"يا سعد " .. إهداء شوق .. وقصيدة توق .. للنجم الخلوق .. ( سعد الحارثي) .. - نادي الهلال السعودي - شبكة الزعيم

ج ـميل الـ ح ـارثي · #1 10/02/2012, 06:46 AM

،

،’

أحبتي .. الزعماء العظماء الحكماء

تحايا طيبة وبعد ،،

إطلالتي الأولى وانسكابتي هنا بينكم

’،

انتقل الذابح الرابح .. أبو مشعل ..

من مسير وهج الشمس إلى مسار موج البحر

ففاضت القريحة حينذاك مشاعر صادقه تبارك له

خطواته وتحفَّه سنداً بعد رؤيتها لأعاصير الرياح

تأخرت بسكب شهدها على ذائقته وذائقة محبيه

وأقدمها اليوم إهداءاً متواضعاً له مرصعة بالود

قصيد حب للنجم الخلوق سعد الحارثي

محبةً وتقديراً له وإنصافاً له ..

أتمنى أن تصل لقلبه وقلوبكم ..

مغلَّفة بالورد وبعبق الريحان ،،

’،

،’

’

يسعد صباحك يا سعد يا مسا الخير
يا همَّــلالـي .. قولها .. همَّــلالـــي

يالذابـــح اللي فـي جبينك تبـــاشير
غنِّي على لحـــن المعالـــي يا لالي

افرد جناحك وارتقي فـــوق يا طير
يا بختك الغــالي غديت الهـــلالــي

لك في خفوق الكل حشمة وتقديــر
ولك في خفوقي ريح فوح الدلالــي

فيني مشاعـــر تنحنـي بالتعــــابير
قلبي نخانــي وزود همَّي طـــرالي

الشعر يوصــل غايتي دون تفسير
يفداك شعري لو تبي راس مالــي

استخسـرو في قيمتـــك هالدنانيــر !!
واستكثرو فـي مطلبــك هالريالــي !!

هم ما درو عن قيمة القلب تقـــدير ؟
هم ما درو معدنك بالحيل غـــــالي ؟

يالحارثي يا نســل روس المناعير
يالذابــح اللــي تنتخــي بك ليــالي

يا محبِّر الكلمة على القلب تحبيــر
يا شــــاري الحكمة بعقــلٍ مثالــي

أتذكَّرك دايـــم وفــي دون تقصيــر
فيك الحماس اللي يهــزَّ الجبالـــي

أطلقت لك صرخة لها حيل تأثيـــر
بإسم الوطن دمعتك تبغى المعالـي

إنت النقـا يا نجـــم كل المشاهيــر
يا الأجـودي يا ولد عمي وخالــي

أدري بنفســك ما تهمــك دنانيـــر
ما همَّك إلا عـــزَّة النفــس تالــي

من زود تهميشك لـيـا زود تأخيـر
وانت انتظــرت وعذَّبتــك الليـالي

يكفي صبرت وتَعَّبتك المشـــاوير
ما قدَّرو صبرك ودمع الرجــــالـي

ما يعرفو وش هو وفا سالم الزير !!
وش عرَّف الجاهل بفكر الغـزالـي ؟!

من نبَّه الساقي على موية البيــر !!
وش عرَّف الضامي بماي الزلالي ؟!

لا تعتذر منهم ولا تقـــــول تبرير
من ابسط حقوقك وقل ذا حــلالي

قل ما لقيت الا جفا وزود تــدمير
ومن عافنا عفناه لو كان غـــالي

قم طمِّن الخاطر وقل ياعسى خير
شرع الطلاق اللي يصون الموالي

وإن كان شفت البعض يرسم دواوير
يا صاحبــي لا تشتكــي لا تبالــي

خلَّك من اللي يحذفــون المسـامير
خلَّك من اطراف الغوا والهبـالــي

مالك ومــال اللي يكسِّــر قـــوارير
ذي حرقة الحسرة تجيب الخبـالي

قم ودِّع الماضــي ونـشَّ الدبـابيـر
خلَّ الهوى غربي وصدرك شمالي

قم واعرض الخطوة ولوتلعب الزير
زلــزل ربا الـديرة وهـزَّ الجبــالـي

شف كثر عشَّاقك وشوف الجماهير
خذت المحبـة في زمـــانك تــوالي

من عالمي عالي جموعه طــوابير
إليا الزعيم اللي يطـــول المعـالـي

هذي الحقيقة ما تبــي زود تفكيـر
قل للبطــــولة يا حبيبة تعالـــــي

لا ما تبي كلمة ولا كثر تعـبـيــر
يا همَّــلالي .. قولها .. همَّــلالـي

يالرابــح اللي في جبينـك تباشيـــر
غنِّي على لحن المعــالي يا لالي

افرد جناحك وارتقي فوق يا طير
يا بختك الغـــــالي غديت الهلالي

بس حب هذي المملكة يا سعد غير
ارفع شعاره هالوطن فوق عـــالي

" ج ـميل بن سراج "

alrawely · #2 10/02/2012, 01:09 PM

صح لسانك

ويستاهل الرابح

ولو تكتب للهلال اكون من شاكرين لك

تقبل مروري

ஐPrince Khaledஐ · #3 10/02/2012, 01:27 PM

" ج ـميل بن سراج "
ونعم ماقصرت وصــح لســآنك على القصيــده الجزلــه
وسعد الحارثي غالــي من قبل يجي الهلال وزاد غلاه يوم جانا
ويامرحبــا به وإن شاء الله الليله البطوله نهديهــا له