدرعية .. اما الي يقول من 1000 كيلو والي يقول من خارج المملكه ... خف علينا ياداعم الهلال الأول .. والله لو حالتي الماديه تسمح كان حققت امنيتهم وخليتهم يحضرون للهلال على الطبيعه ولو بمنطقتهم ... انا كاتب الموضوع هذا من حرقه في قلبي على كثر الكلام عن جمهور لهلال الوفي في منطقة الرياض ... وأن شاء الله بنملي الملعب كعادتنا ونحتفل بالبطولات مع نجومنا من الملعب وليسى من خلف الشاشات ... |
أنا اتفق معاك في جزء بسيط من اللي قلته ولكن للامانه جمهور الهلال خارج الرياض يحضر دائما بكثافة أكثر من جمهور الرياض وهذا شي معروف ليه تحاول تستنكر الموضوع هذا ..... الاهم هو الهلال ككيان بالتوفيق له دائما وابدا |
إقتباس:
الهلال في الموسم الواحد يلعب كم مباره ... في الرياااض ... يلعب أكثر من ... ( 26) مبارة في الموسم الواحد في الريااااض فقط ... وتقول مايحضرووون ... وتقارنها ... بمبارة وحده في الدمام او جده او القصيم .. والله لو الهلال يلعب 10 مبارات بلموسم في اي منطقه لن يحضرو بكثافه في كل المباريات .. |
إقتباس:
|
جمهور الهلال بالرياض يبغى كل البطولات الي في الموسم ولا مايحضرهاذا هو الواقع وخاصه اذا خسر الهلال في المباره الي قبلها ولا تعادل ماتشوف احد ياحبيبي برشلونا وهو برشلونا خسر من بطولتين خلال 4 ايام طبيعي بكرة القدام خساره وفوز |
وهل قلنا غير الحقيقه طيب انت تقول خارج الرياض مره واحده طيب جيب لي مباراه في الرياض من الموسم اللي فات وهذا حضر فيها 30الف او حتى 20 وتبي الجد المفروض الجماهير كل مباراه الملعب فل حتى وان كانت اكثر من 50مباراه في الرياض طيب الحين بتجي الخصخصه يعني الهلال بمنظورك هذا اكيد خسران ولافيه اي شركه بتراعاه خصوصا من ناحيه الحضور نعم كل جماهير الهلال يد واحده لكن لما جمهور منطقه يتفوق ويحضر هنا يجب الاشاده بهم مو ترك الاشاده بهم عشان خاطر جماهير الرياض والعكس صحيح فرجاء بلاش تحسس واتمنى يوم الخميس الملعب فل وكل من يستطيع ان يحضر وبعدين انت تقول يقولون من خارج الرياض نعم هم صادقين وكثير هم من يجي من خارج الرياض واكبر دليل البعض اذا شفته يقول بل الاغلب من خارج الرياض |
بأذن الله يمووووووووج الملعب بالموج الازرق..... الهمهـ ياااااااااااازعمااااااء....... |
بالتوووووووووووفيق للزززززززززعيم وان شاء الله جمهووور الززززززعيم ما راح يقصرووون <CENTER>http://www./d4/up13347934581.jpg</CENTER> |
إقتباس:
انا ماحب التفرقه هذا من جمهور الهلال خارج الرياض وهذا من داخل الرياااض لكن انا كمحب للهلال من الرياض يضايقني كثيراً المواضيع الي تقلل من قيمة هالجمهور الي يعاني كل المعانه للحضوور ... وصح فيه تقصير لكن نبقى وفيين للكيان لا لا للأشخاص ... والله يوفق الهلال ويحقق طموح جميع جماهيره واتمنى ان الي يشجعون الهلال من خارج الرياض في مبارة الهلال امام الغرافه يجون للملعب ويشاهدون الهلال على الطبيعه عن حق وحقيقة مو بالكلام ... |
إقتباس:
|
إقتباس:
لاتفسر كلامي على كيفك انا ماقلت عادي .. ان محد يجي ... كلامي واضح ... انت تلعب 26 مباره في ارضك مو معقول بيكون نفس حضور الجمهور بالكثافه في مبارة واحده بمنطقة اخرى .. وبنسبه لكلامك عن الأدارة .. الأدارة المفروض تجي تدير النادي ومالها شغل في الجمهور حضر ماحضر ولاتجعل مقياس عملها تقصير الجمهور لأن هالشي يدينها .. ويكفي حضور ( 70 ) الف متفرج وخروج يفشل امام الفريق الأيراني ... واي ادارة تفشل في عمل تقول انتم يلجمهور ماجيتو لاتطالبون لا بنطالب لو مايجي للملعب الا واحد .. |
كلام عين العقل الف شكر لك |
نتمنى أن الجمهور يحضر في كل مباريات الهلال لا نقول (يخلي الملعب فل) على الأقل الحضور يكون محفز وحضور يصاحبه تشجيع متواصل |
بإذن آلله آلجمهور آلهلآلي بيقول كلمتهه يوم آلخميس وبيثبت للجميع مسآندته ودعمهه "$.....! |
لاتحاول تبرر وتبربر انا من الرياض واشوف الحضور قليل واكثر من مره صارت مباراه مصيريه عندنا ولا يحضر احد وبعدين وش ادراك ان اللي يكتبون ويطالبون الجمهور بالحضور مايحضرون المباريات . اذا كتبت اي موضوع خلك على مستوى الطرح ولا مافيه داعي تكتب حتى موضوعك فيه اخطاء املائيه كثيره وهذا يدل على ان ثقافتك ضعيفه مع احترامي لك بس حبيت ابين لك انك مو على مستوى موضوعك اللي كتبته |
| الوقت المعتمد في المنتدى بتوقيت جرينتش +3.
الوقت الان » 08:08 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd