|
ياسر الشهراني يضرب إدارة الإتحاد ضربة موجعة امتدادا لمسلسل الضربات الموجعة والتي ابتدأت منذ رغبة الزعيم الأسيوي في شراء بطاقة اللاعب ياسر القحطاني والتي دخلت الإدارة الاتحادية طرفا في المفاوضات وضربة ياسر الشهيرة في ذلك الحين .. في هذه الأيام التاريخ يعيد نفسه ويعاد السيناريو مرة أخرى .. فلقد تفاجئ الأستاذ عيد الجهني ورئيس نادي القادسية عبدالله الهزاع رد ياسر الشهراني بعدم رغبته في الانتقال لنادي غير الهلال وبطريقة غريبه وفيها نوع من القوة والإثارة !! في النهاية اللاعب استدرك الوضع وبرر موقفه بطريقة مؤدبه بأن منطقة الرياض أقرب لمقر سكن عائلته بالمنطقة الشرقية .. على أية حال سبق وأن طرحت موضوع سابق أتوقع الجميع يذكره بالبشرى التي سبق وأن بشرت جمهورنا الغالي لرسم البسمة على شفاههم بأن هناك اتفاقات وتعاقدات محلية تتم في الخفاء بنار هادئة جداً ؛ ولعل هذه أحدها ( أنا أقول لعل ) انتبهوا يعني ممكن يجي اسم ولا في الأحلام !!! تذكرت واحد من اللي تداخلوا بموضوعي السابق ولا راح اذكر اسمه ،لكن كان فيه نوع من التهور وأسلوبه شوي غريب في الرد !! حتى أذكر إنه نصح الجميع بأن يحفظوا اليوزر تبعي حتى إذا ماصار أي شي من هالبشرى بأن يحذر الجميع مني باعتباري مندساً او كلمة مقاربة لها وذكر كلام مافهمت معناه ..!! فغريب مثل هالكلام هذا !! غريب جداً كيف يكون المندس يحمل في كلامه بشارة للجمهور؟؟ ومن لوازم البشارة هي رفع الروح المعنوية ،حتى لو افترضنا جدلا عدم صحة هالمعلومات مع إنه ماكان فيها أسماء صريحة !! فأنا أقول لهذا الأخ الكريم المتهور له ولغيره من أصحاب الطرح الحاد إذا كان المندسون ينقلون لجمهور الهلال أخبار سارة تفتح النفس وتضفي الفرحة على الهلاليين الحقيقيين فأنا أقول الله يكثر من أمثال المندسين اللي ينقلون أخبار سارة ومفرحة لأن من مضامين الأخبار السارة والمفرحة ومن عادتها إنها ترفع المعنويات والروح المعنوية للكيان الهلالي بشكل عام، فأنا أقول للمندسين جزاهم الله خيرا ومشكورين على طرحهم ( بشرط )إن طرحهم للمواضيع تتضمن أخبار مفرحة تسر القلب وتبهج النفس وترفع المعنويات ، و ياليت المندسين دوماً وأبداً تكون هاذي طريقتهم في ردودهم وطرح مواضيعهم ،بل ومستعدين بعد نكرمهم بأوسمة وشهادات شكر وتقدير بس بشرط إن طرحهم في المواضيع وفي ردودهم يكون فيها رفع للروح المعنوية للمنتدى وللجمهور وللإدارة الهلالية بشكل عام .. آه تذكرت شي مهم جى في بالي الآن : أعيد وأكرر التعزية السابقة اللي سبق وأن قلتها في موضوعي السابق وهي خاصة للإخوة الضيوف الأعزاء ( الغير هلاليين ) : أحسن الله عزائكم مرة أخرى في موسم هلالي استثنائي غير شكل بإذن الله ..وأجبر الله مصيبتكم ورحم الله إخفاقاتكم .. وشكرا للجميع.. |
هبوط القادسية للدرجة الأولى راح يكون دافع كبير بالموافقة لإعارة ياسر الشهراني للهلال وبعدين القادسية محتاجين يصلحون اوضاعهم المادية على الله يجي رئيس جديد ويوافق على طول وتنتهي دوامة ياسر ومشكور على موضوعك |
- صفقه ياسر راح تتم بإذن الله . - بعدين من الغبي اللي بيرفض عرض الهلال ويروح للاتحاد ! :D - الاتحاد بيكمل 3 سنوات ماخذ بطوله والهلال كل موسم بطوله .. للاسف اكثر من لاعب مثل حسن معاذ يرغبون بقوه اللعب بالهلال لكن للأسف الاداره مخليه الصفقات المحليه اخر اهتمامها .. |
الله يكتب اللي فيه خيييير للهلال........... |
الله يكتب الى فيه خيررر للهلال لكن انا مادرى ليه رئيس نادى القادسية ماخذ موقف من الهلال كل ماقلنا بسم الله رد ولخبط الصفقه مابين مد وجزر للامانه هذا الاعب يبى الهلال وهو صرح بهذا الشئ لكن الادارة ماتبى تخليه يروح ولا ننساء ان القادسية ماشالله مع النصر وغيره اطلب واتمنى وطب وتخير بالاعبين لكن الهلال يحط مليون الف عقبه . انا ماقول الا ان هذا الاعب مطلب للهلال وخاصه فى تواضع مستوى الاظهره عندنا الله يجيبه ان شالله ونشوفه فى دور الثمانيه من ابطال اسياء معنا وبتوفيق للجميع |
باذن الله الشهراني هلالي.......... |
تبا للهزاااع ومماطالته معنا |
~-~-~~~-~-~ الله يكتب اللي فيه الخير للنادي الملكي .. |
الله يكتب اللي فيه خيييير للهلال........... |
دائماً مثل هذي المواضيع اللي يغلب عليها التوقع لا تُفيد أبداً , و ما يحصل الآن من مشادات بين صاحب الموضوع و شخص آخر بالمنتدى سببه تناقل المعلومات ( المتوقعه ) , يعني صحيح الهلال يفاوض اللاعب لكن إلى الآن لم يتم شي بهذا الخصوص . أتمنى من الجميع أن يهتموا بما نحن فيه الآن من بطولة كأس الملك و دوري الأبطال وترك هذه الأمور جانباً حتى حين الإعلان الرسمي من النادي عن الصفقات !! أتمنى من صاحب الموضوع أن يتقبل ردي برحابة صدر , ولكن يحزنني أن ارى مثل هذه المواضيع التي لا تُقدم ولا تُؤخر بل تزيد الإشتحان بين الجماهير دون فائدة !! |
تدري وش معناها معناه ان الاداره ما تقدر تجيب لاعبين الا اذا رفضوا عرض غير عرضهم وهذي مشكله مو كل لاعب راح يتمسك بالهلال الله يكتب لنا اللي فيه الخير يعطيك العافيه |
الله يكتب اللي فيه خير لهلالآآآآلنآ .. ووالشهراني هلآلي بإذن الله |
إقتباس:
واتفق معك إنه موضوعي فعلا يزيد الشحن بين الجماهير لكن فيه نقطة مهمة وهي : إنه الشحن هذا اللي راح يزيد ماراح يزيد بين جمهور الهلال ولكن راح يزيد للضيوف الأعزاء من جماهير أخرى ..وأعتقد إن الجماهير الأخرى إذا زاد شحنها لن تضر الهلال شيئاً .. أما مسألة ترك لمثل هالمواضيع هاذي لحين الإعلان الرسمي لها .. فأولا : هاذي بشرى وثانياً : لم يتم تصريح أسماء ، فأنا قلت لعل وعسى وثالثاً : وهو الأهم بدأت تظهر بوادر هذه البشرى ، وأخيرا : العزاء موصول لمن يهمه الأمر ! أحترم شخصك الكريم ولك مني كل التقدير |
وجهة نظري لاعب رااح يكوووون مقلب وللاسف مافيه لاعب سعودي نجم حاليا ياليت نهتم بلاعبيين الحواري لانه اكييد في نجوووم افضل من لاعبيين الدوري السعوودي |
الأخ الغالي آمل الهلال : لا تقول لرئيس القادسية (تبا لك) وتكون ونكون مثل جماهير الأندية الأخرى لا هم لها إلا القذف والشتم فنحن الأمة الهلالية نترفع أن نكون مثلهم ونجاريهم وننزلق مثلهم في الإثم (أنا الحمد لله أخذت موقف من أقارب لي في جده ، ولا أشاهد أي مباراة للهلال معهم وخاصة ضد فريقهم المخطط لأنهم عند التشجيع ينعتوننا يهو؟؟؟؟؟........ وصررر.؟؟؟... إلى آخره) والله يكتب اللي فيه الصالح لفريقنا سواء الشهراني أو حتى داني ألفش.......... |
| الوقت المعتمد في المنتدى بتوقيت جرينتش +3.
الوقت الان » 02:19 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd