27/04/2012, 12:43 AM
|
| زعيــم جديــد | | تاريخ التسجيل: 12/02/2009
مشاركات: 29
| |
عذرا ايها الرجل انت لا تستحق الهلال
قبل ان أبدأ فيما سأقول اتمنى من كل هلالي يبحث عن مصلحة النادي سواء كنت في مقر النادي أو من الجمهور ان تترك بصمتك وتحاورني فيما أقول .ffice ffice" /> سأسأل الجميع هل تريدون بطولات ؟ ستكون اجابتكم نعم . ولكن اجابة مسئولي نادي الهلال او من لهم كلمة بالنادي بـ لا . هل تريدون ان تتواصل انتصارات الزعيم كما كان في السابق ؟ ستكون اجابتكم نعم . ولكن إجابة مسئولي نادي الهلال او من لهم كلمة بالنادي بـ لا . لست اخمن ما اقول او احاول اثارة احدٍ ما ولكن هذا ما اراه حسب ما تتخذه الإدارة . خسرنا ياسر ولكن قد يكون له ألف بديل ولكن لم يحضر من يرتقي لنصف مستواه رغم هبوطه. فرطنا بـ رادوي ولم تحضر الادارة من يرتقي لمستواه مع احترامي لمستوى عادل هرماش الرائع ولكن ليس بأفضل من رادوي واجزم بأن جميعكم توافقوني بذلك. خلوني من الاسلوب الثقافي واللغوي وسأتكلم مع الكل كما لو انتم امامي . يوسف العربي : مهاجم ناجح نسبياً ولكن ماهو بمستوى الهلال ولاعب ثقيل الحركه وفيه اللي احسن منه ولكن نرضى بالموجود ونتحمل وجوده الى نهاية كاس الملك . وعسى الله يفتح عيون الاداره وتجيب اللي افضل منه . الحين انا ابي اتكلم عن اللي يجيب لنا الاحباط وخلينا نرجي الله ان أي مباراة يلعبها تنتهي بالتعادل ولا يجيب فينا العيد . وسبحان اللي غيرنا ولا يتغير وصرنا نبي التعادل بعد ماكنا نضمن الفوز بعد مشيئة الله ونطمح لزيادة الاهداف . _ _ _ _ _ _ _ _ _ _ _ _ ( ماجد المرشدي ) ما راح اتكلم بكل شي عن هذا اللاعب لان اسمه بحد ذاته عنوان لكتاب يحمل في صفحاته الحزن لجمهور الهلال ويرسم لنا كيف ترتكب الاخطاء الدفاعيه ويختمه لنا بـ هذه الطريقه ستخسرون البطولات . ( ماجد المرشدي ) كم مره تسبب بكارثه على نادي الهلال . كم مره تسبب بخسارة لنادي الهلال . الحين الاندية اللي ضدنا صارو ينبسطون اذا كان ماجد بالتشكيله الاساسيه . حتى اللاعب اللي توه طالع صار يتفنن ويبرز بالصحافه وكله من ماجد وعلى حساب الهلال . بالله الى متى وحنا صابرين على هالوضع . لا والمصيبه الاعظم ان اسامه هوساوي اللي كان يستر عيوب ماجد راح . انا ودي اوجه كلامي لرئيس النادي واشوف منه حل ومن اعضاء النادي . الى متى وحنا على هالحال . خسرنا الدوري بمباراتين فقط او بالاحرى بخمس دقايق وكلها من اداء ماجد . الحين فهموني شلون بنبدأ الدوري الموسم الجاي وهذي المشاكل كلها معنا . مانبي ياسر ولا نبي رادوي ولا نبي جيريتس ولا نبي اسامه هوساوي ولكن نبي لاعبين يوازونهم بالمستوى اقل شي . يا رئيس الهلال ريحنا من ماجد المرشدي ومستعد انا وكل هلالي كبير وصغير ان نتشارك في دفع مبلغ للاعب يليق بمستوى الهلال . ترى جمهور الهلال يفوق المليونين او ثلاثه مليون فقط بالسعوديه ويعني لو يدفع كل واحد عشر ريال جبنا اللي احسن ماجد ومن هوساوي على عشان كذا اقول مستعدين ندفع للنادي اذا كان الرئيس او اعضاء النادي ما يقدرون يدفعون ويجيبون لنا لاعب ممتاز . ماجد لاعب قوي ومدافع ممتاز ولكن في موسمه الاول مع النادي فقط ومن بعدها انكشف المستور ولكن كان تفاريس يغطي عنه وبعدها جاء هوساوي وما قصر بالستر لكن الحين من اللي بيغطي عليه عنهم . تبون ننتظر لاعب يجي يغطي عن عيوب ماجد . لا ياخوي ريحونا من ماجد وجيبو اللي يفوقون ماجد واسامه هوساوي بالمستوى . اذا كان فيه احد من محبين ماجد يشوف اني قسيت عليه اجل وش اقول عن محبين الهلال الكثر اللي قسى علينا ماجد بمستواه . انا كلامي والله ثم والله ثم والله انه من حبي للزعيم ورغبتي بالتصحيح وليس كرهاً لا بماجد ولا بغيره . اتمنى ان تتحرك الاداره مع نهاية كأس الملك ( عسى الله يعديه على خير ) وتجيب اللي يشفي العله ويبرد الخاطر . واعذروني على إطالتي بجزء بسيط مما يجول بخاطري .  ولكم مني كل الود والتقدير |
, الظاهر ان اداره الهلال جاها ملل 
الوضع المتطور
