|
اختبار القدرات | راب سعودي | اداء فدرالي بسم الله الرحمن الرحيم السلام عليكم ورحمة الله وبركاته قد رسم الكثيرون منا احلام وطموحات كثيره من اجل الوصول الى غايتهم وتحقيق احلام عانقتهم.. لكن فئة من المجتمع قد وضعت عوائق وصعوبات لتلك الامال وحرمت الكثير من الوصول الى أعلى القمم انها مرحلة يمر بها كل طالب وطالبة تحدد مسيرة حياتهم ومستقبلهم الا وهي القدرات:- قضية عانى منها الكثير ومازالوا يعانون فهل المشكلة في عقلية الطالب ام في القدرات !! وهل هوا مقياس للقدراات أم هو مقياس للحظ ؟! اسم الاغنية اختبار القدرات اداء فدرالي ‫اختبار القدرات | راب سعودي | اداء فدرالي‬‎ - YouTube تعب دراسة 12 سنة غير هام إذ لم توفق في اختبار ضياع الاعلام ثلاث ساعات مصيرية راح تخرج فيها روحك راح تضيع مستقبلك وتنهي كل طموحك اختبار صار انتحار غصباً عنك تتقبل قدرات ولا مخدرات كلها ضياع للمستقبل هل هذا منطق ثلاث ساعات تحدد مصيري في اختبار قياس قدرات وتحصيلي وتعب وسهر دراسه 12 سنة وين راح 12 سنه المنبة على الساعه 6 الصباح يعني تعب الماضي خلاص راح عالفاضي ينحصر على اختبار قدرات محد عنه راضي ادفع ميه ريال ممنوع الحاسبة والجوال تتفاجئ ان قدامك اصعب ميه سؤال اسئله تلحس مخك عقلك الله يعينة من اللي كاتب الاسئله من وين جايبينة من اي كوكب من اي مدينة اشك ان اللي كاتب الاسئله هو نوفل او تنين المدينة ]كم عدد جمهور نادي الشباب اذا كان البلطان يعشيهم بروست وكباب كم عدد علب بيبسي المرميه داخل السعودية اذا كان سرعه القطار لايتجاوز الثلاثميه هاذي صيغة الصعوبة في اسئلتكم النفسية إسئله مالها إجابه إجابتكم وهمية اول ما تجلس عالكرسي وتشوف الاسئله وتقراء اول شي يجي في بالك تجاوب بحقراء بقراء مع الخيل يا شقراء عقلك راح يقدم استقاله 100 سؤال استحاله بالله هاذي حاله اسئله تلحس مخك اسئله ماهي في محلها لو تجيب مصطفى الدافور والله يبطي يحلها جابو فينا العيد كالعادة تحاول ونعيد لاكن للاسف هالاختبار مبني على التعقيد صدقوني لو ان العالم نيوتن باقي ما مات كان الحين اتراء من اسئلتكم والقدرات وتلقاه يقول ليتني اكلت التفاحه بوم طاحت على راسي وريحت الطلبة من القدرات والمأسي هو صح لو اكلتها كان ريحتنا من كم قانون عوافي حصل خير با نيوتين هرجتك تهون المصيبة عندنا واحد في بلادي تفكيرة تعقيدي مدري وش طاح على راسة جاب القدرات والتحصيلي هاذا طاح على راسه كرة بولينق او زرادية وجلس لحاله يفكر وقال لقبتها هية نعقد الدراسه اكثر ونخليها تعجيزية قدرات وتراكمي ومناهج غبية التعليم في بلادي كأنه توه بادي تخطيطكم في وادي والتعليم في وادي نبني اجيالاً للغد هاذي قوية خف علينا يا جد يا حليب السعودية ما بنيتو غير اجيال شفناهم الان عاطلين مالقو اي وظائف الان هم مروجين تعب 12 سنه دراسة اهم هاذا مفروض مو اختبار ثلاث ساعات اختباركم مرفوض الضحية هو الطالب انبح صوته وهو يطالب والرد يأتي سلبي او عقوبه في الغالب الخلل في التعليم ماهو في الطلاب فدرالي كان معكم انتهى الخطاب mp3 فدرالي - اختبار القدرات.mp3 - 4shared.com - online file sharing and storage - download LimeLinx - Home - Free File Hosting and Sharing - Audio, Video, Image |
ايه والله انهم صدقو الله يعين بس ع قياس الخميس آخر أختبآر لي نسبتي في المدرسه تمام بس قياس أعلى درجهـ للأسف 69 الله يعين بس والله ظلم مو طبيعي ويارب توفقني وتوفقكـ وأن شاء اجيب ع اقل تقدير 75 |
التعليم من جرف لدحديرة .. الله يعينكم ويوفقكم .. أسوأ مافي الاختبار هو الأسئلة |
امممممم شوف انا قبل لا اختبر كنت ماخذه فكره خايسه عن الاختبار لكن عقب ما اختبرت كان اختباري تافهه جداً و عكس كلام الناس اللي قبلي و حمد لله جبت درجه كويسه اما بالنسبة للحظ شوف يلعب دوووور كبير بس كمان في ناس جابت الدرجة بجهدها !! هو الشي اللي يقهر الوقت و توزيع النسبة بين الثانويه و القدرات و التحصيلي عالـ عموم الله يوفق الجميع و اقسم بالله ان الاستعداد يفييييييييد ممممرا يعني لا تصدق احد يقولك لا تذاكر و ما تنفعك المذاكرة صدقوني ممممرا تنفع المذاكرة الله يوفق العيال اللي بـ يختبروا الأسبوعين هذي يعطيك العافيه |
الحمد لله افتكيت من هالصرقعه من زماان امتحنت اكثر من مره وكل مره اجيب اعلى الحمد لله وقبلتني الكليه الحمد لله بالتوفيق للجميع |
تخيل لو ما كان فيه قياس بس ،، !! :s5s: يجي واحد بأهلية نسبته 120% وهو يحضر بالسنة حسنة ، وأنا 91% بحب الخشوم ،، :d جد ، تعب 12 سنة ما ضاع براسك ثمرته ، والتحصيلي عليه 50% بأغلب الجامعات ، وهو يعتمد على الدراسة ،، الشيء الوحيد السلبي في اختبار القياس هو التكرار ،، أي اختبار يتكرر عدة مرات وتآخذ أعلى درجة هو عبارة عن فشل ومهزلة ،، << كلام احد دكاتره هارفرد بأمريكا وأحد المشتركين في كتابة اختبار توفل العالمي ،، طبعاً السبب مادي بحت ، 4 مرات = 400 ريال من كل طالب ، زيادة 300% عن الاختبار الواحد ،، زيه زي اختبار step عندنا للكفاية الانجليزية ، تخيل تجيك جامعات تطلب تخطي هالاختبار وهو ضحك وتفاهة اي واحد يعرف يس ونو يجاوب الاسئلة ،، ويرفضون التوفل ،، !! لازم ستيب ،، !! لنفس سبب القياس طبعاً ، يبونك تدفع ،، مشكلة الشعب عندنا ما يدري عن شيء ،، |
الله يعين ويوفق ابناءنا لما فيه خير وصلاح اللهم امين |
| الوقت المعتمد في المنتدى بتوقيت جرينتش +3.
الوقت الان » 11:29 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd