26/04/2012, 04:36 AM
|
 | عضو اللجنة الإعلاميه للرياضة العالمية
و رئيس رابطة برشلونه | | تاريخ التسجيل: 11/07/2008 المكان: " Mas que un club " ,,ً
مشاركات: 3,716
| |
بسم الله الرحمن الرحيم !
السلام عليكم شباب !  فقدتوني صح .. شكراً الله لايهينكم !
الف مبروك التأهل للفاينل البايرن وتشيلسي , بغض النظر عن كل شيء صار بالمباراة الى انكم قدمتوا مباراة كبيره من
ناحية الاداء التكتيكي والبدني , وهذا ما ضرب الاسلوب الاسباني بمقتل , بداية في برشلونه والي اشوف ان المباراة
كانت في المتناول , وكانت فاينل اليانز ارينا يصوت يقول يَ برشا , بس للأسف كذا لاعب خذلنا , وكلامي هنا موجهه
لخط الدفاع بقيادة ( بويول ) للأسف القلب الاسد هالموسم , يخذلنا كثير مادري ليش , بالاضافه الى وجه النكبه ( فالديس )
لانفعنا بالحراسه ولا بشيء بالعكس , ضرر بنا بانبراشته على بيكيه والي افقدت بيكيه ذاكرته , وصار معه ارتجاج
بالمخ بسببه , الله لايوفقه ابو صعرور , مادري متى بيترك هالحركات , للأسف يوم بعد يوم يَ فالديس , تثبت انك ولا شيء
ولا تستحق ان ترتدي شعار برشلونه , مادري وش فيه بعكس الموسم الماضي والي اشوف انه ماقصر فالديس ,
لكن هالموسم ومعه كم لاعب خذلونا كثييير , ماسكيرانو امس كأنه يقول اليد الوحده ماتصفق يَ كوليز , ذبحه بويول
تقدم بويول وتحركاته كأنه تحركات لاعب بدائي بكرة القدم للأسف  , بيكيه امس يوم طلع دفاعنا انحاس وصار كله
حووسه والسبب فالديس الله لايوفقه , بغض النظر عن النتيجه ولكن حقيقه لابد للجميع الاعتراف , ان برشلونه اعطى المدرب
دي ماتيو حلول مستقبليه بـ ( ميكيل ) و ( ميريليس ) و ( لامبارد ) بعد مباراة الامس اثبتوا انهم قلوب مدافعين من الدرجه الاولى ,
اثبتوا انهم يستحقون هذا المركز وبالتشكيله الاساسيه  بالمنطق الي يشوف المباراة يقول حظ + حظ + حظ + شغل تكتيكي .
الكوره مو راضيه تدخل مع ميسي , هدد المرمى كثير , ضيع عارضتين وقائم , وانفراده في الشوط الأول , يعني واضح
ومن تشوف هالكميه الكبيره من الفرص تدري ان وراء هالامر حظ ويكسر الحجر بعد , صحيح ان البطوله خلاص راحت ,
لكن الاهم وسيقى الاهم وهو بطولتنا هالسنه تجديد عقد غوارديولا والذي تبقى منه شهر واحد فقط وينتهي , يالله يَ روسيل
شغل اليورو عندك , تراك ذبحتنا انت واسلوب التقشف وتنغيت اللاعبين من فرقهم نبي كذا لاعب يخدمنا يَ خي , نبي مهاجم
مايرحم ونبي ظهير ايسر , ونبي قلب دفاع صخره , شغل التقشف وانا بسدد الديون ماتنفع ولن تجدي ابداً , اذا ما جددت بعض
المراكز لن تحقق الالقاب , وبكل تأكيد اذا ماحقتت الالقاب ماهي جايتك القريشات اسلوبي بالعموم نبي لاعبين مايرحمون
نبي مهاجم مايرحم فالكاو او بيرسي او كافاني المهم مهاجم يخلص يخلص , وياريت لو نشوف ابو بيرسي الموسم الجاي ,
مع اني متأكد ومتيقن ان ابو خشم ( فينغر ) ماراح يطلقه .
نروح لمباراة البايرن , للاسف ريال مدريد اثبت اليوم انه ( فورة بيبسي ) يفور اول عشرين دقيقه ويسجل لك هالاهداف
وبعده يطفي ولا نشوف فريقهم ابداً , اليوم البايرن اثبت انه يستحق التأهل ماسك النص , ولولا اخطاء الحكم الكارثيه
لا انتهت المباراة من بدري لـ البايرن , هدف رونالدو الثاني تسلل واضح , بلنتي لـ روبن قبل نهاية الشوط الأول بدقائق ,
لكن ماشوف احد تكلم فيها , او عشان المستفيد موب برشلونه , ماراح نسمع كل هالاسطوانه المنشقه ! .
يالله هذا الي عندي والسلام ختام ! 
الف مبروك بايرن الف مبروك تشلسي , الف مبروك خويلد رئيس رابطة البلوز , هاردلك لنا وللمدريديه ! 
 * ببساطــة ! اما .. ان نسلٌم بأنه يلعب كرة فـ لا نقارنه بغيره .. او .. يسلٌمون بأنه يلعب رياضة اخرى لايجيدها الى هو . . ! Lionel Messi  ! I'm waiting for U .. Ok |
لين اليوم وانا اعيش نشوة الثار والتأهل وان شالله الكأس 
الوضع العادي
