|
حتى كلمة شكرا للعيبة الهلال مافيه ؟؟؟ راح أدخل بالموضوع مباشرة من دون مقدمات ، لأنه بصراحة كثير من الأعضاء مصخوها بنظرتهم السوداية وفكرهم المتشنج والضيق الأفق والمحدود إن سمحوا لي بالله عليكم وسألتكم بالله مباراة البارحة : ماكان زعيمنا مسيطر في معظم فتراة إن لم نقل كل فترات المباراة ؟؟؟ ألم يفعل الهلال الأفاعيل بمستوى فني رائع وجمل تكتيكية أجمل من رائعة ؟؟ ألم يكن الهلال في قمة مخزونه اللياقي بعكس الاتحاد ؟؟؟ ألم يخرج الهلال بنتيجة إيجابية بحيث إنه راح يلعب بثلاث فرص وفرصة رابعة تحمل معها فرصتين الإضافية وركلات الترجيح ؟؟ والله من دخلت المنتدى بعد المباراة خربوا علي فرحة المستوى الحلو للفريق وانتشائي بفرحة كنت افتقدها بالهلال من فترة طويلة .. خربوا علينا الفرحة واستكثروها علينا .. بل واستكثروا على لعيبة الهلال إنهم يقولون لهم شكرا وماقصرتوا على هالمستوى !! ماأدري يبغون ناس معصومين مية بالمية عن الأخطاء ؟ مع انه الخطأ جزء من لعبة كرة القدم ووارد الخطأ فيها !! بس ماأدري عندهم إبداع في الانتقادات الحادة ورؤية ثاقبة في الأخطاء لكن بالمقابل عندهم نسف ودمار شامل للمحاسن والجوانب الإيجابية !! أي نعم فيه أخطاء حصلت لكنها ماتمثل شي بالنسبة للمستوى العالي الذي قدمه أفراد فريق يلعب خارج أرضه وبين جماهير الخصم ومو أي خصم لاحظوا جمهور الاتحاد الذي يعتبر الجمهور رقم 2 بالسعودية بعد الهلال !! وين المنطقية وين العقلانية في الطرح ... يعني لو تلاحظون الجمهور الحقيقي للهلال كيف كان فرحان بالملعب بعد نهاية المباراة ، وهذولا للأسف والله للأسف خربوا علينا فرحتنا البارحه .. يعني حتى كلمة جزاكم الله خير ، ومشكورين وماقصرتوا وإلى الإمام يافريقنا ويإدارتنا مافيه !! الله لايبلانا ؟؟ يعني ماأدري وش يبغون أكثر من كذا؟؟ يبون يعني مثلا الهلال يفوز سبعة صفر مثلا؟؟؟ طبعا كلنا نتمنى إن الهلال يفوز وكان قريب من الفوز وبكل أمانة كان هو الجدير بالفوز ونفد الاتحاد بجلده بالتعادل .. بس أنا أستغرب من بعض أصحاب التشنجات وأصحاب العين الواحدة التي لاترى إلا الشي السيء فقط فقط فقط يعني ماأدري وش يبغون أكثر من كذا ؟؟ يعني أتوقع ماراح يقتنعون إلا نجيب برشلونة أو ريال مدريد أو يوفنتوس أو الأرسنال او تشيلسي ويلعبون بدال الهلال!! خلاص عشان يرتاحون ويريحون .. تدرون عاد أتوقع لو يسمح النظام ويكون جميع اللاعبين محترفين ويجيب الهلال فريق البرشا بكامل عناصره يحترفون بنادي الهلال اتوقع ماراح يقتنعون !! ومن بكرى بتشوف الاتنقادات بميسي او بتشافي !!! وياميسي خلك بالاستيشن تبعك ببيتكم عند ماما أصرف لك !! يعني مافيه فايدة !! من جد مايصير والله مايصير الحاصل هذا ؟؟؟ كل شي له حدود ، نسكت نسكت بس إلى متى ، ياأخي قل خير أو اصمت ، إذا عارف روحك إن فكرك خاوي ـ ياأخي مو عيب رحم الله أمرأ عرف قدر نفسه ، دع القوس لباريها وللخيل راكبها .. بصراحة حاجة غريبه والله غريبه ولا حتى كلمة جزاكم الله خير ولا كلمة شكرا على هالمستوى اللي قدمتوه كدعم من الجماهير الداعمة ؟؟؟ وين جمهور الزعيم ؟؟ لكم بجمهور الأهلي عبرة ومثال حسن يحتذى فيه !! شوفوا كيف يساند فريقه ويدعمه بكل أحواله وظروفه .. مع انه خارج من بطولة دوري وبفرص ضائعة أضاعها لاعبوا الأهلي .. ومع هذا ماعلقوا المشانق حولهم !! الآن بديت أصدق كلام سامي الجابر بتصريحه عن بعض المنتسبين بمنتدى الهلال ، لأنه كل إناء بما فيه ينضح ، فإن خفي علينا حقيقة الشخص فشخصية فكره بكتاباته مفضوحه ورب العزة تروها مفضوحة ونقرأها ونفهمها .. ترونا مو سذج للدرجة هاذي لكن أقول استحوا على انفسكم واحترموا المنتدى اللي انتم فيه .. واللبيب بالإشارة يفهم .. |
كلامك سليم يعني صدق كانت في اخطاء بس المستوى امس كان حلو وكنا مسيطرين بس ربك ماكتب لنا الفوز والحمد لله ع كل حال شكرا لكل الاعبين ونتمنى منهم التركيز بالمباراه الجايه وان شاء الله الفوز والتأهل من نصيبنا جماهير الزعيم خلوها فل يوم الخميس الزعيم بحاجتكم يسلموو خيوو |
اتفق معاككككك اخوي فيما طرحت الفريق قدم مستوي طيب وحلو ليلة البارحة الفريق في هذا الوقت محتاج وقفت الجماهير مونقدهم وان شاء الله نتاهل عن طريق الاتحاد باذن الله والف شكرللاعبين ع المستوي الطيب والف شكرلك اخوي ع الطرح الاكثر من رائع يعطيكككككك العافية |
ماقصرت ع الموضوع ايه بالله المباراة من اولها لين تاليها هلاليه والله ماقصرو الاعبين وكل من ينتمي لهلال الحمدلله جد جد ماقصرو مششكوورين وعساهمم ع القووه الله يوفقهمم |
كلامك سليم يعني صدق كانت في اخطاء بس المستوى امس كان حلو وكنا مسيطرين بس ربك ما كتب الفووز وان شاء الله الاياب فوز للزعيم |
اي والله صدقت مابقى الى يبجيبون لاعبيين البرشا ولاهم بسالميين من الانتقادات اللاعبيين امس ماقصور وقدمو لقاء جيد وطلعنا بنتيجه ايجابيه في ملعب الاتحاد وكذلكـ غياب عنصريين اساسيين مع الفريق هوساوي وويلي |
اقول ياولد عمي ياليتهم يسلمون من انتقادات بعض الاعضاء الي في الهلال عشاق لعيبه وليس عشاق كيان في اعتقادي لعيبه معينن لو يحفر الارض ويسوي كل شي مايمدحونه انا في نظري انهم يعشقون لعيبه فقط ولا يحبون الهلال |
يعطيهم العافيه والمطلوب المزيد |
آلله يعطيكم آلف عآفيةةة ، بآلتوفيق لـ هلآلنآ "$.....! |
ما قصرت وفيت وكفيت موضوع ولا اروع |
إقتباس:
11111111111111111111111111111111111111111111111 |
إقتباس:
على فكرة اليوم في جريدة الرياضي الكاتب صالح الواكد تكلم عن سالفة سامي الجابر يوم يتكلم عن بعض المنتسبين بمنتدى الزعيم وانهم قديمين بالانتساب وقليلين بالمشاركات ، فتكلم بكلام بصراحة ضحكت عليه وتذكرت المثل اللي يقول كاد المريب أن يقول خذوني بعدها تاكدت ان صالح الواكد موجود معنا بالمنتدى ويمكن بعد قاعد ينقد ويسفل بالادارة واللاعبين ،ليش لا كل شي جايز مبروك علينا مستوى لاعبين الهلال ومشكورين وماقصرتوا ونبي زيادة أكثربالمستوى |
كلامك سليم يعني صدق كانت في اخطاء بس المستوى امس كان حلو وكنا مسيطرين بس ربك ما كتب الفووز وان شاء الله الاياب فوز للزعيم |
صراحة نشكر نواف وسالم وعادل هرماش على مستوياتهم الرائعه و شيلتهم للفريق من بداية الموسم وعلى ابداعهم بمباراة امس ايضا الحارثي لمادخل كان لعبه ممتاز واكسبنا كذا خطأ لكان صدقوني المشكله مهب في اللعيبه المشكله في المدرب الفاشل اللي عندنا |
والله يستاهلون الشكر لاعبي الهلال خاصة ان اللي يقودهم امكانياته ضعيفه اقصد مدربهم يعطيك ويعطيهم العافية اخوي ماجد وفعلا لازم نوقف مع اللاعبين هذا الشيئ الوحيد اللي نقدر نساعد الفريق به |
| الوقت المعتمد في المنتدى بتوقيت جرينتش +3.
الوقت الان » 03:41 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd